I Heart Concepcion

03/09/2026

PATULOY NA CLEARING OPERATION 🌿✂️

Muling ipinagbibigay-alam sa ating mga mamamayan na matagumpay na naisagawa ang pagputol ng mga patay na puno at pagbawas ng mga delikadong sanga sa may kahabaan ng covered pathwalk patungo sa Concepcion Elementary School.

Sa pamamagitan ng pagkakaisa at pagtutulungan ng sangguniang barangay isinagawa ang hakbang na ito upang maiwasan ang sagabal sa mga linya at tiyaking ligtas ang daanan ng ating mga estudyante sa kanilang pagpasok at pag-uwi mula sa paaralan.

Maraming salamat po sa inyong patuloy na kooperasyon!


#𝐃𝐈𝐋𝐆𝐏𝐡𝐢𝐥𝐢𝐩𝐩𝐢𝐧𝐞𝐬 #𝐃𝐈𝐋𝐆𝐍𝐚𝐭𝐢𝐧

26/08/2026

PABATID!

MOSQUITO FOGGING AT MISTING OPERATION SA BRGY. CONCEPCION!

Upang mapanatili ang kaligtasan, kalusugan, at kapakanan ng bawat pamilya, matagumpay na isinagawa ang Mosquito Fogging at Misting Operation sa ating barangay ngayong araw, Agosto 26, 2026.

Ang aktibidad na ito ay naisakatuparan sa pamamagitan ng inisyatibo at pormal na kahilingan ng Sangguniang Barangay ng Concepcion sa ating Lokal na Pamahalaan ng Mauban, bilang bahagi ng ating patuloy na kampanya laban sa pagdami ng mga lamok at banta ng sakit tulad ng Dengue.

Naging sakop ng operasyon ang mga sumusunod na lugar:

Sitio Ibaba
Sitio Centro
Sitio Ilaya

Taos-pusong nagpapasalamat ang Sangguniang Barangay sa ating Pamahalaang Lokal sa mabilis at positibong pagtugon para sa kaligtasan ng ating mga mamamayan.

Kaisa ng pamahalaan, patuloy po naming inaanyayahan ang lahat ng residente na panatilihing malinis ang paligid at alisin ang mga nakaimbak na tubig na pwedeng panggalingan o tirhan ng mga lamok.

Maraming salamat po sa inyong kooperasyon!

#𝐃𝐈𝐋𝐆𝐏𝐡𝐢𝐥𝐢𝐩𝐩𝐢𝐧𝐞𝐬

21/08/2026

AKSES SA MALINIS NA TUBIG, ABOT-KAMAY NA SA SITIO ILAYA!

Isang malaking hakbang ang mga isinagawang konstruksyon pati narin ang pagkukumpuni ng mga sirang artesian well ngayong buwang ng Agosto 2026 sa Sitio Ilaya, Brgy. Concepcion, Mauban, Quezon upang mabigyan ng maayos na akses sa malinis na tubig ang ating mga kabaranggay. Ang proyektong ito ay patunay ng ating dedikasyon na mapabuti ang kalagayan ng bawat isa.

Anyayahan po natin ang bawat isa na pangalagaan at gamitin nang wasto ang mahalagang pasilidad na ito.

#𝐃𝐈𝐋𝐆𝐍𝐚𝐭𝐢𝐧

21/08/2026

LIGTAS AT MAAYOS NA DAANAN PARA SA ATING MGA MAG-AARAL!

Kabilang sa mga pangunahing hakbang sa pagbubukas ng ating Covered Pathwalk Phase 3 sa Concepcion Elementary School, isinagawa ng Pamahalaang Barangay ng Concepcion ang pagsasaayos at pag-aayos ng mga nakalaylay na mga linya at kable ng kuryente at komunikasyon (spaghetti wires) sa mga pangunahing daanan ngayong buwan ng Agosto.

Ang proyektong ito ay isinakatuparan bago at kasabay ng mga aktibidad sa paaralan upang tiyakin ang:

Ligtas na Daanan: Pagtanggal sa mga peligro ng nakalawit na kable para sa mga mag-aaral, g**o, at mga magulang.

Maayos na Pasilidad: Mas malinis at protektadong Covered Pathwalk mula sa Sangguniang Barangay patungo sa Concepcion Elementary School.

Kapanatagan ng Bawat Isa: Siguraduhing maayos ang daloy ng kuryente at serbisyo habang ligtas na nakakadaan ang ating komunidad.

Patuloy ang Sangguniang Barangay ng Concepcion sa pagbibigay ng maagap, tapat, at ligtas na serbisyo para sa buong barangay.

06/08/2026

PAGSASAAYOS NG MGA LINYA NG KURYENTE SA COVERED PATHWALK NG CONCEPCION ELEMENTARY SCHOOL

​Upang matiyak ang kaligtasan ng ating mga mag-aaral, g**o, at mga magulang, matagumpay na isinagawa ng ating Sangguniang Barangay ang pagsasaayos at pag-inspeksyon sa mga nakalawit na linya ng kuryente at linya ng komunikasyon kahapon Agosto 5, 2026 sa covered pathwalk na daan patungo sa Concepcion Elementary School.

​Bilang bahagi ng solusyon, nag-welding at naglagay ng mga karagdagang suportang poste ang ating sangguniang barangay upang masig**ong nakatali nang maayos ang mga linya at hindi na maging banta o sanhi ng anumang aksidente sa ating mga kabataan.

​Patuloy po ang ating Pamahalaang Barangay sa pagbibigay ng mabilis na aksyon at prayoridad sa seguridad ng bawat Concepcionin lalo na ng ating mga mag-aaral.

​Maraming salamat po sa inyong patuloy na kooperasyon!
​

02/08/2026

ANUNSYO❗

Nakikiisa ang Brgy. Concepcion sa Measles-Rubella / Vitamin A Supplemental Immunization Activity (MR SIA) na gaganapin sa August 10 at 14,2026 sa ating Barangay Health Center at Covered Court sa ganap na 9:30am ng umaga

Inaanyayahan namin ang lahat ng mga magulang at tagapag-alaga ng mga batang nasa edad na 6 na buwan hanggang 59 na buwan na dalhin ang kanilang mga anak sa pinakamalapit na vaccination site o health centers sa kanilang barangay upang makatanggap ng Measles Rubella Vaccine at Vitamin A na magbibigay ng dagdag proteksyon laban sa tigdas.

Ang bakunang ibibigay ay isang hakbang tungo sa mas ligtas at mas malusog na kinabukasan. Sa pamamagitan ng ating pagkakaisa, maiiwasan natin ang pagkalat ng tigdas at rubella at mapoprotektahan ang bawat batang Maubanin laban sa mga sakit na maaaring maiwasan sa pamamagitan ng bakuna. Ang bakuna ay ligtas, epektibo, at libre.

Makiki-share po ang post na ito!
Maraming Salamat po!

31/07/2026

Sino-sino nga ba ang makakatanggap ng Php2,000 UPLIFT Assistance mula sa pamahalaan?🤔

✅ 4Ps at Walang Gutom Program Beneficiaries ng DSWD (one-time payout lamang ito)
✅Poor at Near-Poor Households mula sa talaan ng PSA-CBMS (anim na buwan makakatanggap ang mga qualified)
✅Low-income Workers mula sa talaan ng SSS (anim na buwan din makakatanggap ang mga qualified)

Para sa iba pang impormasyon, panoorin ng buo ang video👇

cto: Sec. Rex Gatchalian fb page

❤️

30/07/2026

📢PAALALA: DSWD UPLIFT PROGRAM

Gusto mo bang malaman kung kwalipikado ka sa DSWD UPLIFT Program? Alamin ang iyong eligibility sa ilang simpleng hakbang!

Paano Mag-check:
Bisitahin ang opisyal na portal:
https://uplift-g2p.dswd.gov.ph/check-eligibility

⌨️I-type ang mga kinakailangang impormasyon.
Sundin ang mga tagubilin sa screen para sa resulta.

📝Paalala sa Pag-access:
Dahil sa dami ng sumusubok mag-check, maaaring maging mabagal ang pag-load ng website. Kung hindi ito agad mabuksan, humihingi kami ng inyong pasensya. Subukang bumisita ulit sa ibang oras o kapag hindi na gaanong busy ang portal.

⚠️Mag-ingat sa Scam!
Siguraduhing sa opisyal na link lamang mag-a-access. Huwag magbigay ng personal na impormasyon sa mga hindi opisyal na website o kaduda-dudang social media posts.

Salamat sa inyong pang-unawa at pakikiisa!

30/07/2026

Para po sa kaalaman ng lahat!

Nanggaling sa Philippine Statistics Authority (PSA) ang Listahan na ibinigay ng DSWD sa Barangay para sa UPLIFT Program beneficiaries.

Huwag sisihin ang mga opisyal ninyo sa barangay!