21/05/2026
Tampok sa masayang pagdiriwang ng 4th Mango Harvest Festival na itinataguyod ng pamahalaang panlalawigan sa pamumuno ni Governor Emmylou “Lala” J. Taliño-Mendoza ang “2nd Mango Congress” na idinaos ngayong Martes, Mayo 19, 2026 sa Capitol Rooftop, Provincial Compound, Amas, Kidapawan City, sa temang: “Empowering the Mango Sector: Bridging Local Production to Global Trade Opportunities.” Layunin nitong pagsama-samahin sa pamamagitan ng Office of the Provincial Agriculturist (OPAg) ang mga magsasaka, eksperto, agricultural leaders, market specialist, at stakeholders upang talakayin ang mga bagong trends, global market opportunities, value-adding innovations at mga estratehiya upang mapalakas ang industriya ng mangga sa probinsya.
Naging sentro ng kanilang diskusyon ang mga paksang magpapabuti ng produksyon, magpapalawak ng market linkages at magpapalakas ng kakayahan ng mga mango growers, gamit ang modern agribusiness approaches. Parte nito ang Mango Cultivation and Farming Practices Technology and Innovation in Mango Farming; Plant, Food and Research: Improving Philippine Mango Quality for Export; Insights and Potentials of Mindanao Mango Exports; Quarantine Protocol for Export of Mango; Global Mango Trade and Market Trends at Market Matching/Networking. Samantala, binisita naman ni Gov. Taliño-Mendoza ang naturang aktibidad na nagsilbing simbolo ng kanyang walang-patid na suporta at pakikiisa sa patuloy na pagpapaunlad ng industriya ng mangga.
Dinaluhan ni DA-RFO 12 Regional Executive Director John B. Pascal ang nasabing kaganapan na pinangasiwaan ni Provincial Agriculturist Engr. Elena E. Ragonton, katuwang si Provincial Agribusiness Coordinator Charnie P. Ebol, sa gabay naman nina Provincial Advisory Council (PAC) Members former DA Regional Director Amalia J. Datukan at Judge Lily Lydia A. Laquindanum. Nagsilbing resource speakers naman dito sina Midsayap Mayor Rolando C. Sacdalan; Plant, Food and Research Project Coordinator Mischelle J. Vergara; BPI Plant Quarantine Services Area Manager Cyprian F. Magaway; DA 12-AMAD Chief Dr. Esmael M. Intao at si Market Specialist II Josalyn T. Jomuad. Naroon din si PMSMED Permanent Designate Mabel Lynnel Calungsod, gayundin si Provincial Mango Federation President Ricardo D. Baco na pinangasiwaan ang presentation at approval ng kanilang mga resolusyon.//idcd-pgo-frigillanaphotoby:LDelaCruz
