CFD Santa Maria Update

15/06/2026

USAPING DIVORCE (part 1)

Ang Kabanalan ng Sacramento ng Kasal
(Sanctity of Matrimony)

Pro Deo et Ecclesia

#𝐎𝐧𝐞𝐂𝐅𝐃

11/06/2026

Kailan isinilang ang Simbahan?
..sa kaisipan ng Diyos Ama ..sa Tagiliran ni Jesus ..sa araw ng Pentecostes

Pro Deo et Ecclesia

#𝐎𝐧𝐞𝐂𝐅𝐃






-San Juan Crisostomo

10/06/2026

Today, we remember one of the CFD advisers in the Diocese of Nueva Ecija, Rev. Fr. Richmond Nilo, who was tragically shot and killed a month before our scheduled debate with a minister.

We also remember our fellow defender of the faith, Tatang Larry Mallari of Radio Veritas.

May the Lord welcome them into His heavenly kingdom and embrace them in His eternal light.

Eternal rest grant unto them, O Lord, and let perpetual light shine upon them.

May they rest in peace. Amen.

(photo credit to Bro Marco Evangelista)

07/06/2026

Bakit Sinasamba ng mga Katoliko ang Kapirasong Tinapay?

Hindi sinasamba ng mga Katoliko ang tinapay mismo. Ang sinasamba nila ay si Hesukristo sa Sacramento ng Eukaristiya.

Sa panahon ng Banal na Misa, at Consecration ng tinapay at alak ay nagiging tunay na Katawan at Dugo ni Kristo sa pamamagitan ng pagkilos at kapangyarihan ng Espiritu Santo. Bagama't nananatili ang anyo, lasa, at itsura ng tinapay at alak, ang pinakaloob na realidad ay nagiging si Kristo mismo.

salita ni Jesus:

"Ito ang aking katawan." (Mateo 26:26)»

At sinabi rin Niya:

"Ako ang tinapay na buhay na bumaba mula sa langit... at ang tinapay na aking ibibigay ay ang aking laman para sa buhay ng sanlibutan." (Juan 6:51)»

Dahil dito, ang konsagradong Ostiya ay hindi na ordinaryong tinapay, kundi si Hesus na tunay na naroroon. Kaya kapag lumuluhod ang katoliko sa harap ng Eukaristiya o nagsasagawa ng Adorasyon, hindi sinasamba ang isang bagay o kapirasong tinapay, kundi ang Panginoong Hesukristo na naroroon sa Sacrmento ng Eukaristiya.

Pro Deo et Ecclesia

#𝐎𝐧𝐞𝐂𝐅𝐃

05/06/2026

change venue po
BEC room 3rd floor na po gagawin ang Pag aaral

Pro Deo et Ecclesia

PAANYAYA

Inaanyayahan namin ang lahat na makiisa sa:

📖 CFD APOLOGETICS & BIBLE STUDY

Palalimin ang iyong pananampalataya, pag-aralan ang Salita ng Diyos, at matutong ipagtanggol ang katotohanan ng Simbahang Katolika.

📅 June 6, 2026 (Saturday)
🕑 2:00 PM
📍 BEC ROOM
Minor Basilica and Parish of La Purisima Concepcion – Santa Maria

Tara na at sama-samang mag-aral, magbahagi, at maglingkod para sa Diyos at sa Kanyang Simbahan.

✨ PRO DEO ET ECCLESIA ✨

04/06/2026

CFD RIDERS NAGSAGAWA NG OUTREACH PROGRAM SA TAYTAY, RIZAL

Nagsagawa ng Outreach Program ang Catholic Faith Defenders (CFD) sa pangunguna ng CFD Riders noong Mayo 23, 2026 para sa mga kabataan sa Taytay, Rizal.

Ang CFD Riders ay binubuo ng mga motorcycle enthusiasts mula sa iba't ibang CFD Chapters sa Luzon at pinamumunuan ni Bro. Michael Puno, Pangulo ng CFD La Purisima Concepcion–Santa Maria. Sa pamamagitan ng gawaing ito, naipakita ng grupo ang kanilang pagmamalasakit sa kapwa at ang kanilang hangaring maging instrumento ng paglilingkod at pagmimisyon.

Inaanyayahan din namin ang lahat ng nagnanais makiisa sa mga gawain ng CFD, maging sa pag-aaral ng pananampalataya, pagpapahayag ng Mabuting Balita, o mga gawaing kawanggawa.

Para sa karagdagang impormasyon, makipag-ugnayan lamang sa:

📌 CFD SANTA MARIA UPDATE
📌 CFD LUZON RIDERS CLUB

o mag-text/tumawag sa:

📱 0945-573-3317

Maraming salamat po at pagpalain nawa kayo ng Diyos!

video credit to Bro Arnel CFD Rider, IMUS
Pro Deo et Ecclesia

#𝐎𝐧𝐞𝐂𝐅𝐃

03/06/2026

Bakit "Papa" o "Pope" ang tawag ng mga Katoliko sa Pinuno ng Simbahan?

Madalas itanong ng iba kung bakit tinatawag ng mga Katoliko na Papa o Pope ang pinuno ng Simbahang Katoliko. May batayan ba ito sa Biblia?

Para sa Simbahang Katoliko, ang unang Santo Papa ay si San Pedro, na itinalaga ni Jesus bilang pinuno ng Kanyang Simbahan.

Sinabi ni Jesus kay Pedro:

"Ibibigay ko sa iyo ang mga susi ng kaharian ng langit..."
(Mateo 16:19)

Mahalaga ang simbolo ng susi sa Biblia. Ito ay tanda ng kapangyarihan at awtoridad na ipinagkakaloob ng Diyos sa isang katiwala o pinuno.

Makikita natin ang kahalintulad na larawan sa Lumang Tipan:

"Siya ang magiging ama ng mga taga-Jerusalem at ng mga taga-Juda."
(Isaias 22:21)

At sinabi rin:

"Ibibigay ko sa kanya ang susi ng sambahayan ni David..."
(Isaias 22:22)

Sa talatang ito, ang katiwala ng kaharian ni David ay binigyan ng susi bilang tanda ng kanyang awtoridad. Tinawag din siyang ama ng bayan dahil sa kanyang tungkulin na manguna at mangalaga.

Naniniwala ang mga Katoliko na ang pangyayaring ito sa Isaias ay larawan ng itinatag ni Jesus kay San Pedro. Kung paanong may katiwala sa kaharian ni David na may hawak ng susi, gayundin si Pedro ay binigyan ni Cristo ng mga susi ng Kaharian ng Langit upang pangunahan ang Simbahan.

Dahil dito, ang kahalili ni San Pedro ay tinatawag na Papa o Pope. Ang salitang "Pope" ay nagmula sa salitang Griyego na pappas, na nangangahulugang ama. Hindi ito nangangahulugang siya ang kapalit ng Diyos Ama, kundi siya ay kinikilalang espirituwal na ama ng mga mananampalataya at tagapaglingkod ng Simbahan.

Kaya para sa mga Katoliko, ang pagtawag sa Santo Papa bilang "Papa" ay may kaugnayan sa kanyang tungkulin bilang kahalili ni San Pedro, na pinagkatiwalaan ni Cristo ng natatanging awtoridad upang pangunahan at pangalagaan ang Kanyang Simbahan.

Pro Deo et Ecclesia

#𝐎𝐧𝐞𝐂𝐅𝐃

01/06/2026

BAKIT MAPANGANIB ANG PO*******HY SA PUSO, ISIP AT ISPIRITU?

Sa pananaw ng Katolikong teolohiya, ang pornograpiya ay itinuturing na seryosong kasalanan dahil sinisira nito ang wastong pagtingin sa dignidad ng tao, seksuwalidad, at pag-ibig na itinatag ng Diyos. Hindi lamang ito nakaaapekto sa asal, kundi pati sa isip, puso, at espirituwal na buhay ng tao.

Bakit mapanganib ang pornograpiya sa isip at puso ng tao?

1. Binabago nito ang pagtingin sa tao bilang isang bagay

Sa halip na makita ang ibang tao bilang isang nilikhang may dignidad at larawan ng Diyos, tinuturuan ng pornograpiya ang isip na tingnan ang tao bilang kasangkapan lamang para sa pansariling kasiyahan.

Sinabi ni Jesus:
"Ang bawat tumitingin sa isang babae nang may pagnanasa ay nagkakasala na ng pangangalunya sa kanyang puso."
— Mateo 5:28

Ipinapakita nito na ang kasalanan ay hindi lamang sa pisikal na gawain kundi maging sa intensyon at pagnanasa ng puso.

2. Pinapalakas nito ang masasamang pagnanasa

Ang paulit-ulit na panonood ng pornograpiya ay maaaring magpalalim ng bisyo ng kalibugan at gawing mahirap ang pagpipigil sa sarili.

"Magsitakas kayo sa pakikiapid."
— 1 Corinto 6:18

3. Pinahihina nito ang kakayahang magmahal nang tunay

Ang tunay na pag-ibig ay naghahangad ng kabutihan ng kapwa. Ang pornograpiya ay nagtuturo ng paggamit sa tao para sa sariling kasiyahan, na kabaligtaran ng pag-ibig na itinuro ni Kristo.

Bakit mapanganib ito sa ispiritu?

1. Naghihiwalay ito sa tao sa Diyos
Ang kasalanan ay sumisira sa pakikipagkaibigan ng tao sa Diyos.

"Ang inyong mga kasamaan ang naghihiwalay sa inyo at sa inyong Diyos."
— Isaias 59:2

2. Ang katawan ay templo ng Espiritu Santo
Ayon kay San Pablo:
"Hindi ba ninyo nalalaman na ang inyong katawan ay templo ng Espiritu Santo?"
— 1 Corinto 6:19–20

Ang seksuwalidad ay kaloob ng Diyos na nakalaan sa pag-aasawa. Ang paggamit nito sa paraang taliwas sa layunin ng Diyos ay paglapastangan sa banal na kaloob na ito.

3. Nakahahadlang sa paglago sa kabanalan
Hinihikayat ng Kasulatan ang mga Kristiyano na mag-isip ng mga bagay na malinis at marangal.

"Anumang malinis, anumang kapuri-puri, iyon ang inyong isipin."
— Filipos 4:8

Ang pornograpiya ay kabaligtaran ng panawagang ito sa kadalisayan.

Turo ng Katekismo ng Simbahang Katolika

Ang pangunahing turo ay matatagpuan sa:

(CCC) 2354
"Po*******hy consists in removing real or simulated sexual acts from the intimacy of the partners, in order to display them deliberately to third parties. It offends against chastity because it perverts the conjugal act... It does grave injury to the dignity of its participants..."

Sa Filipino, ang diwa nito ay:
• Nilalabag ng pornograpiya ang kalinisan (chastity).
• Binabaluktot nito ang kahulugan ng pagtatalik.
• Ginagawang bagay o produkto ang mga taong kasangkot.
• Malubhang sinasaktan ang dignidad ng mga kalahok at mga nanonood.

CCC 2337
Itinuturo ng Katekismo na ang kalinisan (chastity) ay:
"ang matagumpay na pagsasama ng seksuwalidad sa pagkatao."

Ang pornograpiya ay kabaligtaran nito dahil hinihiwalay nito ang seksuwalidad sa tunay na pag-ibig at pananagutan.

CCC 2514–2516
Tinutukoy rin ng Katekismo ang pangangailangang labanan ang "concupiscence" o magulong pagnanasa na bunga ng pagkahulog ng tao sa kasalanan. Ang pornograpiya ay nagpapalakas ng mga pagnanasang ito sa halip na tulungang mapagtagumpayan ang mga ito.

Buod

Ayon sa Katolikong teolohiya, mapanganib ang pornograpiya dahil:
1. Ginagawang bagay ang tao sa halip na taong may dignidad.
2. Pinapalakas ang kalibugan at makasariling pagnanasa.
3. Pinahihina ang kakayahang magmahal nang tunay.
4. Sumisira sa relasyon ng tao sa Diyos.
5. Lumalabag sa kabanalan ng katawan bilang templo ng Espiritu Santo.
6. Tuwirang kinokondena ng Katekismo bilang isang malubhang paglabag sa kalinisan at dignidad ng tao (CCC 2354).

Mga pangunahing talata:
• Mateo 5:28
• 1 Corinto 6:18–20
• Isaias 59:2
• Filipos 4:8

PAANO BA MAIIWASAN ANG PO*******HY?

Sa pananaw ng Simbahang Katolika, ang lunas ay hindi lamang pag-iwas sa kasalanan kundi ang:
1. paglago sa kalinisan,
2. panalangin,
3. mga sakramento (lalo na ang Kumpisal at Eukaristiya),
4. at paghubog ng isip at puso ayon kay Kristo.

(ctto CFD CACERES)

#𝐎𝐧𝐞𝐂𝐅𝐃

29/05/2026

PAANYAYA

Inaanyayahan namin ang lahat na makiisa sa:

📖 CFD APOLOGETICS & BIBLE STUDY

Palalimin ang iyong pananampalataya, pag-aralan ang Salita ng Diyos, at matutong ipagtanggol ang katotohanan ng Simbahang Katolika.

📅 June 6, 2026 (Saturday)
🕑 2:00 PM
📍 BEC ROOM
Minor Basilica and Parish of La Purisima Concepcion – Santa Maria

Tara na at sama-samang mag-aral, magbahagi, at maglingkod para sa Diyos at sa Kanyang Simbahan.

✨ PRO DEO ET ECCLESIA ✨

27/05/2026

Be CFD member!