05/11/2024
PAGPAKITA SA KADASIG UG KOOPERASYON SA IKA-UNOM NGA PYAP MONTHLY ROUND-ROBIN MEETING: MALAMPUSON NGA NAGAKAIUSA!
Human sa pagsaulog sa Undas, gipahigayon ang ika-unom nga PYAP Monthly Round-Robin Meeting sa Purok 2, Sta. Ana, Libasan, Nabunturan, Davao de Oro, kaniadtong Nobyembre 03, 2024. Ang miting gitambongan sa 18 ka mga lider sa Pag-asa Youth Association of the Philippines, Inc. (PYAP) gikan sa nagkadaiyang barangay sa lungsod sa Nabunturan. Kini nga miting naghatag og dakong oportunidad sa mga kabatan-onan sa komunidad nga maghiusa, magpasabot sa ilang mga plano, ug magpahimugos sa mga inisyatiba nga magpalambu sa ilang mga barangay.
Sa maong miting, gihisgutan ang mga agenda nga maghatag og kahulugan sa mga umaabot nga kalihokan, ilabi na ang Year-End Evaluation ug Assessment. Ang Year-End Evaluation mao ang tinuig nga ebalwasyon sa mga lideres sa Pag-asa Youth Association of the Philippines, Inc. (PYAP) nga naglakip sa ilang aktibong partisipasyon ug kontribusyon sa mga programa ug proyekto sa ilang mga barangay. Dinhi, gisusi ang ilang papel sa nagkadaiyang tulunghaan ug ang epekto sa ilang mga inisyatibo sa komunidad.Ang Assessment, nga giandam karon sa mga lider sa Pag-asa Youth Association of the Philippines Inc. sa nagkalain-laing barangay sa Lungsod sa Nabunturan, magahatag og dakong oportunidad sa pagkilalahay ug pagtan-aw sa mga natampo ug kalampusan sa matag lider sa ilang barangay. Ang Year-End Evaluation ug ang Assessment nga maoy giandam alang sa umaabot nga November 19, 2024, nagtuo nga magahatag og dakong impact sa pag-apod-apod sa mga parangal ug pasidungog sa Most Outstanding PYAP President.Ang mga lideres sa nagkalain-laing barangay sa Nabunturan nagsugod na og andam sa ilang mga dokumento aron ipakita ang ilang progreso ug kalampusan sa maong programa. Ang mga representative folders nga kinahanglan ipasa naglakip sa mga sumusunod nga dokumento:
1. List of Members
2. Accomplishment Report - Apil na ang partnership, initiatives, participation, ug linkages nga nahimo sa tibuok tuig.
3. Organizational Chart ug ang Barangay Set of Officers
4. page - Apil ang screenshot sa official FB page ug tanang posts nga nagpakita sa aktibidad ug mga inisyatibo sa PYAP.
Kini nga mga dokumento magahatag og kompleto ug klaro nga panan-aw sa kalampusan ug kahimtang sa PYAP sa matag barangay. Ang pagsuporta ug koordinasyon sa matag lider ug mga opisyal sa komunidad naghatag og dakong kontribusyon sa malampusong pagtuman sa atong mga katuyuan ug misyon.
Ang organisasyon nagapasalamat ug nagpaabot sa dakong pag-ila sa tanang mga tawo nga nagpaluyo sa kalampusan sa miting, ilabi na kang Hon. Rotchie Torrejas, Punong Barangay, sa iyang lig-on nga liderato ug dedikasyon sa mga proyekto alang sa komunidad; kang Hon. Drexsel Refamonte, SK Chairperson, sa iyang suporta sa kabatan-onan; sa MSWD Office nga gipamunoan ni Ma’am Alma Delia C. Besana, RSW; sa tibuok paggiya ug suporta sa kalihokan; ug kay Sir Tony Matunhog, Youth Service Provider, ug Sir Benes Coquilla, CSE, PYAP Adviser, sa ilang malampusong kontribusyon sa pagplano ug implementasyon sa mga aktibidad, nga naghatag og dako nga paglaum ug kahulugan sa atong mga inisyatiba ug nagpalig-on sa kooperasyon ug pag-uswag sa komunidad.
"PAGPAKITA SA KADASIG UG KOOPERASYON SA IKA-UNOM NGA PYAP MONTHLY ROUND-ROBIN MEETING: USA KA MALAMPUSON NGA PAGKAHIUSA!"
