SK Kalumpang Marikina 2018

12/10/2026

Ugaling Itabi at Ingatan ang Medical Records ng Pamilya!🧡💙

Mahalagang itago at ingatan ang mga medical records tulad ng laboratory results, X-ray, ultrasound, reseta, at medical certificates. Nakakatulong ang mga ito upang masubaybayan ang dating karamdaman, mga pagsusuri, at mga gamot na nainom, gayundin upang magkaroon ng mahalagang impormasyon ang doktor sa bawat konsultasyon.

Ugaliing ilagay ang mga ito sa isang maayos at ligtas na folder upang madaling mahanap at magamit kung kinakailangan.

Alagaan ang inyong health records para sa mas maayos na pangangalaga sa kalusugan ng buong pamilya!

07/10/2026

Inaanyayahan ang lahat ng nais na magdonate ng dugo sa gaganaping 𝐁𝐋𝐎𝐎𝐃 𝐎𝐋𝐘𝐌𝐏𝐈𝐂𝐒 (𝐀𝐦𝐚𝐳𝐢𝐧𝐠 𝐑𝐚𝐜𝐞 𝐟𝐨𝐫 𝐋𝐢𝐟𝐞) sa darating na 𝐎𝐤𝐭𝐮𝐛𝐫𝐞 𝟖, 𝟐𝟎𝟐𝟔, 𝟖:𝟎𝟎 𝐚𝐦 – 𝟓:𝟎𝟎 𝐩.𝐦. sa 𝐓𝐞𝐚𝐭𝐫𝐨 𝐌𝐚𝐫𝐢𝐤𝐢𝐧𝐚.

Isang magandang pagkakataon ito upang makatulong na sumagip ng buhay ng ating kapwa habang pinananatiling malusog ang ating pangangatawan.

✓ 𝐑𝐄𝐌𝐈𝐍𝐃𝐄𝐑𝐒 𝐒𝐀 𝐀𝐓𝐈𝐍𝐆 𝐁𝐋𝐎𝐎𝐃 𝐃𝐎𝐍𝐎𝐑𝐒
Bago magdonate:
- Magkaroon ng hindi bababa sa 5-6 oras ng tulog
- Kumain nang sapat at iwasan ang mataba at mamantikang pagkain
- Uminom ng sapat na dami ng fluids tulad ng tubig at fruit juice

Matapos magdonate:
- Uminom pa rin ng sapat na dami ng fluids tulad ng tubig at fruit juice
- Iwasan ang pagyuko, magpagod, at magbuhat ng mabigat
- Kung nakararamdam ng pagkahilo o pagduwal, humiga nang nakataas nang bahagya ang paa at luwagan ang damit. Ang pagkahilo ay inaasahang mawawala rin pagkalipas ng ilang minuto.

EVERYONE’S INVITED! Kita-kits sa BLOOD OLYMPICS!

06/10/2026

TANDAAN AT GAWIN ANG 𝟒𝐒 AT 𝟒𝐓 KONTRA DENGUE

Karaniwan nang mas mataas ang bilang ng nagkakasakit ng dengue sa panahon ng tag-ulan kung ihahambing sa ibang panahon sa buong taon.

Ang mga pangunahing sanhi ng pagtaas ng bilang ng dengue ay ang mga naipong tubig mula sa ulan at ang pangingitlog ng lamok sa anyo ng kiti-kiti na naninirahan sa mga naipong tubig na ito.

Ang mga kiti-kiti ay nagiging lamok at maaaring nagtataglay ng dengue virus na siyang nagdudulot ng sakit.

Upang makaiwas sa dengue lalo ngayong tag-ulan, makabubuting regular na gawin ang 4S at 4T.

03/10/2026

LIBRENG CERVICAL CANCER SCREENING

Mahalaga ang maagang pagtuklas upang maiwasan ang cervical cancer. Magpa-screening gamit ang Visual Inspection with Acetic Acid (VIA).

📅 Tuwing Biyernes
🕐 1:00 PM – 4:00 PM
📍 2nd Floor, City Health Office
📌 Magsisimula sa Oktubre 9, 2026

📝 PARA SA PAGPAPALISTA / PRE-REGISTRATION:
📅 Lunes hanggang Huwebes
🕘 9:00 AM – 4:00 PM
📍 2nd Floor, City Health Office

💙 Maagang pagsusuri, mahalagang proteksyon.
🧡 Magpalista at magpa-screening!

LIBRENG CERVICAL CANCER SCREENING

Mahalaga ang maagang pagtuklas upang maiwasan ang cervical cancer. Magpa-screening gamit ang Visual Inspection with Acetic Acid (VIA).

📅 Tuwing Biyernes
🕐 1:00 PM – 4:00 PM
📍 2nd Floor, City Health Office
📌 Magsisimula sa Oktubre 9, 2026

📝 PARA SA PAGPAPALISTA / PRE-REGISTRATION:
📅 Lunes hanggang Huwebes
🕘 9:00 AM – 4:00 PM
📍 2nd Floor, City Health Office

💙 Maagang pagsusuri, mahalagang proteksyon.
🧡 Magpalista at magpa-screening!

02/10/2026

PAWS & FRIENDS FESTIVAL IS HERE! 🐾💙

Celebrate the Feast of St. Francis of Assisi with us this October 4, 2026 at the Marikina Animal Rescue & Shelter Office, Gil Fernando Avenue, Brgy. Sto. Niño.

Kasabay ng PAWNTASTIC Marikina Car-Free Sunday, enjoy a Community Pet Walk, Free Anti-Rabies Vaccination, Pet Blessing, at tunghayan ang opening ng ating Marikina Animal Rescue & Shelter Office.

Bring your family and fur babies, and let’s make it a PAW-some Sunday in Marikina! 🐶🐱

28/09/2026

Ngayong World Rabies Day, alalahanin natin na ang pag-iwas sa rabies ay nagsisimula sa responsableng pag-aalaga at maagap na pagkilos.

Para sa kaligtasan ng ating mga fur babies at ng buong pamilya, siguraduhing rehistrado at bakunado laban sa rabies ang ating mga alagang aso at pusa.

Kung sakaling makagat o makalmot, huwag kalimutang hugasan agad ang sugat gamit ang sabon at dumadaloy na tubig sa loob ng labing-limang minuto. Siguraduhin ding agad na magtungo sa pinakamalapit na Animal Bite Treatment Center o Animal Bite Center upang mabigyan ng tamang assessment at bakuna kung kinakailangan.

Ang responsableng fur parent ay hindi lamang nag-aalaga sa kanyang alaga—tumutulong din siyang panatilihing ligtas ang kanyang pamilya at komunidad.

Sama-sama nating gawing rabies-free ang ating mga tahanan at komunidad! 🐾

14/09/2026

💙

14/09/2026

Happy Birthday President Bongbong Marcos 🎂

10/09/2026

09/09/2026

📢

𝐖𝐀𝐋𝐀𝐍𝐆 𝐏𝐀𝐒𝐎𝐊 | September 10, 2026
𝐀𝐋𝐋 𝐋𝐄𝐕𝐄𝐋𝐒 | 𝐏𝐮𝐛𝐥𝐢𝐜 𝐚𝐧𝐝 𝐏𝐫𝐢𝐯𝐚𝐭𝐞 𝐒𝐜𝐡𝐨𝐨𝐥𝐬

Alinsunod sa Memorandum Circular No 135 s 2026 ng OFFICE OF THE PRESIDENT, inaasahan ang pag-ulan sa Metro Manila, kabilang ang Marikina, NGAYONG ARAW dulot ng Southwest Monsoon (Habagat).

Bilang pag-iingat at upang matiyak ang kaligtasan ng lahat, SUSPENDIDO ang FACE-TO-FACE sa LAHAT NG ANTAS sa mga pampubliko at pampribadong paaralan sa Lungsod ng Marikina NGAYONG ARAW (Huwebes), September 10, 2026.

Ang kaligtasan at kapakanan ng bawat taga-Marikina ang lagi nating inuuna.

Pinapayuhan ang lahat na manatiling alerto at mag-ingat.

— Mayor Maan Teodoro