https://www.facebook.com/696932070173617/

BeNHS Samahang HIRAYA, Wangal, La Trinidad (2026)

10/08/2026

📖 Talata sa Bibliya | 𝗠𝗮𝘁𝗲𝗼 𝟴:𝟮𝟲

“𝘉𝘢𝘬𝘪𝘵 𝘬𝘢𝘺𝘰 𝘯𝘢𝘵𝘢𝘵𝘢𝘬𝘰𝘵? 𝘕𝘢𝘱𝘢𝘬𝘢𝘭𝘪𝘪𝘵 𝘯𝘢𝘮𝘢𝘯 𝘯𝘨 𝘪𝘯𝘺𝘰𝘯𝘨 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢!” 𝘉𝘶𝘮𝘢𝘯𝘨𝘰𝘯 𝘴𝘪𝘺𝘢, 𝘱𝘪𝘯𝘢𝘵𝘪𝘨𝘪𝘭 𝘢𝘯𝘨 𝘩𝘢𝘯𝘨𝘪𝘯 𝘢𝘵 𝘢𝘯𝘨 𝘮𝘨𝘢 𝘢𝘭𝘰𝘯, 𝘢𝘵 𝘣𝘶𝘮𝘶𝘵𝘪 𝘢𝘯𝘨 𝘱𝘢𝘯𝘢𝘩𝘰𝘯."

May mga unos sa buhay na hindi natin kayang pigilan at may mga pagkakataong hindi natin alam kung kailan ito matatapos. Tulad ng mga bagyong sunod-sunod na dumarating, maaari tayong matakot, mangamba, at mapaisip kung ligtas ba ang ating mga mahal sa buhay at kung kailan muling bubuti ang panahon.

Ngunit ipinapaalala sa atin ng Panginoon na ang pagkakaroon ng unos ay hindi nangangahulugang wala Siya sa ating tabi.

Maaaring malakas ang hangin, mataas ang alon, at tila nangingibabaw ang takot—ngunit hindi kailangang manaig ang pangamba sa ating puso. Sa gitna ng unos, piliin nating kumapit sa Diyos, manalangin, at magtiwala na Siya ay kasama natin.

Hindi man natin alam kung kailan titigil ang bagyo, alam nating may Diyos tayong makakapitan habang tayo ay dumaraan dito.

🙏 𝙋𝙖𝙣𝙜𝙞𝙣𝙤𝙤𝙣, 𝙨𝙖𝙢𝙖𝙝𝙖𝙣 𝙖𝙩 𝙞𝙣𝙜𝙖𝙩𝙖𝙣 𝙈𝙤 𝙖𝙣𝙜 𝙗𝙖𝙬𝙖𝙩 𝙥𝙖𝙢𝙞𝙡𝙮𝙖𝙣𝙜 𝙣𝙖𝙖𝙖𝙥𝙚𝙠𝙩𝙪𝙝𝙖𝙣 𝙣𝙜 𝙥𝙖𝙩𝙪𝙡𝙤𝙮 𝙣𝙖 𝙢𝙖𝙨𝙖𝙢𝙖𝙣𝙜 𝙥𝙖𝙣𝙖𝙝𝙤𝙣. 𝘽𝙞𝙜𝙮𝙖𝙣 𝙈𝙤 𝙠𝙖𝙢𝙞 𝙣𝙜 𝙡𝙖𝙠𝙖𝙨, 𝙠𝙖𝙧𝙪𝙣𝙪𝙣𝙜𝙖𝙣, 𝙖𝙩 𝙩𝙖𝙥𝙖𝙣𝙜. 𝙄𝙡𝙖𝙮𝙤 𝙈𝙤 𝙖𝙣𝙜 𝙗𝙖𝙬𝙖𝙩 𝙞𝙨𝙖 𝙨𝙖 𝙠𝙖𝙥𝙖𝙝𝙖𝙢𝙖𝙠𝙖𝙣 𝙖𝙩 𝙜𝙖𝙗𝙖𝙮𝙖𝙣 𝙈𝙤 𝙖𝙣𝙜 𝙢𝙜𝙖 𝙩𝙖𝙤𝙣𝙜 𝙠𝙞𝙣𝙖𝙠𝙖𝙞𝙡𝙖𝙣𝙜𝙖𝙣𝙜 𝙡𝙪𝙢𝙖𝙗𝙖𝙨 𝙖𝙩 𝙢𝙖𝙜𝙩𝙧𝙖𝙗𝙖𝙝𝙤 𝙪𝙥𝙖𝙣𝙜 𝙢𝙖𝙩𝙪𝙜𝙪𝙣𝙖𝙣 𝙖𝙣𝙜 𝙠𝙖𝙣𝙞𝙡𝙖𝙣𝙜 𝙢𝙜𝙖 𝙥𝙖𝙣𝙜𝙪𝙣𝙖𝙝𝙞𝙣𝙜 𝙥𝙖𝙣𝙜𝙖𝙣𝙜𝙖𝙞𝙡𝙖𝙣𝙜𝙖𝙣.

Sa gitna ng unos, huwag nating hayaang madaig tayo ng takot. Manalig tayo. Manalangin tayo. Kumapit tayo sa Diyos. 🙏

𝐌𝐚𝐲 𝐮𝐧𝐨𝐬 𝐦𝐚𝐧 𝐧𝐠𝐚𝐲𝐨𝐧, 𝐝𝐚𝐫𝐚𝐭𝐢𝐧𝐠 𝐝𝐢𝐧 𝐚𝐧𝐠 𝐩𝐚𝐧𝐚𝐡𝐨𝐧 𝐧𝐚 𝐦𝐮𝐥𝐢𝐧𝐠 𝐛𝐮𝐛𝐮𝐭𝐢 𝐚𝐧𝐠 𝐩𝐚𝐧𝐚𝐡𝐨𝐧.

06/08/2026

"𝙄𝙛 𝙮𝙤𝙪 𝙘𝙖𝙣'𝙩 𝙗𝙚𝙖𝙩 𝙩𝙝𝙚𝙢, 𝙟𝙤𝙞𝙣 𝙩𝙝𝙚𝙢!" 😉

Sa panahon ng Artificial Intelligence, hindi natin kailangang katakutan ang teknolohiya—mas mahalagang matutuhan natin itong gamitin nang responsable, malikhain, at may paggalang sa ating kultura at pamana.

📢 𝗢𝗣𝗜𝗦𝗬𝗔𝗟 𝗡𝗔 𝗔𝗡𝗨𝗡𝗦𝗬𝗢

🍽️ Handa ka na bang tikman ang tradisyon sa isang makabagong paraan?

Bilang pakikiisa sa pagdiriwang ng Buwan ng Wikang Pambansa 2026, malugod na inihahandog ng The Pink Plate katuwang ang BeNHS Samahang HIRAYA ang:

𝗣𝗜𝗡𝗜𝗞𝗣𝗜𝗞𝗔𝗡 𝗥𝗘𝗜𝗠𝗔𝗚𝗜𝗡𝗘𝗗: 𝑴𝒖𝒍𝒂 𝑻𝒓𝒂𝒅𝒊𝒔𝒚𝒐𝒏 𝑻𝒖𝒏𝒈𝒐 𝒔𝒂 𝑴𝒂𝒌𝒂𝒃𝒂𝒈𝒐𝒏𝒈 𝑳𝒂𝒔𝒂: 𝑰𝒔𝒂𝒏𝒈 𝑪𝒖𝒍𝒊𝒏𝒂𝒓𝒚 𝑰𝒏𝒏𝒐𝒗𝒂𝒕𝒊𝒐𝒏 𝑪𝒉𝒂𝒍𝒍𝒆𝒏𝒈𝒆

Inaanyayahan ang lahat ng opisyal na naka-enrol na Grade 12 na mag-aaral na ipamalas ang kanilang husay sa pagluluto, pagkamalikhain, at pagmamahal sa kulturang Cordillera. Sa pamamagitan ng responsableng paggamit ng Artificial Intelligence (AI) bilang katuwang sa pananaliksik at pagbuo ng konsepto, bigyang-buhay ang isang makabagong bersiyon ng tradisyonal na Pinikpikan habang pinananatili ang diwa, lasa, at pagkakakilanlan nito.

📅 Petsa: Agosto 24, 2026
🕐 Oras: 1:00–4:00 N.H.
📍 Lugar: SHS Cookery Room, Benguet National High School

✨ Ipagdiwang ang ating pamana.
✨ Isulong ang inobasyon nang may pananagutan.
✨ Itampok ang wikang Filipino at kulturang Cordillera.
✨ Ipakita ang husay sa pagluluto, pagtutulungan, at pagkamalikhain.

🏆 Naghihintay ang mga papremyong salapi, sertipiko, at mga espesyal na pagkilala sa mga magwawagi!

📌 MAGPATALA NA!
Maaaring magparehistro kay Bb. Daisy S. Godio sa Cookery Room.

🔥 10 koponan lamang ang tatanggapin sa batayang first come, first served. Huwag palampasin ang pagkakataong maging bahagi ng isang natatanging paligsahang nag-uugnay sa tradisyon, kultura, at makabagong inobasyon.

Lasapin ang tradisyon. Yakapin ang inobasyon. Ipagmalaki ang kultura ng Cordillera. 🇵🇭🍲

05/08/2026

𝗔𝗻𝗴 𝗔𝗸𝗶𝗻𝗴 𝗣𝗮𝗺𝘂𝗺𝘂𝗵𝗮𝘆 𝗞𝗮𝘀𝗮𝗺𝗮 𝗔𝗻𝗴 𝗣𝗮𝗻𝗴𝗶𝗻𝗼𝗼𝗻
"Magtiwala ka sa Panginoon nang buong puso mo at huwag kang manalig sa sarili mong karunungan." — Kawikaan 3:5

Ang ating buhay ay patunay na 𝒂𝒏𝒈 𝑫𝒊𝒚𝒐𝒔 𝒂𝒚 𝒕𝒂𝒑𝒂𝒕 𝒔𝒂 𝒌𝒂𝒏𝒚𝒂𝒏𝒈 𝒎𝒈𝒂 𝒑𝒂𝒏𝒈𝒂𝒌𝒐. Sa Diyos natin matatagpuan ang tunay na 𝐤𝐚𝐩𝐚𝐲𝐚𝐩𝐚𝐚𝐧, 𝐩𝐚𝐠-𝐚𝐬𝐚, 𝐚𝐭 𝐝𝐢𝐫𝐞𝐤𝐬𝐲𝐨𝐧 sa ating buhay. Sa kabila ng mga pagsubok at hamon na ating nararanasan, hindi niya tayo pinapabayaan at patuloy niya tayong ginagabayan. Naway patuloy nating patatagin ang ating pananampalataya at ang ating pagtitiwala sa Diyos.

🗨️🎙️Sophie Guiniawan
🎥✏️ Kharry Bang-otan

04/08/2026

𝗕𝗔𝗞𝗜𝗧 𝗜𝗣𝗜𝗡𝗔𝗚𝗗𝗜𝗥𝗜𝗪𝗔𝗡𝗚 𝗔𝗡𝗚 𝗕𝗨𝗪𝗔𝗡 𝗡𝗚 𝗪𝗜𝗞𝗔 𝗧𝗨𝗪𝗜𝗡𝗚 𝗔𝗚𝗢𝗦𝗧𝗢?

Taun-taon, ipinagdiriwang ng bansa ang Buwan ng Wikang Pambansa tuwing buwan ng Agosto. Ito ay alinsunod sa Proclamation No. 1041 na nilagdaan ni Pangulong Fidel Ramos noong July 1997. Pero paano nga ba nagsimula ang selebrasyong ito?

Bago magkaroon ng Buwan ng Wikang Pambansa, nauna munang ipinagdiwang ng mga Filipino ang ‘Linggo ng Wika’. Noong March 26, 1946, nilagdaan ni Pangulong Sergio Osmeña ang Proclamation No. 35 na nagtatakda mula March 27 hanggang April 2 bilang ‘National Language Week’. Alinsunod ang kauutusang ito sa Commonwealth Act No. 570, na nilagdaan noong June 7, 1940, na nagtatakda sa Filipino national language at sa pagpapaunlad sa wikang pambansa. Itinapat ang selebrasyon ng ‘Linggo ng Wika’ sa anibersaryo ng kapanganakan ni Francisco Balagtas (April 2, 1788 – February 20, 1862), ang binansagang ‘Prinsipe ng Pagtulang Filipino’ at siyang sumulat sa ‘Florante at Laura’.

Noong March 24, 1954 nang baguhin ni Pangulong Ramon Magsaysay ang selebrasyon ng ‘Linggo ng Wika’. Sa bisa ng Proclamation No. 12, inilipat ang ‘Linggo ng Wikang Pambansa’ sa March 29 hanggang April 4 upang mapagitnaan ang petsa ng anibersaryo ng kapanganakan ni Balagtas. Dahil tumatapat sa panahon ng bakasyon ang Marso at Abril, hindi nakalalahok ang mga paaralan sa pagdiriwang. Dahil dito, muling inilipat ni Pangulong Magsaysay ang ‘Linggo ng Wikang Pambansa’ mula August 14 hanggang 19 ng bawat taon sa bisa ng Proclamation No. 186 na kaniyang pinirmahan noong September 23, 1955. Itinapat naman ito sa selebrasyon ng anibersaryo ng kapanganakan ni Pangulong Manuel L. Quezon, ang binansagang ‘Ama ng Wikang Pambansa’.

Sa huli, ang lingguhan pagdiriwang para sa Wikang Pambansa ay pinalawig ni Pangulong Fidel Ramos. Noong July 15, 1997, sa bisa ng Proclamation No. 1041, idineklara niya ang buong buwan ng Agosto bilang ‘Buwan ng Wikang Pambansa’.

Almario, Virgilio (August 18, 2021). [Sarì-Sámot] Kasaysayan ng Buwan ng Wika. Retrieved from https://www.rappler.com/voices/thought-leaders/explainer-history-national-language-month-philippines/ #:~:text=Noong%20Hulyo%2015%2C%201997%2C%20pinalak%C3%AD,tuwing%20Agosto%201%20hanggang%2031.

Commonwealth Act No. 570. Retrieved from https://elibrary.judiciary.gov.ph/thebookshelf/showdocs/2/19697

Proclamation No. 1041. Retrieved from https://www.officialgazette.gov.ph/1997/07/15/proklamasyon-blg-1041-s-1997-2/

Proclamation No. 12. Retrieved from https://lawphil.net/executive/proc/proc1954/proc_12_1954.html

Proclamation No. 186. Retrieved from https://lawphil.net/executive/proc/proc1955/proc_186_1955.html

Proclamation No. 35. Retrieved from https://elibrary.judiciary.gov.ph/thebookshelf/showdocs/7/77471 #:~:text=PROCLAMATION%20NO.,%22%20%2D%20Supreme%20Court%20E%2DLibrary

---
Muling nagbabalik ang , kung saan tayo ay nagtatampok ng ilang mga 'trivia' ukol sa ating wikang pambansa. Alinsunod sa Proclamation No. 1041, ang buwan ng Agosto ay ang 'Buwan ng Wikang Pambansa'.

03/08/2026

🇵🇭 𝗦𝗜𝗠𝗨𝗟𝗔 𝗡𝗔 𝗡𝗚 𝗣𝗔𝗚𝗗𝗜𝗥𝗜𝗪𝗔𝗡𝗚!

𝐈𝐬𝐚𝐧𝐠 𝐛𝐮𝐰𝐚𝐧𝐠 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐚 𝐧𝐚𝐤𝐚𝐚𝐧𝐠𝐤𝐥𝐚 𝐬𝐚 𝐏𝐚𝐦𝐩𝐚𝐧𝐠𝐮𝐥𝐮𝐡𝐚𝐧𝐠 𝐏𝐫𝐨𝐤𝐥𝐚𝐦𝐚𝐬𝐲𝐨𝐧 𝐁𝐥𝐠. 1041. 𝐈𝐬𝐚𝐧𝐠 𝐰𝐢𝐤𝐚𝐧𝐠 𝐧𝐚𝐠𝐛𝐮𝐛𝐮𝐤𝐥𝐨𝐝. 𝐈𝐬𝐚𝐧𝐠 𝐤𝐢𝐧𝐚𝐛𝐮𝐤𝐚𝐬𝐚𝐧𝐠 𝐩𝐢𝐧𝐚𝐲𝐚𝐲𝐚𝐦𝐚𝐧 𝐧𝐠 𝐢𝐧𝐨𝐛𝐚𝐬𝐲𝐨𝐧.

Opisyal nang sinisimulan ng𝐁𝐞𝐧𝐠𝐮𝐞𝐭 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥 – 𝐒𝐞𝐧𝐢𝐨𝐫 𝐇𝐢𝐠𝐡 𝐒𝐜𝐡𝐨𝐨𝐥, sa pangunguna ng mga 𝐠𝐮𝐫𝐨 𝐬𝐚 𝐅𝐢𝐥𝐢𝐩𝐢𝐧𝐨 𝐚𝐭 𝐒𝐚𝐦𝐚𝐡𝐚𝐧𝐠 𝐇.𝐈.𝐑.𝐀.𝐘.𝐀., ang pagdiriwang ng 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 2026 na may temang:

"𝑾𝒊𝒌𝒂𝒏𝒈 𝑭𝒊𝒍𝒊𝒑𝒊𝒏𝒐 𝒂𝒕 𝑨𝑰: 𝑲𝒂𝒔𝒂𝒏𝒈𝒌𝒂𝒑𝒂𝒏 𝒔𝒂 𝑷𝒂𝒏𝒂𝒏𝒂𝒍𝒊𝒌𝒔𝒊𝒌 𝒂𝒕 𝑻𝒖𝒍𝒂𝒚 𝒔𝒂 𝒀𝒂𝒎𝒂𝒏 𝒏𝒈 𝑰𝒎𝒑𝒐𝒓𝒎𝒂𝒔𝒚𝒐𝒏."

Mula 𝐀𝐠𝐨𝐬𝐭𝐨 3 𝐡𝐚𝐧𝐠𝐠𝐚𝐧𝐠 𝐀𝐠𝐨𝐬𝐭𝐨 28, 2026, ihanda ang inyong husay, pagkamalikhain, at diwang makabansa sa iba't ibang gawaing magbibigay-daan upang maipamalas ang talento, kaalaman, at kakayahan ng bawat mag-aaral.

🎙️ 𝐌𝐚𝐤𝐢𝐢𝐬𝐚.
🏆 𝐌𝐚𝐤𝐢𝐥𝐚𝐡𝐨𝐤.
💡 𝐌𝐚𝐠𝐛𝐢𝐠𝐚𝐲-𝐢𝐧𝐬𝐩𝐢𝐫𝐚𝐬𝐲𝐨𝐧.
🤝 𝐈𝐩𝐚𝐠𝐦𝐚𝐥𝐚𝐤𝐢 𝐚𝐧𝐠 𝐚𝐭𝐢𝐧𝐠 𝐰𝐢𝐤𝐚.

📌 Narito ang 𝐨𝐩𝐢𝐬𝐲𝐚𝐥 𝐧𝐚 𝐌𝐚𝐭𝐫𝐢𝐱 𝐚𝐭 𝐌𝐞𝐤𝐚𝐧𝐢𝐤𝐬 𝐧𝐠 𝐦𝐠𝐚 𝐆𝐚𝐰𝐚𝐢𝐧 𝐩𝐚𝐫𝐚 𝐬𝐚 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 2026. Basahin ang bawat detalye at ihanda ang inyong sarili sa mga patimpalak at gawaing nakalaan sa buong buwan.

𝐒𝐚𝐦𝐚-𝐬𝐚𝐦𝐚 𝐧𝐚𝐭𝐢𝐧𝐠 𝐢𝐩𝐚𝐠𝐝𝐢𝐰𝐚𝐧𝐠 𝐚𝐧𝐠 𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨—isang wikang patuloy na yumayabong kasabay ng makabagong teknolohiya at 𝐧𝐚𝐠𝐬𝐢𝐬𝐢𝐥𝐛𝐢𝐧𝐠 𝐤𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐩𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐭𝐮𝐥𝐚𝐲 𝐬𝐚 𝐲𝐚𝐦𝐚𝐧 𝐧𝐠 𝐢𝐦𝐩𝐨𝐫𝐦𝐚𝐬𝐲𝐨𝐧.

𝐓𝐚𝐫𝐚 𝐧𝐚! 𝐒𝐢𝐦𝐮𝐥𝐚𝐧 𝐧𝐚𝐭𝐢𝐧 𝐚𝐧𝐠 𝐢𝐬𝐚𝐧𝐠 𝐦𝐚𝐤𝐚𝐛𝐮𝐥𝐮𝐡𝐚𝐧, 𝐦𝐚𝐤𝐚𝐛𝐚𝐲𝐚𝐧, 𝐚𝐭 𝐦𝐚𝐤𝐚𝐛𝐚𝐠𝐨𝐧𝐠 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 2026!

02/08/2026

🌄Kumusta, Ka-HIRAYA?

Narito ang iyong Pahayag ng Pag-asa upang magsilbing paalala at inspirasyon sa pagsisimula ng linggong ito.

𝐄𝐟𝐞𝐬𝐨 4:29

"𝐇𝐮𝐰𝐚𝐠 𝐤𝐚𝐲𝐨𝐧𝐠 𝐠𝐮𝐦𝐚𝐦𝐢𝐭 𝐧𝐠 𝐦𝐚𝐬𝐚𝐬𝐚𝐦𝐚𝐧𝐠 𝐩𝐚𝐧𝐚𝐧𝐚𝐥𝐢𝐭𝐚. 𝐒𝐚 𝐡𝐚𝐥𝐢𝐩, 𝐚𝐧𝐠 𝐬𝐚𝐛𝐢𝐡𝐢𝐧 𝐧𝐢𝐧𝐲𝐨 𝐚𝐲 𝐚𝐧𝐠 𝐦𝐚𝐤𝐚𝐛𝐮𝐛𝐮𝐭𝐢 𝐚𝐭 𝐦𝐚𝐤𝐚𝐩𝐚𝐠𝐩𝐚𝐩𝐚𝐭𝐢𝐛𝐚𝐲 𝐬𝐚 𝐢𝐛𝐚 𝐚𝐲𝐨𝐧 𝐬𝐚 𝐤𝐚𝐧𝐢𝐥𝐚𝐧𝐠 𝐩𝐚𝐧𝐠𝐚𝐧𝐠𝐚𝐢𝐥𝐚𝐧𝐠𝐚𝐧, 𝐮𝐩𝐚𝐧𝐠 𝐦𝐚𝐠𝐢𝐧𝐠 𝐩𝐚𝐠𝐩𝐚𝐩𝐚𝐥𝐚 𝐬𝐚 𝐦𝐠𝐚 𝐧𝐚𝐤𝐚𝐫𝐢𝐫𝐢𝐧𝐢𝐠."

Ang 𝐄𝐟𝐞𝐬𝐨 4:29 ay nagpapaalala na ang mga salitang binibigkas natin ay may 𝐦𝐚𝐥𝐚𝐤𝐢𝐧𝐠 𝐞𝐩𝐞𝐤𝐭𝐨 sa damdamin at buhay ng ibang tao. Minsan, dahil sa galit o emosyon, nakapagsasalita tayo ng mga salitang nakasasakit nang hindi natin namamalayan. Ngunit itinuturo ng talatang ito na mas makabubuting gamitin ang ating pananalita upang magbigay ng 𝐩𝐚𝐠-𝐚𝐬𝐚, 𝐥𝐚𝐤𝐚𝐬 𝐧𝐠 𝐥𝐨𝐨𝐛, 𝐚𝐭 𝐤𝐚𝐛𝐮𝐭𝐢𝐡𝐚𝐧 𝐬𝐚 𝐤𝐚𝐩𝐰𝐚.

Filipino

02/08/2026

Ikatlong Pagpupulong ng Samahang HIRAYA

Noong ika-31 ng Hulyo, 2026, matagumpay na idinaos ang ikatlong pagpupulong ng Samahang HIRAYA sa silid-aralan ng 11-ACAD I sa pangunguna ng mga tagapayo na sina Bb. Darlyn Piswec at Gng. Vanessa Bayagen.

Tinalakay at pinagtibay ang mga plano, iskedyul, at mga paghahanda para sa mga gawain at programang isasagawa sa buong buwan ng Agosto. Nagtalaga rin ng mga tungkulin at responsibilidad sa bawat miyembro upang matiyak ang maayos at organisadong pagpapatupad ng mga aktibidad.

Nagbigay rin ng mahahalagang paalala ang mga tagapayo tungkol sa disiplina, pananagutan, pakikiisa, at pagsunod sa mga napagkasunduang plano. Nagtapos ang pagpupulong nang maayos at may pagkakaisa.

Inaanyayahan ang bawat mag-aaral na makiisa sa mga programa ng Samahang HIRAYA. Sama-sama nating isulong ang mga layunin ng samahan para sa ikabubuti ng paaralan.

PADAYON, HIRAYA! 💪🇵🇭

✍️ Annie Rose Caoili
📷 Kharry Bang-Otan
📷 Beverly Noces

01/08/2026

𝟙, 𝟚, 𝟛, 𝔾𝕠! 𝕂𝕒𝕟𝕚𝕪𝕒-𝕜𝕒𝕟𝕚𝕪𝕒 𝕟𝕒!

At ganoon nga ang naging sigla ng Samahang
𝐇𝐈𝐑𝐀𝐘𝐀. Ngunit sa halip na mag-unahan sa laro, nagkaisa ang samahan sa pagpapanatiling malinis ang ating kapiligiran.🧹🚮🗑

Noong ika-31 ng Hulyo, matagumpay na isinagawa ang Clean-up drive sa paligid ng Bahaghari Office, na pinangunahan ni Sophie Guiniawan, ang Pangalawang Pangulo ng Samahan, kasama ang iba pang mga opisyal at mag-aaral.

Sa bawat pagwawalis, pagpupulot ng basura, at paglilinis ng paligid, naipakita na ang malasakit sa kapaligiran ay nasasalamin sa mga simpleng pagkilos. Sapagkat ang bawat malinis na sulok ay bunga ng sama-samang pagtutulungan at pananagutan.

✍️ Zaeiron Abrena
📷Lyka Lizardo

26/07/2026

🌄Kumusta, Ka-HIRAYA?

Narito ang iyong Pahayag ng Pag-asa upang magsilbing paalala at inspirasyon sa pagsisimula ng linggong ito.

1 Tesalonica 5:18

"𝐒𝐚 𝐥𝐚𝐡𝐚𝐭 𝐧𝐠 𝐦𝐠𝐚 𝐛𝐚𝐠𝐚𝐲 𝐚𝐲 𝐦𝐚𝐠𝐩𝐚𝐬𝐚𝐥𝐚𝐦𝐚𝐭 𝐤𝐚𝐲𝐨, 𝐬𝐚𝐩𝐚𝐠𝐤𝐚𝐭 𝐢𝐭𝐨 𝐚𝐧𝐠 𝐤𝐚𝐥𝐨𝐨𝐛𝐚𝐧 𝐧𝐠 𝐃𝐢𝐲𝐨𝐬 𝐤𝐚𝐲 𝐊𝐫𝐢𝐬𝐭𝐨 𝐇𝐞𝐬𝐮𝐬 𝐭𝐮𝐧𝐠𝐤𝐨𝐥 𝐬𝐚 𝐢𝐧𝐲𝐨."

Hindi lamang sa magagandang pangyayari tayo dapat magpasalamat, kundi maging sa bawat karanasan, 𝐦𝐚𝐬𝐚𝐲𝐚 𝐦𝐚𝐧 𝐨 𝐦𝐚𝐡𝐢𝐫𝐚𝐩.

Ang pagpapasalamat sa lahat ng pagkakataon ay tanda ng tunay na pananalig na ang Diyos ay 𝐦𝐚𝐲 𝐥𝐚𝐲𝐮𝐧𝐢𝐧 𝐬𝐚 𝐥𝐚𝐡𝐚𝐭 𝐧𝐠 𝐛𝐚𝐠𝐚𝐲, at siya ang gumagabay sa atin upang lumago at tumatag sa pananampalataya. Kapag tayo ay nagpapasalamat, binubuksan natin ang ating puso na makita ang kanyang pagmamahal at pag-iingat, kahit sa 𝐠𝐢𝐭𝐧𝐚 𝐧𝐠 𝐩𝐚𝐠𝐬𝐮𝐛𝐨𝐤.

Kaya't kung ano man ang dinadala ng araw na ito ay pasalamatan natin, maaaring ang mga 𝐩𝐚𝐬𝐚𝐤𝐢𝐭 𝐚𝐭 𝐛𝐢𝐲𝐚𝐲𝐚 ay gawing motibasyon sa pag-uumpisa ng linggong ito dahil ang pag-ibig ng Diyos ay naghihintay upang ating matanto. Nawa'y gabayan tayo sa nalalapit na pangalawang summative assessment.

Filipino

BeNHS Samahang HIRAYA

10/08/2026

06/08/2026

05/08/2026

04/08/2026

03/08/2026

02/08/2026

02/08/2026

01/08/2026

26/07/2026

Address

Website

Alerts

Shortcuts

Share

Category

Listing takedown request