Muntinlupeños for Palestine

18/06/2024

13/06/2024

12/06/2024

𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆
Muntinlupa for Palestine
Kabataan Partylist - Muntinlupa

Sa ating panahon na lalong umiigting ang pang-aabuso sa karapatan at kalayaan ng ating bansa, patuloy ang mga kabataan sa paglaban upang ipaglaban ang ligtas at payapang bansa na malayo sa karahasan.

Ang ating tanong sa ating mga sarili; Malaya nga ba talaga tayo? Malaya bang maituturing ang isang bansang hawak sa leeg ng mga dayuhan? Malaya ba ang bansang patuloy na pinagsasamantalahan ng mga imperyalista? Malaya nga ba tayong mga Pilipino na isang kahig, isang tuka pa rin kahit na "mayaman" naman ang Pilipinas?

Ngayong Araw ng Kalayaan, nananatiling banta sa katatagan ng ating soberanya ang presensya ng mga imperyalistang bansa. Nariyan ang China na pilit na inaagaw at pinapasok ang ating teritoryo, na nagdudulot ng takot sa ating mga mangingisda at perwisyo sa kanilang kabuhayan. Nariyan din ang Estados Unidos na numero unong tagasuporta ng mga digmaan sa iba't-ibang panig ng mundo. Sila rin ang numero unong dahilan kung bakit patuloy ang nagaganap na genocide sa mga Palestino.

Sa ating pagdiriwang ng huwad na Kalayaan, dalangin ng mga kabataan ang tunay na paglaya at kapayapaan para sa mga Palestino na mahigit kalahating siglo nang pilit pinaaalis sa kanilang lupain at inaabuso ng huwad na estado ng Israel. Mananatiling kaisa ng mga Palestino ang mga Pilipino sa paglaban hanggang kalayaan at kapayapaan ay ating makamit. Tanging hangad ng mga Pilipino at Palestino na mamuhay sa isang bansa na payapa, malaya, at malayo sa pang-aabuso at karahasan. At nawa'y matamasa natin ito sa lalong madaling panahon.

Kabataan, tumindig para sa karapatan, tumindig para sa kapayapaan, at tumindig para sa kalayaan ng sambayanang Pilipino at ng mga Palestino.

Hindi tayo Malaya, Mahaba lamang ang Tanikala.

10/06/2024

ANO ANG NANGYAYARI SA PALESTINE AT BAKIT SINUSUPORTAHAN NG MGA KABATAAN ANG LABAN NG MGA PALESTINO?

Naniniwala ang mga kabataan na ang tunay na kalayaan ay makakamit lamang kapag bumagsak ang imperyalismo. Sa bawat bahagi ng mundo na mayroong digmaan, ay hindi mawawala ang presensya ng mga imperyalistang bansa tulad ng Estados Unidos, China, United Kingdom, at kasama ang mga kaalyado nito.

Upang mas maintindihan ang mga kasalukuyang kaganapan, tayo'y magbalik-tanaw sa kasaysayan. Taong 1947 ng ipatupad ng United Nations ang Resolution No. 181, o ang U.N Partition Plan for Palestine, na layong hatiin ang lupain ng Palestine upang bigyang daan ang jewish settlement. Nakasaad dito na 42% ng lupain ang mapupunta sa Arab state ng Palestine at 56% naman ang mapupunta sa Jewish state ng Israel, samantalang ang nalalabing 2% ay sa Jerusalem at Bethlehem na magsisilbing International zone. Ngunit sa kagustuhan ng Israel na kubkubin at sarilihin ang buong lupain, unti-unti nilang inokupa ang mga lupain na nakalaan para sa mga Palestino. Dito makikita na ang karahasan laban sa mga Palestino ay noong 1950's pa nagaganap.

Taong 2023, nang tuluyang pumutok ang digmaan sa pagitan ng Hamas at ng huwad na estado ng Israel, magmula Oktubre noong nakaraang taon hanggang sa ngayon, Milyun-Milyong Palestino ang naging biktima, humigit 37,000 ang pinaslang, at 75% nito ay mga kababaihan at bata.

Kung ilalapat ito sa ating bansa, ito ay maihahalintulad sa ating mga katutubo na sapilitang pinaaalis ng mga naglalakihang korporasyon sa kanilang sariling lupain, ito ay sa tulong naman ng mga ahente ng estado, na walang habas na tinatakot at pinapaslang ang mga nais kumontra sa kanila.

Sinusuportahan ng mga kabataan ang laban ng mga Palestino at ng Sambayanang Pilipino para sa buhay at tunay na kapayapaan, na malaya sa kamay ng mga imperyalistang sumasakal dito.

09/06/2024

TAGUIG POLICE’S UNCONSTITUTIONAL VIOLATIONS TOWARDS ANIMAL RIGHTS ACTIVIST EDISON YU

Illegal detention, disallowing visits, and non-disclosure of custodial transfer — these are some of the UNCONSTITUTIONAL human rights violations the Taguig City Police had committed in detaining animal and climate activist Edison Yu.

Youth for Palestine - Makati strongly condemns the series of gross human rights violations perpetrated by Taguig City Police.

This severe breach of people’s right to due process worries us about the state of civil freedoms Filipinos have under unlawful police action. The blatant disregard to the writ of habeas corpus further underlines Taguig City Police’s practice of impunity — to “serve and protect” not the people but the embassy of genocidal Israel.

Taguig City Police’s excessive force and infraction to Edison reflects directly the attitude of Israel to the field of human rights. In our stand to end the genocide in Gaza, we also call upon ending police brutality and abuse perpetrated against those of the likes of Edison, who call for justice in Palestine.

09/06/2024

Si Edison Yu, isang masugid na tagasuporta ng Palestine, ay nananatiling nasa kustodiya ng Taguig City Police. Ang pagdetain ay maituturing na ilegal dahil walang pormal na kasong isinasampa sa kanya matapos ang 33 oras nito sa kustodiya ng mga kapulisan.

Kasalukuyang binabarikadahan ang paligid ng Taguig City Police Station, hinaharangan rin ng mga kapulisan ang mga bisita at hatid na pagkain para kay Yu, na malinaw na paglabag sa karapatan nito na kumonsulta sa kanyang legal counsel at access sa kanyang basic necessities.

Ang panawagan ng mga kabataan at ng Muntinlupa for Palestine,
PALAYAIN SI EDISON YU!

15/05/2024

TINGNAN:

Ngayong Araw, bilang paggunita sa ika-76 anibersaryo ng Nakba Day, ay nagsagawa ng kilos-protesta ang mga kabataan patungo sa Israel Embassy upang kondenahin ang US-backed genocide sa mga Palestino. Naging marahas ang isinagawang dispersal ng kapulisan sa mga nagprotesta nang sapilitang itulak ang mga ito patungo sa Kalayaan Ave.

Sa kabila ng pandadahas ng Taguig City Police at BGC Marshalls, ay matagumpay na nakapagprograma ang mga kabataan bilang pakikiisa nito sa laban ng mga Palestino para sa kalayaan.

From the River to the Sea, Palestine will be Free! 🕊️🇵🇸




—————
Sa mga nais maging bahagi ng Muntinlupeños for Palestine, maari lamang na magpadala ng mensahe sa aming page!

14/05/2024

KALAYAAN PARA SA PALESTINE! ✊🇵🇸

Sa ika-76 na taong anibersaryo ng Israeli Occupation, isang kilos-protesta ang ilulunsad ng iba't-ibang sektor bilang pakikiisa sa mga Palestino.

Sa kasalukuyan, Libo-libong Palestino ang nasawi at nawalan ng tahanan dahil sa patuloy na karahasan ng Israel sa tulong ng numero unong kaalyado nito na Estados Unidos. Panawagan ng mga mamamayang Pilipino, Itigil ang karahasan at kalayaan para sa Palestine!

May 15, 2024
Embassy of Israel, Bonifacio Global City

FROM THE RIVER TO THE SEA, PALESTINE WILL BE FREE!! 🇵🇸