17/09/2026
NGAA ADLAW SANG PROTESTA ANG SEPTEMBER 21?
Sang nagligad nga tuig, ginhiwat ang pungsudnon nga protesta kontra kurapsyon. Naghulag sa mga dalanon ang linibo ka tawo sa isla sang Panay agud sukton ang mga nagkawat sang kwarta sang pumuluyo paagi sa flood control, mga proyekto sa imprastraktura, confidential kag intelligence funds, kag mga programa sang gobyerno.
APANG WALA MAHUYA ANG MGA KORAP!
BAHA: Ginbaha na kita liwat, pero wala gihapon sila mapasabat. Ginkalbo kag gin-guba sang mga pulitiko kag kumpanya ang mga bukid. Ginkurakot pa gid nila ang badyet para sa flood control. Indi mapuslan ang mga gintukod nga proyekto, kag ang iban nagpalala pa sang baha kung may ulan, habagat ukon bagyo.
BROWNOUT: Ginaprotektahan ang mga kroni sa likod sang rotational brownouts sa Panay kag bilog nga Visayas. Wala sang plano si Marcos Jr. nga pasabton ang mga bilyonaryo nga tag-iya sang nagpalpak nga power plants. Kag ginagamit pa ang mga brownout agud padamuon ang mga planta kag power barge nga kwartahan sang mga bilyonaryo (San Miguel, Aboitiz, Meralco ni Pangilinan, MORE ni Razon)!
KURAPSYON: Ginapili sang Ombudsman kung sin-o ang mga imbestigahan kag prisuhon: target ang mga kontra sa pulitika kag pipila ka kontraktor. Ang mga tinawo ni Marcos Jr., ginpa-resign kag ginhalin lang sa lain nga posisyon sa gobyerno. Dugang pa, ginbasura sang Korte Suprema ang pito (7) ka kaso nga graft batok kay Imelda Marcos, nga gin-convict na sang Sandiganbayan kag dapat ginpriso na.
Ginapanas sang mga Marcos ang rekord sang diktadura ni Ferdinand Marcos Sr., nga nagdeklara sang Martial Law 54 ka tuig ang nakaligad. Sa administrasyon ni Marcos Jr., gindugangan pa sang ila pamilya ang ila kinawat halin sa manggad sang pumuluyo. Ginagamit ni Marcos Jr. ang Terror Law agud pahugon ang mga nagapamatok sa lapnagon nga kurapsyon kag paantos nga mga polisiya sang gobyerno.
BAHAON SANG PROTESTA ANG MGA KOMUNIDAD KAG DALANON! Pasabton ang tanan nga kurakot kag palpak nga opisyal, upod ang mastermind kag hari sang kurapsyon nga si Marcos Jr. Suportahan ang impeachment kag pag-convict kay Sara Duterte.
Tanan nga kurakot, dapat manabat!
Marcos sukton! Sara pasabton!
Bulok nga sistema, bag-uhon!
SEPTEMBER 21, MONDAY
8AM ASSEMBLY AT UPV FLYOVER
11AM MARCH TO OMBUDSMAN
