https://www.facebook.com/114393924871517/

𝗦𝗮𝗻𝗴𝗮𝘆 𝗕𝗶𝗴𝗸𝗮𝘀𝗮𝗻 - 𝗞𝗔𝗗𝗜𝗣𝗔𝗡 𝗘𝗔𝗥𝗜𝗦𝗧, Sampaloc, Manila (2026)

01/04/2026

𝐒𝐈𝐊𝐋𝐀𝐁 𝟎𝟎𝟕: 𝐁𝐔𝐖𝐀𝐍 𝐍𝐆 𝐌𝐀𝐑𝐒𝐎 𝟐𝟎𝟐𝟔
‎
𝐁𝐔𝐖𝐀𝐍 𝐍𝐆 𝐊𝐀𝐁𝐀𝐁𝐀𝐈𝐇𝐀𝐍: 𝐏𝐈𝐍𝐔𝐍𝐎 𝐍𝐆 𝐊𝐀𝐁𝐔𝐋𝐔𝐇𝐀𝐍 𝐍𝐆 𝐊𝐀𝐃𝐈𝐏𝐀𝐍

‎Masiglang sinalubong ng 𝗞𝗮𝗽𝗶𝘀𝗮𝗻𝗮𝗻𝗴 𝗗𝗶𝘄𝗮 𝗮𝘁 𝗣𝗮𝗻𝗶𝘁𝗶𝗸 ang buwan ng Marso sa pamamagitan ng samu’t saring makabuluhang gawain na naglalayong magpahusay ng kanilang kakayahan, magpakita ng gilas sa iba’t ibang patimpalak, at tumulong sa komunidad.

‎Ngayong Buwan ng Kababaihan, naging tampok ang mga aktibidad na naghatid ng pag-asa, saya, at pagkilala sa mga tagumpay ng mga mag-aaral, gayundin ang mga programang nagbuklod sa lahat.

‎Narito ang mga kaganapan ngayong Marso:

• 12th NCR Philippine Association of State Universities and Colleges (PASUC)

• Pagdalo ng Sangay Bigkasan at Sangay Pilantik ng KADIPAN-EARIST sa palihan ng KADIPAN-PNU

• Extension Program ng ikatlong taon

• Kababaihang Nilikha: Binuhay ng Tinig at Tula — Kolaborasyon ng Sangay Pilantik at Sangay Bigkasan

• Who’s That Manunulat? — Buwan ng Kababaihan Edisyon ng Sangay Pilantik

• Sine ba ’to? — Paghula ng Pelikula ng Sangay Salamin

• Lingguhang Tampok sa mga Babaeng Manunulat ng Bayan

• Pagbibigay-suporta ng KADIPAN sa LET takers

• Kababaihang Nilikha: Binuhay ng Tinig at Tula — Mga Tula ng Sangay Pilantik
‎
‎Patuloy nawa ang pagbabahagi ng saya, inspirasyon, at malasakit sa bawat gawain ng KaDiPan.
‎
𝐏𝐔𝐁𝐌𝐀𝐓: 𝗚. 𝗩𝗶𝗻𝗰𝗲 𝗔𝗹𝗯𝗲𝗿𝘁 𝗣𝗲𝗹𝗮𝗲𝘇
𝐔𝐋𝐀𝐓: 𝗢𝗽𝗶𝘀𝘆𝗮𝗹𝗲𝘀 𝗻𝗴 𝗦𝗮𝗻𝗴𝗮𝘆 𝗣𝗶𝗹𝗮𝗻𝘁𝗶𝗸, 𝗕𝗯. 𝗣𝗿𝗶𝗻𝗰𝗲𝘀𝘀 𝗡𝗶𝗰𝗼𝗹𝗲 𝗙𝗲𝗿𝗺𝗮𝗻𝘁𝗲, 𝗚. 𝗡𝗮𝘀𝗵 𝗧𝗿𝗮𝗻𝘀𝗽𝗼𝗿𝘁𝗲 (Sangay Bigkasan), 𝗚. 𝗝𝗼𝗵𝗻 𝗥𝗲𝘆 𝗣𝗶𝗹𝗮𝗿 (Sangay Salamin)
𝐊𝐀𝐏𝐒𝐘𝐎𝐍: 𝗚. 𝗩𝗶𝗻𝗰𝗲 𝗔𝗹𝗯𝗲𝗿𝘁 𝗣𝗲𝗹𝗮𝗲𝘇
𝐑𝐄𝐁𝐈𝐒𝐘𝐎𝐍: 𝗚. 𝗩𝗶𝗻𝗰𝗲 𝗔𝗹𝗯𝗲𝗿𝘁 𝗣𝗲𝗹𝗮𝗲𝘇 at 𝗕𝗯. 𝗔𝗹𝗲𝘀𝗮𝗻𝗱𝗿𝗮 𝗠𝗮𝘆 𝗥𝗲𝗹𝗶𝗻𝗴𝗮𝗱𝗼

‎
‎
‎

30/03/2026

𝐋𝐮𝐧𝐞𝐬 𝐒𝐚𝐧𝐭𝐨: 𝐏𝐚𝐧𝐚𝐡𝐨𝐧 𝐧𝐠 𝐏𝐚𝐠𝐥𝐢𝐥𝐢𝐧𝐢𝐬 𝐚𝐭 𝐏𝐚𝐠𝐧𝐢𝐧𝐢𝐥𝐚𝐲

Sa paggunita ng Lunes Santo, nawa’y magsilbi itong paalala ng paglilinis—hindi lamang ng ating paligid, kundi lalo na ng ating puso at isipan. Tulad ng ginawa ni Hesus sa templo, alisin natin ang anumang humahadlang sa kabutihan, pagmamahal, at pananampalataya. 🙏

🖼️🖊️: Princess Mhicaella Palacio

29/03/2026

‎𝐌𝐀𝐊𝐀𝐏𝐀𝐍𝐆𝐘𝐀𝐑𝐈𝐇𝐀𝐍𝐆 𝐋𝐈𝐊𝐇𝐀: 𝐏𝐀𝐍𝐓𝐀𝐘 𝐍𝐀 𝐊𝐀𝐑𝐀𝐏𝐀𝐓𝐀𝐍 𝐒𝐀 𝐁𝐀𝐖𝐀𝐓 𝐈𝐒𝐀!
‎
‎
‎Ngayong Buwan ng Kababaihan, hindi lamang ito simpleng pagdiriwang, ito rin ay isang paggunita sa mga sakripisyo at tinig ng kababaihan sa lipunan. Ang rosas ng lipunan na marupok sa paningin ng ilan, ngunit matatag sa kabila ng hamon na patuloy na nakararanas ng diskriminasyon, pinatatahimik, at binabastos.
‎
‎Likha ni 𝐀.𝐑.𝐋.𝐎 ang tulang "𝐈𝐊𝐀𝐖 𝐀𝐓 𝐀𝐊𝐎 𝐏𝐀𝐍𝐓𝐀𝐘 𝐓𝐀𝐘𝐎!" — isang tula na tumutukoy sa kalagayan ng kababaihan sa isang mapanghusgang lipunan kesyo sila ay marupok, hindi kayang kontrolin ang emosyon at pwedeng bastusin — isang sulating nananawagan para sa pagkakapantay-pantay sa lipunan. Sa makapangyarihang tinig ni 𝐁𝐛. 𝐃𝐞𝐛𝐢𝐞 𝐕𝐚𝐥𝐞𝐫𝐢𝐨 nabuhay ang bawat emosyon ng tula at ang boses ng bawat kababaihan sa lipunan.
‎
‎Hindi sukatan ang kasarian, kayamanan, at kasikatan para makaranas ng pagkakapantay-pantay, ang bawat tao sa lipunang ginagalawan. Ang bawat tao ay may buhay, dignidad at karapatang maranasan ang pantay na trato sa lipunan.
‎
‎
‎
‎
‎
‎
‎🎙️: Bb. Debie Valerio
‎🧑‍💻: G. Nash P. Transporte
‎✍️: G. Vince Pelaez
‎🖼: Bb. Judella Pelonio at G. Vince Pelaez

29/03/2026

𝑲𝑨𝑳𝑨𝑯𝑨𝑻𝑰 𝑵𝑮 𝑲𝑨𝑳𝑨𝑵𝑮𝑰𝑻𝑨𝑵 𝑨𝒀 𝑲𝑨𝑩𝑨𝑩𝑨𝑰𝑯𝑨𝑵

Sa bawat babae, nananahan ang liwanag ng bituin na 'di kayang tabunan ng alinmang dilim, matatag,
magpagmahal, at walang kapagurang lumalaban sa digmaan ng panahon.

Sa kabila ng bigat ng mundo, patuloy siyang bumabangon, tahimik ngunit makapangyarihan, sugatan man ay hindi kailanman sumusuko.

Sapagkat ang pagiging babae ay hindi lamang katauhan, kun'di isang sining ng tapang at pag-asa, babae ka, at iyan ang iyong natatanging lakas.

🎙️: Bb. Chauncey Kyle Pilapil
🧑‍💻: G. Nash P. Transporte
✍️: Bb. Anne Tuason
🖼: Bb. Judella Pelonio at G. Vince Pelaez

29/03/2026

𝗔𝗟𝗔𝗕 𝗡𝗔 𝗧𝗔𝗚𝗟𝗔𝗬 𝗡𝗚 𝗞𝗔𝗕𝗔𝗕𝗔𝗜𝗛𝗔𝗡: 𝗛𝗜𝗚𝗜𝗧 𝗣𝗔 𝗦𝗔 𝗚𝗜𝗡𝗧𝗢 𝗔𝗧 𝗠𝗔𝗡𝗜𝗡𝗚𝗡𝗜𝗡𝗚 𝗡𝗔 𝗞𝗜𝗡𝗔𝗕𝗨𝗞𝗔𝗦𝗔𝗡

Ating ipinagdiriwang ngayon ang Buwan ng Kababaihan na siyang ating kinikilala na may lakas, husay, at tapang ang bawat babae sa mundo na parang isang alab na hindi kayang lamangan ng anumang yaman. Gaya na lamang sa tula na pinamagatang "𝐀𝐧𝐠 𝐀𝐥𝐚𝐛 𝐧𝐚 𝐇𝐢𝐠𝐢𝐭 𝐬𝐚 𝐆𝐢𝐧𝐭𝐨" ni 𝗚. 𝗘𝗜 na binigyang tinig ni
𝗕𝗯. 𝗠𝗮𝘆 𝗠𝗮𝘆 𝗦𝗮𝗻 𝗣𝗮𝘀𝗰𝘂𝗮𝗹. 🍂

Ang tulang ito ay nagpapakita ng bawat sakripisyo, sa bawat pagsubok, laban at sa bawat pangarap na patuloy nilang kinakamtan. Babae na siyang dala-dala ang nag-iisang pag-asa. Isang Ina na sandalan ng lahat, hindi puwedeng sumuko dahil taglay nito ang gintong landas. 👩🏻🤍

Sa bawat hakbang tungo sa pagkakapantay-pantay, bitbit natin ang alab na siyang higit sa ginto, nagliliyab at kailanman ay hindi matitinag at hindi magmamaliw, sapagkat ating ipagpapatuloy ang pag-alab na may dalang pagbabago, dahil ang mga babae ay higit pa sa ginto, dahil sila ang liwanag ng kinabukasan.

🎙️: Bb. May May E. San Pascual
🧑‍💻: G. Nash P. Transporte
✍️: Bb. Aizel Labaclado

29/03/2026

‎“𝐃𝐀𝐇𝐈𝐋 𝐀𝐍𝐆 𝐊𝐀𝐍𝐈𝐋𝐀𝐍𝐆 𝐍𝐀𝐓𝐀𝐓𝐀𝐍𝐆𝐈𝐍𝐆 𝐊𝐀𝐇𝐀𝐋𝐀𝐆𝐀𝐇𝐀𝐍, 𝐏𝐀𝐆𝐌𝐀𝐌𝐀𝐇𝐀𝐋, 𝐇𝐔𝐒𝐀𝐘, 𝐀𝐓 𝐊𝐀𝐓𝐀𝐏𝐀𝐍𝐆𝐀𝐍 𝐀𝐘 𝐇𝐈𝐍𝐃𝐈 𝐌𝐀𝐏𝐀𝐏𝐀𝐍𝐓𝐀𝐘𝐀𝐍…”
‎
‎
‎Alipin at sunod-sunuran ni Juan ang madalas na pananaw ng lipunan sa mga kababaihan. Ngunit, patuloy pa rin silang lumalaban upang ipakita ang taglay nilang tapang at lakas sa trabaho, politiko, at kanilang pagkatao. Sabay-sabay nating pakinggan ang piyesang “𝐀𝐧𝐠 𝐒𝐚𝐥𝐢𝐭𝐚𝐧𝐠 ‘𝐋𝐚𝐧𝐠’ 𝐚𝐲 𝐇𝐢𝐧𝐝𝐢 𝐏𝐚𝐫𝐚 𝐬𝐚 𝐊𝐚𝐛𝐚𝐛𝐚𝐢𝐡𝐚𝐧” ni 𝐀𝐥𝐥𝐲 na 𝐛𝐢𝐧𝐢𝐠𝐲𝐚𝐧𝐠-𝐛𝐮𝐡𝐚𝐲 𝐧𝐢 𝐁𝐛. 𝐏𝐫𝐢𝐧𝐜𝐞𝐬𝐬 𝐁𝐨𝐧𝐚.
‎
‎Ngayong Buwan ng Kababaihan, sabay-sabay nating subaybayan ang pagkinang ng mga kababaihan sa madilim at patriyarkal na lipunan. Sama-sama nating tunghayan at pakinggan ang pagbangon ng mga nilalang na ni-la-lang.
‎
‎
‎
‎
‎
🎙️: Bb. Princess Bona
🧑‍💻: G. Nash P. Transporte
✍️: ‎G. Robiel Tano

29/03/2026

𝑲𝑨𝑳𝑨𝑯𝑨𝑻𝑰 𝑵𝑮 𝑲𝑨𝑳𝑨𝑵𝑮𝑰𝑻𝑨𝑵 𝑨𝒀 𝑲𝑨𝑩𝑨𝑩𝑨𝑰𝑯𝑨𝑵

Sa bawat babae, nananahan ang liwanag ng bituin na 'di kayang tabunan ng alinmang dilim, matatag,
magpagmahal, at walang kapagurang lumalaban sa digmaan ng panahon.

Sa kabila ng bigat ng mundo, patuloy siyang bumabangon, tahimik ngunit makapangyarihan, sugatan man ay hindi kailanman sumusuko.

Sapagkat ang pagiging babae ay hindi lamang katauhan, kun'di isang sining ng tapang at pag-asa, babae ka, at iyan ang iyong natatanging lakas.

🎙️: Bb. Chauncey Kyle Pilapil
🧑‍💻: G. Nash P. Transporte
✍️: Bb. Anne Tuason

25/03/2026

𝐏𝐀𝐆𝐒𝐀𝐒𝐀𝐍𝐈𝐁-𝐏𝐔𝐖𝐄𝐑𝐒𝐀 𝐍𝐆 𝐓𝐔𝐋𝐀 𝐀𝐓 𝐁𝐈𝐆𝐊𝐀𝐒, 𝐊𝐀𝐏𝐀𝐍𝐆𝐘𝐀𝐑𝐈𝐇𝐀𝐍 𝐍𝐆 𝐊𝐀𝐁𝐀𝐁𝐀𝐈𝐇𝐀𝐍 𝐀𝐘 𝐈𝐏𝐀𝐌𝐀𝐋𝐀𝐒!
‎
‎Sa patuloy na pag-agos ng alon ng buhay, sila'y nanatiling matatag sa bawat hamon ng panahon. Ang buwan ng kababaihan ay hindi lang selebrasyon ng kababaihan, ito rin ay paggunita sa inang ilaw ng tahanan, sa mga laban ng bawat kababaihan na walang sino man ang nakakakita.
‎
‎Sa pagdiriwang ng Buwan ng Kababaihan, muling magsasanib-puwersa ang tula at pagbigkas. Sa pagtatagpo ng Sangay Pilantik at Bigkasan, hindi lamang napapalakas ang loob ng mga kababaihan, kundi naipapanday rin ang pag-asa—isang liwanag na sumisilay sa busilak at matatag na puso ng bawat babae.
‎
‎Dinggin ang boses ng kababaihan, kababaihang hindi basta "LANG" sa lipunan. Abangan sa Marso 29, 2026 ang pagsasanib ng panulat at bigkasan.
‎

🖼️: G. Nash Transporte
✍️: G. Vince Albert E. Pelaez

22/03/2026

𝐏𝐀𝐆𝐁𝐀𝐓𝐈!

Taos-pusong pagbati kina G. John Ernest Aguas at Bb. Chauncey Kyle Pilapil sa kanilang kahanga-hangang pagkamit ng gantimpala sa 𝙋𝘼𝙎𝙐𝘾 𝙉𝘾𝘼𝙁 2026! Ang inyong dedikasyon, sipag, at husay ay tunay na nagbunga, at nagsilbing inspirasyon sa ating buong paaralan.

Hanga ang Sangay Bigkasan, sa inyong ipinakitang galing at determinasyon sa laban. Nawa'y magsilbi itong hakbang tungo sa mas marami pang tagumpay na ipagpatuloy ang pag-abot ng pangarap at pagdadala ng karangalan sa ating paaralan. Padayon!

🖼️: G. Nash Transporte
✍️: Bb. Princess Bona

17/03/2026

𝐓𝐈𝐍𝐆𝐍𝐀𝐍: 𝐊𝐎𝐋𝐀𝐁𝐎𝐑𝐀𝐒𝐘𝐎𝐍 𝐀𝐓 𝐏𝐀𝐊𝐈𝐊𝐈𝐈𝐒𝐀 𝐍𝐆 𝐒𝐀𝐍𝐆𝐀𝐘 𝐁𝐈𝐆𝐊𝐀𝐒𝐀𝐍 𝐀𝐓 𝐏𝐈𝐋𝐀𝐍𝐓𝐈𝐊 𝐒𝐀 𝐏𝐀𝐋𝐈𝐇𝐀𝐍 𝐍𝐆 𝐏𝐍𝐔-𝐌𝐀𝐍𝐈𝐋𝐀

Ang Sangay Bigkasan at Sangay Pilantik ay naimbitahan at dumalo sa isang palihan na pinangunahan ng direktor ng sangay sa PNU. Ang palihan ay may temang “Kwenta at Kwento ng Pluma.” Ito ay ginanap sa PNU Manila mula 8:00 hanggang 12:00 ng umaga. Sinimulan ang programa sa pangunguna nina G. Lance Arryl Torres at Bb. Jennelyn Padasas bilang mga tagapagdaloy ng programa. Nagsimula ito sa panalangin at pambansang awit.

Nagbigay rin ng pambungad na mensahe si Dok. Joel C. Malabanan, habang ang inspirasyonal na mensahe ay ibinahagi ni Dok. Maria Fe G. Hicana. Ipinakilala rin ng mga tagapagdaloy ng programa ang unang susing tagapagsalita na si G. Jayson Visperas Fajardo.

Tinalakay niya ang iba’t ibang anyo ng panitikan tulad ng tula, pagbigkas, at pagkukuwento na nagpapahayag ng ating mga damdamin. Ipinaliwanag din niya na ang eksperimental na piksyon at dagli ay nagbibigay ng pagkakataong makapag-eksplor ng mga ideya, habang mahalaga rin ang pag-aaral sa tradisyonal na piksyon, lalo na sa panahong laganap ang fake news. Sa panghuli ay nagbigay siya ng isang maikling aktibidad na buong husay na ipinakita ng mga dumalo.

Bago sinimulan ang pangalawang paksa, nagtanghal si G. Cantado at nagbigay ng isang inspirasyonal na tula para sa mga mag-aaral. Matapos nito ay ipinakilala ang pangalawang susing tagapagsalita na si Bb. Angela Mae Pamaos, na naging direktor din ng isang sangay sa KADIPAN–PNU.

Sa pagbubukas ng kanyang talakayan, ipinamalas ni Bb. Angela ang kanyang galing sa pagtula. Kasunod nito ay nagbigay siya ng tanong na “May kuwento bang walang kuwenta?”, isang tanong na nagpa-isip sa mga mag-aaral. Tinalakay niya kung gaano kahalaga ang ating tinig, titig, at tindig, hindi lamang sa larangan ng edukasyon kundi sa iba’t ibang aspeto ng buhay.

Sa pagtatapos ng kanyang talakayan ay nag-iwan siya ng mensahe: “Natatangi ka sa lipunan, kaya’t natatanging tinig mo.”

Sa isinagawang palihang ito, nawa’y marami ang natutunan ng mga dumalo at mailapat ang mga aral sa iba’t ibang aspeto ng kanilang buhay.

🖊️: Bb. Debie Pongase Valerio
🖼️: G. Nash Transporte

𝗦𝗮𝗻𝗴𝗮𝘆 𝗕𝗶𝗴𝗸𝗮𝘀𝗮𝗻 - 𝗞𝗔𝗗𝗜𝗣𝗔𝗡 𝗘𝗔𝗥𝗜𝗦𝗧

01/04/2026

30/03/2026

29/03/2026

29/03/2026

29/03/2026

29/03/2026

29/03/2026

25/03/2026

22/03/2026

17/03/2026

Address

Telephone

Website

Alerts

Contact The Organization

Shortcuts

Share

Category