Kabataan Partylist - Naga City

21/08/2026

KABATAAN PARTYLIST NAGA CITY: OFFICIAL STATEMENT ON THE SCHOOL SHOOTING AT ATENEO DE ZAMBOANGA

Kabataan Partylist - Naga City extends its deepest sympathies to the lives affected, injured, and ultimately taken away by the tragic school shooting in Ateneo de Zamboanga University. Since it hit public knowledge, the discourse has regrettably, yet unsurprisingly, mirrored that of other shooting and stabbing incidents that belong to the ongoing string of school violence that began in San Jose National High School in Tacloban.

So far, we have seen the public clamor for the lowering of the age for criminal liability, encourage the presence of state forces within school premises, share unverified information and sensitive photos and videos, and allege various entities as the ultimate cause of the tragedy. Thus, in equal measure, KPL - Naga City condemns the culture of violence and impunity that continues to breed incidents such as this, and most especially, the outright refusal of the government to address this very culture’s systemic roots.

How many more innocent youths should lose their lives until we stop blaming Roblox, overworked teachers, or the youth themselves? It is frustrating, yet not the least bit surprising, to hear SILG Jonvic Remulla claim that the shooter was influenced by Roblox and PCO Usec Claire Castro lambast teachers for allegedly failing to instill moral values within their students. It is easy for the government to scratch the surface and pin the blame on individuals; it is difficult for them to go beyond it and admit, upon seeing the roots, that it is they who have rotted the system from the inside.

This is the same government that has normalized and desensitized the Filipino people to killings—from former president Rodrigo Duterte’s war on drugs to the massacre of Toboso 19, whose victims have been dehumanized and denied justice. Needless to say, it has institutionalized this very violence—from the twin terror laws that give larger freedoms for state forces to act with impunity to budget allocations that prioritize militarization over education.

With this, we must address the fact that the shooter was able to acquire his weapon from his father who is a member of the state forces. We must also refuse band-aid solutions that will never work as sole resorts—with school drills and presence of armed forces in schools being a few examples. Most importantly, we must also realize that so long as the government prioritizes weapons and incentives for state forces over resources for education and mental health, the lives of the youth continue to be at risk of being either groomed into nihilistic violent extremism or ultimately killed by it.

As we recognize that these school-related aggressions are rooted in systems of violence and impunity, Kabataan Partylist, Naga City, calls on the state to prioritize long-term solutions in the 2027 national budget deliberation and address the pre-existing ills of the Philippine education system. Seeing that this is not the first incident of school violence, we must see this as it is: a symptom of the failure of the fascist system, and that intensive punitive measures are not the answer. Instead, we must demand that the government put greater investment in sufficient social, economic, and psychological services, and quality and accessible education to ensure schools cultivate safe and conducive learning environments that truly nurture the development of the youth. In the end, academic freedom and better material conditions for all must come with a society that fights and abolishes a system built on profit and imperialist interests.



JOIN KABATAAN PARTYLIST - NAGA CITY!
tinyurl.com/JoinKabataanPLNC
tinyurl.com/JoinKabataanPLNC
tinyurl.com/JoinKabataanPLNC

06/08/2026

ATENISTANG MAKABAYAN, LUMALABAN!

Agosto 3, 2026 nang nakilahok ang Kabataan Partylist - Naga City at iba pang mga progresibong organisasyon sa kauna-unahang First Week Fight na inilunsad ng mga mag-aaral sa Ateneo de Naga University.

Ang nasabing pagkilos ay isang pamamaraan ng kolektibong pagpapanawagan kasama ang hanay ng kabataang estudyante sa pagbukas ng taong-panuruan. Ilan sa mga tampok na kahilingan ng komunidad ng AdNU ay ang tuluyang pagtanggal ng TOFI, pagkamit ng hustisya para sa mga biktima ng state terrorism, pagkundena sa red-tagging, at ang pagtutol sa nagbabadyang Pax Silica.

Lubos kaming nagpapasalamat sa mga estudyanteng tumindig kasama natin. Bilang mga pag-asa ng bayan, patuloy kaming mananawagan: Atenista, Paglingkuran ang Sambayanan!

03/08/2026

ATENISTA, MAKIBAKA! PAGLINGKURAN ANG MASA!
Nagkakaisang Pahayag ng mga Mag-aaral at Organisasyong Pang-estudyante ng Ateneo de Naga University para sa First Week Fight

Sa pagsisimula ng panibagong taon, ang nagkakaisang mga mag-aaral at organisasyong pang-estudyante ng Ateneo de Naga University ay nananawagan para sa tunay, kongkreto, at sistemikong reporma sa paaralan at lipunan. Pasan natin ang mga mabibigat na suliranin sa loob at labas ng paaralan, at mas malala pa rito ang bitbit ng ibang sektor ng lipunan. Dapat nating iboses ang mga isyung ito, hindi lamang para sa mga interes natin, kundi pati sa interes ng malawak na masa, dahil ang pakikibaka para paglutas ng mga isyung ito ay hindi mapaghihiwalay.

Bilang panimula, sa loob ng pamantasan, may mga estudyante na nagsasabing ang estado ng mga pasilidad ay hindi satisfactory at ang mga kagamitan ay minsa'y kulang-kulang. Ang mga silid-aralan ay mainit lalo na tuwing tanghali, pinapalala ng kawalan ng aircon (o kung mayroon man ay mahina at may lampas ₱200 na Energy Fee) at hindi sapat na electric fan sa mga silid-aralan ng kolehiyo. Ang usapin ng maayos na bentilasyon at aircon ay usapin ng learning environment at welfare ng mga mag-aaral.

Naranasan din ng ibang estudyante ang kulang na chalk at marker para sa pisara ng mga silid-aralan at hindi satisfactory na kaayusan ng mga telebisyon. Ang pisara at TV ay parehong mga pangunahing kasangkapan ng pagtuturo, kaya naman ay nagiging hadlang sa pagkatuto ang hindi maayos na pag-maintain sa mga ito. Madalas ding reklamo ang pagiging mabagal ng ADNU Learning Hub Wifi. Maliban dito, kulang ang bidet, tissue, at sabon sa karamihan ng mga palikuran; hindi lamang ito abala, kundi suliraning pangkalinisan at pangkalusugan.

Maliban sa taong pang-akademikong ito, ilang taong naging derederetso ang Tuition and Other Fees Increase (TOFI) ng administrasyon. Sa ngayon, habang walang TOFI, amin pa ring panawagan ang pagtigil sa TOFI sa susunod na taon sapagkat kahit may mga salik gaya ng krisis sa ekonomiya na nagsasanhi ng TOFI, apektado rin ng parehong krisis na ito ang mga mag-aaral sa loob ng pamantasan, at naniniwala kami na ang edukasyon ay dapat accessible upang mabigyan ng oportunidad ang kapwa nating mga estudyante. Iginigiit din ng mga mag-aaral na hindi satisfactory ang pag-unlad ng mga pasilidad ng pamantasan sa gitna ng mataas na bayarin.

Maliban sa mga isyung pampamantasan, talamak din ang paglabag sa mga karapatan at kalayaang sibil at pulitikal ng mga estudyante. Matatandaan ang pagpunta ng mga pulis sa opisina ng ThePILLARS Publication habang naghahanda para sa isang kilos-protesta sa anibersaryo ng EDSA People Power Uprising upang takutin at kunan ng litrato nang walang pahintulot. Ang pamamasista na ito ay patuloy na isinasagawa ng mga pwersa ng estado magmula sa rehimeng Marcos Sr. hanggang kina Duterte at Marcos Jr. Ang pananakot at pagpapatahimik sa mga kritiko, aktibista, at mga mamamahayag ay patunay na takot ang estado na mailantad ang katotohanan sa taumbayan, sapagka’t alam nila na nasa malawak na hanay ng masa ang tunay na kapangyarihan—hindi sa mga iilan lamang.

Kung ating babalikan ang nakaraan, ating makikita na hindi ito panibagong karanasan ng ating mga kapwa estudyante, lalo na sa AdNU. Sa nakalipas na panahon, ating makikita na maraming mga estudyante ang nakakaranas na ng pagbabanta, pagpapaskil ng red-tagging posters, at ang panghuhuli sa mga inosenteng kabataan na hindi takot bomoses laban sa pasistang estado. Habang dinuduhagi nila ang mga mulat na mga mamamayan, linilinlang at binubulag nila ang marami sa taumbayan gamit ang pekeng balita, ayuda, at panunuhol upang makuha ang suporta nila at panatilihing masunurin sa mga tiwaling opisyal ng gobyerno. Ang isang demokratikong lipunan ay hindi dapat nililimitahan ang karapatan nating bomoses.

Sa kabila nito, kita pa rin sa kasalukuyan ang patuloy na pang-aapi sa mga mamamayan ng estado, kagaya ng pagpaslang kay UP Diliman USC Councilor Alyssa Alano at ng walong iba pang sibilyan ng Toboso 19, kung saan pinatay ng militar ang mga sibilyang nananaliksik at nakikipamuhay lamang sa mga magbubukid sa Negros. Ang Toboso 19 ay isang patunay na patuloy pa rin ang karahasan na kayang gawin ng estado sa mga kapwa nating estudyante. Nais din nating bigyang pansin ang mga isyung panlipunan sa labas ng pamantasan. Patuloy ang harap-harapan na panloloko satin sa mga ulat na ibinigay ni Marcos Jr. noong SONA. Patuloy na pagpapatagal sa impeachment trial ni Sara Duterte. Nariyan din ang Pax Silica na hanggang ngayon ay hindi pinapakinggan ang mga hinaing ng mga tumututol dito.

Ang lahat ng ito ay ang kasalukuyang kalagayan ng bansa. Ang krisis sa edukasyon ay bahagi lamang ng krisis pang-ekonomiya at pampulitika na kinahaharap ng masa. Kaya nananawagan kami sa mga kabataang Atenista na makialam sa mga nangyayari sa ating bayan dahil ang ugat ng mga isyung kinahaharap natin ay konektado sa ugat ng ibang isyung panlipunan. Higit sa lahat, ang laban para sa paglutas sa mga isyung ito ay hindi rin maihihiwalay.

Kaya malinaw, tayong kabataang estudyante na may sigla, talino, at oras ay nararapat na kumilos at ipaglaban ang tama; magsisimula ito sa pag-aaral ng lipunan. Ngunit hindi rin maikakaila na hadlang dito ang kakulangan ng pondo at mga istruktural na polisiya (gaya ng pagbawas sa oras ng Activity Period at mga burukratikong prosesong nagpapahirap sa mga organisasyong magsagawa ng mga aktibidad) na unti-unting pumapatay sa buhay-ekstrakurikular ng pamantasan. Habang kritikal ang mga mag-aaral na pinaglalaban ang katotohanan, nais tanggalin ang mga asignatura sa humanities at agham panlipunan gaya ng Ethics at sinasanay ang mga mag-aaral na maging manhid sa mga pangyayari ngayon at masunurin sa tiwaling sistema at mga nasa tuktok.

Ang mga isyu sa loob ng pamantasan ay mga suliranin na hindi lamang nag-uugat sa administrasyon ng mga paaralan, sapagkat ang pinaka-ugat nito ay ang anti-demokratiko at mapang-aping mga sistema ng imperyalismo, pyudalismo, at burukrata-kapitalismo na patuloy na nagpapahirap sa sambayanang Pilipino. Kaya kabataang estudyante, makialam, tumindig, kumilos, at makibaka! Paglingkuran ang masa!

Sa puntong ito, ito ang aming mga kagyat na panawagan:
Sa pamantasan:
1. Pasasaayos ng pasilidad at mga gamit ng pamantasan
2. I-extend ang No TOFI hanggang sa sunod na taong pang-akademiko
3. Ibalik ang Activity Period bawat Martes at Huwebes
4. Dagdag pondo at suporta sa mga organisasyong pang-estudyante
5. Maayos at inclusive na konsultasyon, at participative na pagdedesisyon sa mga polisiya ng pamantasan
6. Ikonsidera ang mga kilos-protesta bilang special activity na hindi kailangan ng matagal at burukratikong approval process
7. Gawing freedom park ang Xavier Grounds para sa mga kilos-protesta
Sa pamahalaan:
1. Libre, dekalidad, at abot-kaya; siyentipiko, makamasa, at makabayang edukasyon
2. Mas malaking pondo at suporta sa edukasyon, sa mga pasilidad, at sa pagpapaunlad nito
3. Itigil ang pagpapatahimik sa mga estudyanteng lider, aktibista, at mamamahayag
4. Itigil at labanan ang militarisasyon sa mga paaralan, kabilang ang matagal nang planong Mandatory ROTC
5, Huwag alisin ang general education subjects
6. Igiit ang mga karapatan ng mga mamamayan
7. Lutasin ang krisis sa edukasyon

———————————————
SIGNATORIES:
Ateneo Animal Management and Nurturing Network
Ateneo Literature and Language League
Remontados: The Ateneo de Naga University Debate Society
Pioneers of Ignatian Expressive Electronic Arts and Learning Society
Liga ng mga Estudyante sa Agham Pampolitika
The Ateneo Consortium of Technological, Information, and Computing Sciences
Legal Management Institute of Ateneo de Naga Students
ThePILLARS Publication
ADNU 4 Palestine
Kabataan Partylist - Naga

27/07/2026

SA SONA NG BAYAN, PRESENT ANG KABATAAN!

Ngayong Hulyo 27, 2026, nakiisa ang Kabataan Partylist - Naga City Chapter kasama ang iba't ibang sektor na nagkasa ng protesta sa Plaza Rizal. Ito ay bilang pakikiisa sa malawak na hanay ng sambayanang Pilipino na nagpapahayag ng hinaing at tunay na kalagayan sa ilalim ng administrasyong Marcos Jr.

Sa dinami-dami na sinabi ng pangulo hinggil sa umano'y pag-unlad at pag-ayos ng Pilipinas sa kanyang termino ngunit, malinaw pa sa sikat ng araw kung paano bumulusok ang kalagayan ng mamamayan ngayong nakaraang taon. Lahat tayo ay nakaranas ng pagsirit ng presyon ng mga bilihin habang patuloy ang napakabagal na usad ng pagpapanagot sa mga kurakot na walang ibang ginawa kundi ibulsa ang pera ng bayan na dapat sana napupunta sa edukasyon, kabuhayan, at kalusugan ng mamamayan.

Kaya’t malinaw ang hamon sa ating mga kabataan. Ang tunay na pag-asa ay nasa sama-samang tinig at pagkilos natin kasama ang iba pang batayang sektor ng lipunan. Hindi tayo titigil sa pagtindig at paglaban hangga't mabago itong bulok na kalagayan.

Marcos Singilin, Duterte Panagutin!

JOIN KABATAAN PARTYLIST - NAGA CITY!
tinyurl.com/JoinKabataanPLNC
tinyurl.com/JoinKabataanPLNC
tinyurl.com/JoinKabataanPLNC

22/06/2026

Masaya pag may bakla, mahal ko ang mga bakla, gusto ko ang mga bakla, DAPAT MAY BAKLA! 🌈🌈🌈

Ngayong Hunyo, hindi lang kulay at identidad ang ibinabandera natin dahil higit sa anupaman, ang buwan na ito ay pagkilala sa laban at paninindigan ng sangkabaklaan. Marami sa hanay ng kabataan ang direktang nakakaranas ng iba't ibang porma ng diskriminasyon at karahasan na nakabatay sa kasarian, kaya't nasa atin ang lahat ng dahilan para tumindig at makiisa sa laban ng LGTBQIA+ Community para sa kanilang mga batayang karapatan. Naniniwala ang kabataan na hindi magiging malaya ang bayan hangga't hindi malaya ang bawat kasarian.

Nakikiisa ang Kabataan Partylist - Naga City sa lahat ng nananawagan para sa isang tunay na malaya at ligtas na lipunang Pilipino. Bilang mga pag-asa ng bayan, patuloy nating papandayin ang bukas na may katarungan.

Kabataan at kabaklaan, kumilos at magpa-organisa! Sama sama tayong maki-beki hanggang sa tagumpay! ✊️🏳️‍🌈


🏳️‍🌈

12/06/2026

KAHOBENAN, KUMILOS PARA SA TUNAY NA KALAYAAN! 🇵🇭

Ngayong ika-128 na anibersaryo ng Araw ng Huwad na Kalayaan, nananatiling sadlak ang mamamayang Pilipino sa isang sistemang ganid, tiwali, at puno ng inhustisya. Mula noon hanggang ngayon, paulit ulit tayong pinagsasamantalahan at tinatratong tuta ng mga dayuhan, lalong-lalo na ang imperyalistang US, sa pamamagitan ng pagmanipula sa ating ekonomiya, pulitika, militar, at kultura.

Ngayong ika-128 na anibersaryo ng huwad na Araw ng Kalayaan, nananatiling sadlak ang mamamayang Pilipino sa isang sistemang sakim, tiwali, at puno ng inhustisya. Araw ito ng pagkondena sa mga na nagpasimuno sa ating pagdurusa; at Araw ng paninindigan at pananagutan.

Sa ilalim ng nakaraang administrasyong Duterte, pinarating niya sa lahat na tumiwalag ang Pilipinas sa US, ngunit sa ilang sandali, ipinasailalim niya naman tayo sa kamay ng Tsina. Pinabayaan niyang sakupin ng Tsina ang ating teritoryong West Philippine Sea, api-apihin nila ang mga Filipinong mangingisda at Coast Guard, magpatayo ng mga base militar at nakawin ang ating likas na yaman sa ilalim ng dagat, at magpatayo ng mga POGO Hubs upang magsagawa ng malawakang paniniktik at sindikato (ipinagbabawal na sugal, scamming, prostitusyon, at pagpapahirap sa mga binihag na empleyado kung hindi nila maabot ang nakatakdang kota o sa pagbatikos sa ganitong sistema).

Sa ilalim ng kasalukuyang administrasyong Marcos Jr., gaya ng kanyang ama, lalong umiigting ang pagkapit ng US sa Pilipinas dahil sa pagpasok nito sa mga hindi makatarungang kasunduan tulad ng Pax Silica, kung saan ang bansa ay gagawing sentro ng produksyon ng mga computer chips at semiconductors para sa war machines ng US; pagpayag sa pagtatayo ng refueling hub at sa paglalagak ng mga kagamitang pandigma sa mga EDCA sites; at patuloy na pagdami ng mga war exercises kasama ang iba pang bansang kaalyado ng Imperyalistang US. Higit pa itong pinapalala ng mga neoliberal na polisiyang patuloy na ipinpatupad ni Marcos Jr. tulad ng Oil Deregulation Law, VAT, at iba pa.

Lahat ng ito ay ginagawa ng mga mapang-abusong rehimen sa gitna ng mga lumulutang na mga isyu ng katiwalian at lumalalang krisis na pumapatay sa libo-libong mamamayan. Habang ang mga nasa Senado at mga naghaharing-uri sa Pilipinas ay nagnanakaw ng male-maletang pera mula sa kaban ng bayan, ay patuloy namang tayong nalulugmok sa kahirapan.

Kaya naman marapat lang na magkaisa ang mamamayang Pilipino upang manawagan, makibaka, singilin at panagutin ang mga salarin.

Sa lahat ng kabataan, lalo na sa Kabataang Nagueño; Magkaisa at ipaglaban ang tunay na kalayaan ng ating tanging tahanan, ang Pilipinas!

Bilang mga kabataan at mamamayang makabayan, ang tungkulin natin ay ang maging lumiliyab na apoy na magmumulat sa mga mata ng taumbayan, lalong-lalo na sa mga nalinlang ng mga masasama at manhid sa mga malalagim na katotohanan, buhayin muli ang diwang makabayan, at ang maggagabay sa kinabukasan tungo sa pag-unlad sapagkat mula sa kasayasayan at kasalukuyan, ang kabataan at ang masa mismo ang may kakakayahang maglunsad ng mga kilusan upang panagutin ang mga tiwali at makamit ang tunay na kasarinlan, kalayaan, katarungan, at kaunlaran para sa higit na ikabubuti ng taumbayan at kaluwalhatian ng buong Pilipinas!

SUMALI SA KABATAAN PARTYLIST NAGA CITY!
tinyurl.com/JoinKabataanPLNC

03/06/2026

Dalawang araw mula nang matapos ang Kaogma, matapos ang kasiyahan, pero ang tanong: kasiyahan nga ba ang dulot nito o paghihirap para sa mga residente ng Camarines Sur. Pagkatapos ng malalakas na tugtugan, sayawan at tuwa, ito naman ay nabalot ng kalungkutan sapagkat hindi kaya ma-tago ng festival na ito ang paghihirap ng mga taong pinagloloko at pinagkakaitan ng kanilang mga karapatan.

Bilang mga kabataan, mariing namin ang kinondena ng paglustay ng pamilyang Villafuerte ng mahigit 75 milyong piso galing sa kaban ng bayan para sa isang festival na ilan lamang ang nakikinabang, habang nagsisya ang ilan, marami namang nagdurusa dahil sa kawalan ng kita at pagkain. Kahit na nakikita ang isyu sa ating lipunan ay patuloy padin ang pagsagawa nitong festival na hindi naman nakatulong sa situasyon na hinaharap ng mga taga-Camarines Sur. Hanggang ngayon ay nananaig ang problema kung saan kukuha ng kanilang ikabubuhay. Hindi tulong ang naibigay kundi purwisyo sa mga naninirahan dito. Ang festival na ito ay isang halimbawa ng pagbukas sa mata ng mga tao na patuloy parin sumusupporta sa administrasyon na ito na pinapakita kung ano nga ba ang pinapahalagahan talaga nila.

Sa muli, ang tao ang dapat natin palaging inuuna, ang pangangailangan nila lalo na sa krisis na nagdulot ng pagkagutom, pagkawala ng trabaho at kahirapan sa mga tao dito.

02/06/2026

Palakasin natin ang panawagan;

Palayasin ang mapanirang Wanderlust Land Development Corporation!
Panagutin ang ganid na Dinastiyang Villafuerte!
Palayain ang mga naghihirap na magsasaka ng Siruma!

Nilinaw ni Camarines Sur 4th District Rep. Arnie Fuentebella na magpapatuloy pa rin ang imbestigasyon ng kongreso sa land claim issue ng Wanderlust Land Development Corporation sa 1,014 hectares ng lupa sa Barangay San Ramon at Salvacion, Siruma parehong probinsya.

Una nang isinulong ni Fuentebella sa pamamagtan ng kaniyang privilege speech sa kamara baha, noong Pebrero 9, ngayong taon ang isang congressional investigation ng committee on good government and public accountability sa isyu.

Kagabi, ibinahagi ni Fuentebella ang pagbisita ng iilang agrarian reform beneficiaries (ARB) sa lugar kasama si Kapitan Bavel Arevalo ng Barangay San Ramon, nasabing bayan; Siruma Mayor Karen Polinga, KiudKIad Campsite owner Randall Dagooc at mga abogado sa tanggapan ni Apayao Lone District Rep. Eleanor Bulut-Begtang, chairman ng House committee on agrarian reform para sa isang maikling pagtitipon hinggil sa isyu.

Malaiban pa sa pakikipagtalakay kay Begtang, naging matagumpay din ang pakikipagpulong ng mga apektado sa isyu kina Anakbayan Party-list Rep. Chel Diokno, Kabataan Party-list Rep. Renee Co at Mamamayang Liberal Party-list Rep. Leila de Lima na ayon pa kay Fuentebella, nagtaka sa titulo ng korporasyon sa kalupaan na may 434 hectares ng certificate of land ownership award (CLOA) holders, 300 timberland maging ang 140 hectares na may bodies of water.

Kaugnay nito, nakatakdang bumisita muli si Fuentebella sa Sabado, Hunyo 6 para sa gagawing briefing sa mga residenteng apektado ng land claim kasama ang Register of Deeds, Department of Agrarian Reform, Department of Environment and Natural Resources, National Bureau of Investigation at iba pang ahensya ng gobyerno.

Samantala, nagpasalamat si Dagooc kay Fuentebella, Polinga at sa mga party-list representatives dahil sa kanilang pakikinig sa kanilang hinaing mula sa malayong bayan ng Partido area. || Radyoman Paulo Papa

📸 Randall Dagooc

01/05/2026

𝙎𝙖𝙝𝙤𝙙, 𝙞𝙩𝙖𝙖𝙨! 𝙋𝙧𝙚𝙨𝙮𝙤, 𝙞𝙗𝙖𝙗𝙖! ₱1,200 𝙡𝙞𝙫𝙞𝙣𝙜 𝙬𝙖𝙜𝙚! 𝙈𝙖𝙣𝙜𝙜𝙖𝙜𝙖𝙬𝙖𝙣𝙜 𝙠𝙤𝙣𝙩𝙧𝙖𝙠𝙩𝙬𝙖𝙡, 𝙜𝙖𝙬𝙞𝙣𝙜 𝙧𝙚𝙜𝙪𝙡𝙖𝙧! 𝙑𝘼𝙏, 𝙩𝙖𝙣𝙜𝙜𝙖𝙡𝙞𝙣! 𝙊𝙞𝙡 𝙙𝙚𝙧𝙚𝙜𝙪𝙡𝙖𝙩𝙞𝙤𝙣 𝙡𝙖𝙬, 𝙞𝙗𝙖𝙨𝙪𝙧𝙖! 𝙄𝙢𝙥𝙚𝙧𝙮𝙖𝙡𝙞𝙨𝙢𝙤, 𝙥𝙮𝙪𝙙𝙖𝙡𝙞𝙨𝙢𝙤, 𝙗𝙪𝙧𝙪𝙠𝙧𝙖𝙩𝙖-𝙠𝙖𝙥𝙞𝙩𝙖𝙡𝙞𝙨𝙢𝙤, 𝙞𝙗𝙖𝙜𝙨𝙖𝙠! ☀️❤️‍🔥

Iilan lamang ito sa mga panawagang dumagundong sa St. Rafael the Archangel Parish, Legazpi City, kung saan nagtipon ang mga progresibong grupo at iba’t ibang sektor ng mga manggagawa upang makabuluhang igunita ang Mayo Uno o Araw ng Paggawa 2026.

Maging sa serbisyo, agrikultura, gobyerno, o transportasyon man ang hanay ng kanilang trabaho, ibinahagi ng bawat manggagawa ang kanilang mga danas sa ginanap na Bicol Workers’ Forum. Mula sa kawalan ng titulo sa lupang sakahan hanggang sa kawalan ng suporta galing sa gobyerno, nakaangkla ang kanilang mga pagsubok sa iisang ugat: imperyalismo, pyudalismo, at burukrata-kapitalismo—na siyang nagpapahirap at nagsasamantala sa mga buhay natin bilang Pilipino.

Nakikiisa ang hanay ng kabataan, kasama na ang Kabataan Partylist - Naga City, sa taas-kamaong pagmartsa upang ipaglaban ang ating karapatan na magkaroon ng nakabubuhay na sahod, magtrabaho sa makataong kondisyon, at mapalaya sa karahasan ng estado.

Sa kabila ng mapayapa at pinahintulutang protesta, dinagsa pa rin ito ng pan-reredtag, pang-iintimida, at pambubulabog ng isang grupo sa buong oras ng programa. Bagama't may mga nakaantabay na pulis, mas pinili nilang manood lamang at pagsilbihan ang naratibo na ang aktibismo ng kabataan ay terorismo.

Ito ang sagot ng estado sa gitna ng krisis, korapsyon, at gera: ang supilin ang karapatan ng mga kabataan na tumindig at pag-aralan ang lipunan. Takot ang administrasyon sa kabataang pinagsisilbihan ang masa, kagaya na lamang ng mga biktima sa . Ang pagpaslang na sinapit nina Alyssa, Errol, RJ, Maureen, at marami pang iba sa kamay ng estado ang mismong dahilan kung bakit dapat tayong magpursigi lalo sa pagsulong ng makabayang pagbabago ng lipunan.

𝙆𝙖𝙗𝙖𝙩𝙖𝙖𝙣, 𝙖𝙣𝙜 𝙢𝙜𝙖 𝙢𝙖𝙣𝙜𝙜𝙖𝙜𝙖𝙬𝙖'𝙮 𝙞𝙮𝙤𝙣𝙜 𝙞𝙥𝙖𝙜𝙡𝙖𝙗𝙖𝙣!
𝙐𝙧𝙞𝙣𝙜 𝙢𝙖𝙣𝙜𝙜𝙖𝙜𝙖𝙬𝙖, 𝙝𝙪𝙠𝙗𝙤𝙣𝙜 𝙢𝙖𝙥𝙖𝙜𝙥𝙖𝙡𝙖𝙮𝙖!
𝙐𝙧𝙞𝙣𝙜 𝙢𝙖𝙜𝙨𝙖𝙨𝙖𝙠𝙖, 𝙥𝙖𝙣𝙜𝙪𝙣𝙖𝙝𝙞𝙣𝙜 𝙥𝙬𝙚𝙧𝙨𝙖!

𝙎𝙪𝙢𝙖𝙡𝙞 𝙣𝙖 𝙨𝙖 𝙆𝙖𝙗𝙖𝙩𝙖𝙖𝙣 𝙋𝙖𝙧𝙩𝙮𝙡𝙞𝙨𝙩 𝙉𝙖𝙜𝙖 𝘾𝙞𝙩𝙮! 🫵
SIGN UP HERE:
🔗 http://tinyurl.com/JoinKabataanPLNC
🔗 http://tinyurl.com/JoinKabataanPLNC
🔗 http://tinyurl.com/JoinKabataanPLNC

30/04/2026

PAG-ASA NG BAYAN! KABATAAN!

ABRIL 27, 2026, nagsagawa ng rally, solidarity messages, candle-lighting, at prayer vigil ang mga miyembro ng Kabataan Partylist - Naga Chapter, Jovenes Anakbayan Naga City, ThePILLARS Publication, College Editors Guild of the Philippines - Bicol Chapter, at Liderato kan Nueva Atenista of Ateneo De Naga University at ibang mga estudyante nito bilang pagbibigay-pugay at pakikidalamhati sa Toboso 19 na pinaslang ng berdugong Armed Forces of the Philippines noong Abril 19, 2026 sa isang engkwentro sa pagitan ng AFP at NPA sa Negros Occidental.

Kabilang sa mga pinaslang ay sina Alyssa Alano—isang aktibista at student councilor ng UP Diliman, RJ Nicole Ledesma—isang mamamahayag ng Altermidya at nominado ng Kabataan Partylist noong Halalan 2022, Errol Wendel—isang peasant advocate at researcher, at Maureen Keil Santuyo—isang peasant advocate. Ayon sa International Humanitarian Law (IHL), nilabag ito ng AFP dahil sakanilang pagpatay ng mga sibilyan sa Negros. Sa isang engkwentro, mayroon responsibilidad ang parehong panig na protektahan ang mga sibilyan, Bukod duon, nararapat din na i-recognize ang pagkakaiba ng mandirigma sa isang sibilyan at ang proportionality o tamang gamit ng dahas. Ngunit ano ang sagot ng AFP? Walang pakundangan na pinagbabaril at pinagpapatay pati na ang mga sibilyang walang kalaban-laban!

Makikita natin kung gaano katakot ang mga makapangyarihan sa mga makabayang mamamayan na nagtataas ng boses at naglilingkod para sa mga mahihirap at walang kalaban-laban, upang mapagtakpan ang bulok na sistema at protektahan ang kanilang pansariling interes! Ang sigalot sa Negros Occidental ay hindi na bago dahil nagsimula ito sa pamumuno ng dating Pangulong Rodrigo Duterte nang idineklara niya ang Memorandum No. 32 o “state of lawless violence” at ngayon ay patuloy na pinopondohan ni Marcos Jr. ang NTF-ELCAC upang maglunsad ng malawakang crackdown sa mga aktibista.

Ang mga biktima sa Toboso 19 ang nagtataguyod sa mga ipinaglalaban ng mga taga Negros Occidental lalo na sa usaping lupa. Imbes na tugunan ng estado ang krisis sa lupa, trabaho, at serbisyo, ang palaging sagot ng administrasyong ito ay paulanan ng bomba at bala ang mga walang kalaban-laban na mga komunidad. Kahindik-hindik ang paglabag ng militar at ni Marcos Jr. sa karapatang pantao ng mga mamamayan dahil simula pa lamang ng 2022 sa Negros Occidental ay lagpas ng 50 ang extrajudicial killings na naitala rito.

Kaya hanggang ngayon ay nananawagan ang Kabataan Partylist Naga City to Uphold International Humanitarian Law sa pamamagitan ng full, independent, and impartial investigation upang matukoy at mapanagutan ang mga naiuulat na paglabag ng militar sa karapatang pantao at pandaigdigang makataong batas o IHL. Nananawagan kami ng hustisya para sa mga nawala namin na mga kapwa aktibista dahil kami ay naninindigan na hindi kailanman magiging krimen ang pag-aaral sa lipunan!

Gawing huwaran sila Rj, Alyssa, Errol, Maureen, Roger at Roel sa pagsasabuhay ng prinsipyong pagsilbihan ang masa.