Iloilo Trending Post

Iloilo Trending Post Contact information, map and directions, contact form, opening hours, services, ratings, photos, videos and announcements from Iloilo Trending Post, Community Center, Iloilo, Iloilo City.
(4)

Higit 2,000 housing units inihanda ng Iloilo City Government para sa mga benepisyaryoMahigit 2,000 ligtas at disenteng h...
12/08/2026

Higit 2,000 housing units inihanda ng Iloilo City Government para sa mga benepisyaryo

Mahigit 2,000 ligtas at disenteng housing units ang inihanda ng Iloilo City Government sa ilalim ng PASILONG o Ilonggo Family Housing Program, isa sa mga pangunahing programa ng lungsod sa ilalim ng Rising Livability pillar ng RISE-to-ACTION governance framework. Kabilang dito ang Iloilo Residences Public Rental Housing Project sa Barangay Sambag, Jaro, na unang public rental housing project sa Western Visayas at may 362 units para sa mga low-income family at pamilyang nagsisimula pa lamang, na target makumpleto pagsapit ng 2027.

Kasama rin sa mga proyekto ang Uswag 4PH Condominium Complex sa Barangay San Isidro, Jaro, na isinasagawa katuwang ang EON Realty Corporation at magbibigay ng 1,677 housing units sa mga Ilonggo. Patuloy naman ang pagpaplano para sa Westville Residences, isang three-storey apartment-style condominium na may 86 units, at Rise Batiano Village na magsisilbing relocation site para sa 173 informal settler families na nakatira sa mga danger zone at coastal area, bilang bahagi ng layunin ng lungsod na mas marami pang residente ang magkaroon ng sariling ligtas na tahanan.

Marcos: Dati hindi nangyayari ang pagbaha ng basura sa ParañaqueItinuro ni Pangulong Ferdinand “Bongbong” Marcos Jr. ang...
12/08/2026

Marcos: Dati hindi nangyayari ang pagbaha ng basura sa Parañaque

Itinuro ni Pangulong Ferdinand “Bongbong” Marcos Jr. ang dami ng naipong basura, mga sirang trash drop at halos isang buwang pag-ulan bilang ilan sa mga dahilan ng pagbaha ng basura sa Parañaque City. Ayon sa Pangulo, nakadagdag sa problema ang hindi maayos na lagayan at pagtatapon ng basura na nagresulta sa pagbara at pag-ipon ng mga kalat sa ilang lugar.

Giit ni Marcos, hindi umano nararanasan noon ang ganitong sitwasyon, kaya kinakailangang matukoy at matugunan ang mga sanhi ng problema upang hindi na ito maulit. Patuloy naman ang mga kinauukulang ahensya sa paglilinis at pagtugon sa epekto ng pagbaha sa mga apektadong lugar.

Iloilo River nilagyan ng isda at alimango para sa mas produktibong pangisdaanNagsagawa ang Iloilo City Government, sa pa...
12/08/2026

Iloilo River nilagyan ng isda at alimango para sa mas produktibong pangisdaan

Nagsagawa ang Iloilo City Government, sa pamamagitan ng Office of the City Agriculturist, katuwang ang DYRI RMN Iloilo at tanggapan ni City Councilor Mandrie Malabor, ng fish at mangrove crab dispersal sa Iloilo River nitong Agosto 12, 2026. Kabilang sa ipinakalat ang 200 pompano, 200 rabbitfish, 200 bangus at mga mangrove crab na ipinagkaloob ng Southeast Asian Fisheries Development Center (SEAFDEC) sa pangunguna ni Chief Dan Baliao.

Bahagi ang aktibidad ng paghahanda para sa RMN at Councilor Malabor Fishing Competition na nakatakda sa Agosto 15 at 16, habang sinusuportahan din nito ang patuloy na mga programa para sa pagpapaunlad ng ilog at sektor ng pangisdaan sa lungsod. Layunin din ng dispersal na makatulong sa pagpapanatili ng malusog, produktibo at napapanatiling Iloilo River, bilang pagpapatuloy sa mga naunang river development initiatives ng administrasyon ni dating Mayor Jerry P. Treñas at ipinagpapatuloy sa ilalim ni Mayor Raisa S. Treñas.

Nakatanggap si First Lady Liza Marcos ng maagang birthday surprise mula kina Kris Aquino at mga anak nitong sina Josh at...
10/08/2026

Nakatanggap si First Lady Liza Marcos ng maagang birthday surprise mula kina Kris Aquino at mga anak nitong sina Josh at Bimby, ilang linggo bago ang kanyang ika-67 kaarawan sa Agosto 21. Apat na birthday cakes ang ipinadala ng pamilya Aquino na ikinatuwa at ikinagulat umano ng First Lady.

Sa isang post, pinasalamatan ni Liza ang magkakapamilyang Aquino sa “lovely advanced birthday cakes” at sinabing tunay na nagpainit sa kanyang puso ang sorpresa. Ibinahagi rin niya ang kanilang kuhang larawan kasama ang apat na cake, na may mensaheng, “Feeling very blessed.”

Pinasimulan na ang pagtatayo ng ₱5-bilyong Barotac Viejo Solar Power Project sa Iloilo, isang 166-megawatt-peak solar fa...
10/08/2026

Pinasimulan na ang pagtatayo ng ₱5-bilyong Barotac Viejo Solar Power Project sa Iloilo, isang 166-megawatt-peak solar facility na may kasamang 80-megawatt-hour Battery Energy Storage System. Inaasahang magsisimula ang commercial operations nito sa ikalawang quarter ng 2027.

Kapag ganap nang operasyon, target nitong makalikha ng tinatayang 261 gigawatt-hours ng malinis na kuryente kada taon, sapat para matustusan ang pangangailangan ng humigit-kumulang 136,000 kabahayan. Tinatayang makaiiwas din ang proyekto sa hanggang 200,000 metriko toneladang carbon emissions bawat taon.

P60-B FLOOD CONTROL PROJECTS, NAIPATUPAD SA CEBU SA LOOB NG 6 NA TAONInihayag ni Ombudsman Jesus Crispin Remulla na mahi...
10/08/2026

P60-B FLOOD CONTROL PROJECTS, NAIPATUPAD SA CEBU SA LOOB NG 6 NA TAON

Inihayag ni Ombudsman Jesus Crispin Remulla na mahigit ₱60 bilyon ang nagastos sa Cebu para sa mga flood control project sa nakalipas na anim na taon. Ayon sa kanya, malaking halaga ang inilaan para sa mga proyektong naglalayong mabawasan ang epekto ng pagbaha sa lalawigan.

Sinabi ni Remulla na patuloy na sinusuri ang mga flood control project na ipinatupad sa Cebu, kabilang ang kanilang pondo at implementasyon. Layunin ng pagsusuri na matukoy kung naging maayos at naaayon sa layunin ang paggamit ng malaking pondong inilaan para sa flood control.

60 PAMILYA SA JARO, NAKABALIK NA SA BAHAY MATAPOS MAAPEKTUHAN NG BUHAWINakabalik na sa kanilang mga tahanan ang 60 pamil...
10/08/2026

60 PAMILYA SA JARO, NAKABALIK NA SA BAHAY MATAPOS MAAPEKTUHAN NG BUHAWI

Nakabalik na sa kanilang mga tahanan ang 60 pamilyang naapektuhan ng buhawi sa Sitio D**e, Barangay Cubay, Jaro, Iloilo City matapos matiyak na ligtas at maaari nang tirhan ang kanilang mga bahay. Nasira ang ilang bahagi ng mga tahanan, kabilang ang mga bubong, nang manalasa ang buhawi noong gabi ng Agosto 8.

Nakatanggap naman ng tulong ang mga apektadong residente mula sa Iloilo City Government at ilang pribadong sektor. Ayon kay Punong Barangay Analye Padilla, dalawang pamilya na lamang ang nananatili sa evacuation center at planong ilipat sa chapel ng lugar. Wala namang naitalang nasawi o nasugatan sa insidente.

MAYOR LENI, PABOR NA MATULOY ANG BARANGAY ELECTION 2026Pabor si Naga City Mayor Leni Robredo na mapalawig ang termino ng...
10/08/2026

MAYOR LENI, PABOR NA MATULOY ANG BARANGAY ELECTION 2026

Pabor si Naga City Mayor Leni Robredo na mapalawig ang termino ng mga barangay officials, ngunit hindi siya sang-ayon sa pagpapaliban ng Barangay and Sangguniang Kabataan Elections (BSKE) ngayong taon. Para kay Robredo, mas mainam na matuloy ang halalan sa Nobyembre 2026 habang pag-uusapan na lamang ang extension ng termino ng mga kasalukuyang opisyal.

Nababahala rin ang alkalde na maaaring maapektuhan ang planong plebisito para sa pagiging Highly Urbanized City ng Naga kung maipagpapaliban ang BSKE hanggang 2028. Umaasa si Robredo na matutuloy ang halalan ngayong Nobyembre upang hindi maantala ang iba pang mahahalagang proseso para sa lungsod.

Buhawi At Malakas Na Hangin, Tumama Sa Jaro Plaza Sa Iloilo CityTinamaan ng buhawi at malakas na hangin ang Jaro Plaza s...
09/08/2026

Buhawi At Malakas Na Hangin, Tumama Sa Jaro Plaza Sa Iloilo City

Tinamaan ng buhawi at malakas na hangin ang Jaro Plaza sa Jaro, Iloilo City kagabi, Agosto 8, na nagresulta sa pagkabuwal at pagkakakalat ng ilang puno at halaman sa lugar. Agad namang nagsagawa ng clearing operations ang mga residente at lokal na personnel upang alisin ang mga sagabal at debris.

Pinangunahan ng Iloilo City Environment and Natural Resources Office (CENRO) ang paglilinis sa lugar, kabilang ang pagtanggal ng mga natumbang puno at sanga. Nagpatupad din ng safety measures sa mga apektadong bahagi ng plaza habang nagpapatuloy ang clearing operations.

Photo credits to Iloilo City Government

Nasagip ang isang overseas Filipino worker (OFW) mula sa Isabela, Negros Occidental matapos umano itong makaranas ng mat...
08/08/2026

Nasagip ang isang overseas Filipino worker (OFW) mula sa Isabela, Negros Occidental matapos umano itong makaranas ng matagal na pang-aabuso mula sa kanyang employer sa Saudi Arabia. Kasalukuyan nang nasa kustodiya ng Philippine Embassy sa Riyadh si Maria Eva Abastillas habang pinoproseso ng Department of Migrant Workers (DMW) at Overseas Workers Welfare Administration (OWWA) ang kanyang repatriation.

Ayon sa mga opisyal, nais munang ituloy ni Abastillas ang kasong isasampa laban sa kanyang employer dahil umano sa hindi pagbabayad ng kanyang sahod. Nangako naman ang Pamahalaang Panlalawigan ng Negros Occidental at lokal na pamahalaan ng Isabela na magbibigay ng pinansyal at livelihood assistance sa OFW at sa kanyang pamilya sa oras na makabalik siya sa Pilipinas.

Address

Iloilo
Iloilo City
5000

Website

Alerts

Be the first to know and let us send you an email when Iloilo Trending Post posts news and promotions. Your email address will not be used for any other purpose, and you can unsubscribe at any time.

Shortcuts

Share

Category