16/04/2026
GENTLE REMINDER SA LAHAT NG BIKTIMA NG GARAPAL AT TAPAL SYSTEM
Sa lahat ng biktima ng mga Online Lending Apps (OLA)—huwag na huwag kayong magpapasindak sa kanilang pananakot, paninira, at panggigipit. Kahit pa milyon pa ang utang mo, wala silang tunay na habol sa’yo. Ang mga pananakot nila ay pawang palabas lamang para takutin ka—at pagkakitaan ang kahinaan mo.
Araw-araw, may mga kababayan tayong lumalapit sa amin, sugatan hindi lang sa bulsa kundi pati sa damdamin. May mga inutang na P100,000, pero kalahati roon interes lang—bunga ng mapang-abusong sistema ng OLA.
Isipin mo ‘yon: ang perang dapat sana'y para sa pagkain, gamot, at pangtustos sa araw-araw, nauubos sa pambabayad ng interes sa mga app na ni hindi mo kilala nang personal.
Ang mas masakit? Kahit ilang taon ka pang naging tapat na nagbabayad, isang pagkakamali lang—isang delay lang—bigla ka na lang ituturing na kriminal. Ipapahiya ka, pagbabantaan, tatawagan ang mga mahal mo sa buhay, at lalapastanganin ang pagkatao mo.
May mga salitang binibitawan na parang layunin talaga nilang wasakin ka.
At sa sobrang kahihiyan at depresyon, may ilan na lang na hindi nakakayanan. May mga tunay na kwento—mga magulang, manggagawa, estudyante—na piniling kitlin ang sariling buhay dahil sa pagmamalupit ng mga OLA.
At sa kabila ng lahat ng ito, tila bulag at p**i ang ating sistema. Ilang reklamo na ang naisampa, ilang ulit nang nabura ang mga app sa Playstore, pero bumabalik lang sila—parang walang nangyari.
Ganito kabulok ang sistema sa ating bansa. Parang walang batas para sa mahihirap. Parang lahat nabibili—kahit hustisya.
Kaya kung isa ka sa mga biktima na nagdadalawang-isip pa kung dapat mo pa bang bayaran ang mga ito kahit ilang ulit ka nang ipinahiya at pinahirapan—isipin mong mabuti. Gamitin mo ang utak mo.
Hindi ka kriminal. Biktima ka.
HANGGANG KAILAN KA MAGPAPALUNOD SA SISTEMANG NLIKHA PARA WASAKIN KA?
