14/04/2026
TALENTADONG MARINDUQEÑO... NAGING TALENTADONG MULTO! BAKLAAN NIGHTS 2.0, KASADO NA!
Isang engrandeng programa sana ang “Talentadong Marinduqueño” ng Kapitolyo ng Marinduque, pero nauwi ito sa isang tahimik na konsiyerto… dahil halos mga upuan lang ang nanood.
Ayon sa mga nakakita (at hindi nakakita), umabot umano sa halos ₱2 milyon ang ginastos para sa nasabing event—mula sa stage, lights, sounds, hanggang sa bonggang tarpaulin—pero ang ending: “sound check lang pala ang may audience.”
May mga netizens pang nagbiro habang nanonood ng live, “Hindi flop, exclusive event lang… sobrang exclusive, walang nakapasok!” Dagdag pa ng iba, “Ang tunay na nanalo: yung supplier ng upuan, kasi sila ang pinaka-maraming attendees.”
Samantala, ayon sa aming “very reliable chismis source,” dahil sa pagiging ghost town vibes ng event, pinag-iisipan umano ni Seller Nolos na ibalik sa susunod na Holy Week ang legendary na “Baklaan Nights sa Ulong.”
Para sa mga hindi naka-experience nito, ito ay isang makasaysayang pagtitipon kung saan, mas marami ang tao kaysa sa budget, mas mainit pa sa panahon ang eksena at mas wild pa sa fiesta ang sayawan!
Dagdag pa ng source, ilan umanong kilalang personalidad at pulitiko ang dumalo dito, at sa gitna ng kasiyahan ay tila “nagpasabog ng fairy gay dust” at sabay-sabay raw nagningning ang paligid at ang confidence ng lahat.
Hinikayat naman ni Seller Nolos ang mga Marinduqueño na magantay lamang dahil katulad ng nasa videong ito ang kanyang VISION para sa Baklaan Night sa Ulong 2.0.
Hindi naman matago ng mga baklang professor sa MarSu ang kanilang excitement sa anunsyong ito.
