23/04/2026
๐๐๐ฅ๐๐ข ๐จ๐ ๐๐จ๐ก๐๐ข๐: ๐๐๐ต๐ฎ ๐ธ๐ฎ ๐๐น๐๐บ๐ป๐ฎ๐ฒ ๐๐ฎ ๐๐ก๐๐ฆ, ๐ด๐ถ๐ฝ๐ฎ๐๐ถ๐ฑ๐๐ป๐ด๐ด๐ฎ๐ป ๐ถ๐๐ถ๐ฝ ๐๐๐๐๐ถ๐ฐ๐ฒ ๐ฆ๐ผ๐๐ฒ๐ฟ๐ผ ๐. ๐๐ฎ๐ฏ๐ฎ๐ต๐๐ด ๐ ๐ฒ๐ฑ๐ฎ๐น๐ถ๐๐๐! ๐๏ธ
Dakong pasigarbo ug kadasig ang gihatag ni Ms. Jillian Mae G. Agus ug Ms. April Love G. Bucatot ngadto sa tibuok komunidad sa Labogon National High School Alumni Association (LNHSAA). Pinaagi sa ilang kakugi ug dedikasyon sa pagtungha, malampuson nilang nakab-ot ang prestihiyosong pasidungog nga naghatag og dungog dili lang sa ilang kaugalingon, kundi lakip na sa atong pinalanggang tunghaan.
Si Ms. Jillian Mae Agus, kinsa nakadawat sa Gold Medalist Award, nagsilbi karon isip External Secretary sa LNHSAA. Siya mapasarbuhong ni-gradwar sa Cebu Normal University (CNU) Main Campus sa kursong BA Political Science human migradwar sa LNHS niadtong tuig 2021. Ang iyang kalampusan usa ka lig-on nga ebidensya nga ang kalidad sa edukasyon sa Labogon mamunga gayod og mga lider ug mga sumbanan sa katilingban.
Sa pikas bahin, si Ms. April Love G. Bucatot ang nikuha sa Bronze Medalist Award human sa iyang talagsaong performance sa kolehiyo. Siya usa ka proud graduate sa Cebu Technological University (CTU) Danao Campus sa kursong BS Tourism Management ug mi-martsa gikan sa LNHS niadtong tuig 2020. Ang iyang determinasyon nagpakita nga walay distansya o babag ang makapugong sa usa ka LNHSA alumna nga molabaw sa iyang piniling natad.
Kini nga mga medalya nagsimbolo sa Garbo sa Labogon, usa ka pagpahinumdom sa matag estudyante nga ang kalampusan makab-ot pinaagi sa pagpaningkamot ug pagbaton og taas nga mithi sa kinabuhi. Ang tibuok organisasyon sa LNHSAA mapasalamaton ug mibilib kaninyong duha. Padayon sa pagdan-ag ug pagserbisyo, Jillian ug April Love! Ang inyong kadaugan maoy inspirasyon namong tanan.
