14/04/2026
Narito ang naging mensahe ng ating HUMSS Department Head kanina sa ginanap na Recognition Day sa Marikina Convention Center.
"Magandang araw po sa ating lahatโsa ating minamahal na mga magulang, g**o, at higit sa lahat, sa ating mga mag-aaral na pinararangalan ngayong araw.
Sa paglalakbay na ito, hindi naging madali ang lahat. Naging mahirap, ngunit masaya. Nakakapagod, ngunit tunay na satisfying. Ang buhay ng isang Humanista ay hindi biro. Maraming gabing kulang sa tulog, maraming araw na puno ng pagdududa, ngunit pinili ninyong magpatuloy. At ngayon, narito kayoโmatatag, lumaban, at nagtagumpay.
Bilang inyong Department Head, nasaksihan ko ang inyong paglago, hindi lamang sa talino, kundi sa puso at pagkatao. May isang pagkakataon na tumatak sa akin: may isang mag-aaral na, sa kabila ng personal na pinagdadaanan, ay patuloy na lumalaban at hindi sumusuko. Hindi siya ang pinakamataas ang marka, ngunit siya ang isa sa may pinakamalalim na pagpapahalaga sa respeto, integridad, at sipag. Doon ko muling nakita kung bakit ang ating motto ay โDangal at Husay.โ
Ang Husay ay hindi lang nasusukat sa grado, kundi sa pagsusumikap at dedikasyon. Ang Dangal naman ay makikita sa paraan ng pakikitungo sa kapwa, sa paninindigan sa tama, at sa pagiging mabuting tao kahit walang nakakakita.
Sa ating mga magulang, maraming salamat po sa inyong walang sawang suporta, sakripisyo, at pagmamahal. Ang tagumpay na ito ay hindi lamang para sa inyong mga anak, kundi para rin sa inyo.
At sa inyo, mga Humanista, baunin ninyo saan man kayo dalhin ng inyong mga pangarap ang Dangal at Husay. Huwag kayong matakot mangarap, at huwag kayong susuko sa hamon ng buhay.
Lagi ninyong tandaan: once a Humanista, always a HUMANISTA.
Maraming salamat at mabuhay kayong lahat."
-Paul John Pascual
PLMar SHS- HUMSS Department Head
