26/07/2025
Sa ika-51 nga PYAP-AKO Anniversary:
Mipasundayag ang Monkayo sa Charcoal Rendering Competition pinaagi ni Mr. William S. Bobiles, PYAP President sa Brgy. Poblacion ug atoang KK president sa Purok 14, Poblacion, Monkayo.
Ang iyang obra nga giulohan โLuyo sa mga Luha, Mibarog Kitaโ nagpakita sa kasakit nga hilom apan puno sa kusog sa kabatan-onan. Nakadaog kini og 3rd Place, ug mipasigarbo sa tanang kabatan-onan sa Monkayo.
Narrative work โฌ๏ธ
LUYO SA MGA LUHA, MIBAROG KITA
Written By: GILBERT R. BAGUIO
"Ang uling maoy sinulat sa kasakit nga walay tingog. Apan kini โ misinggit sa tinuod.
Sa iyang nawong nga gisilyohan sa uling ug luha, makit-an ang istorya sa usa ka kabatan-onang gilamoy sa kasakit. Dili ni nawong sa arte. Nawong ni sa kamatuoran. Usa ka nawong nga gilunod sa kagabhion nga way nakadungog sa iyang paghilak.
Dili siya nabasa tungod sa ulan. Nabasa siya tungod sa mga luha nga wala niya gustong ipakita. Dili kusog ang iyang tingog, apan ang iyang mga mataโmisinggit og tabang. Dili siya nangurog tungod sa katugnaw, kundi sa kahadlok nga wala niya masabti, sulod sa dugay na nga panahon.
Apan bisag luya, wala siya natumba. Naghilak siya, dili tungod kay siya huyang, kundi kay iyang gipasan ang mga kasakit nga makapatumba sa uban.
Ug karon, sa panahon nga ang PYAP-AKO nagbarog para sa tinuod nga kabatan-onan, among isinggit sa kalibutan:
"Nakita ka! Nasabtan ka! Gisuportahan ka! Dili lang ka para mabuhi โ para ka motubo, mulambo, ug mosidlak."
Sa tabang sa UNLAD KABATAAN PROGRAM, among pahiran ang iyang mga luha โ dili aron limtan ang kasakit, kundi aron ipakita nga sa matag luha, adunay kusog nga moturok.
Iyang mga kamot, nga kaniadto pwerteng kapoy sa pagpanginabuhi, among tabangan nga mahimong kamot sa kaugmaon โ kamot nga makahimo, makab-ot, ug makauswag.
Among buhion ang iyang pagtuo sa kaugalingon. Among ipahinumdom nga ang iyang bili dili gilubong sa iyang kagahapon, kundi gipaningkamotan sa iyang buotan nga kaugmaon.
Dili lang siya motindog para sa iyang kaugalingon โ kundili para sa tanang kabatan-onan nga nanginahanglan og tingog. Siya ang magdala sa suga sa uban.
Kay ang tinuod nga paglambo โ dili lang pagpanginabuhi. Kini ang pagpangandoy. Kini ang pagpakabana. Kini ang pagbarog, bisan sakit.
Dili na siya usa lang ka drawing sa uling.
Usa siya ka rebolusyon nga gisugdan sa kasakit.
Usa siya ka kalayo nga wala mapalong sa unos.
Usa siya ka paninguha nga mibunga og paglaum.
Ug karon โ usa siya ka PYAP-AKO. Usa siya kanato."
Congratulations sainyo og padayon sa paglambo kabatan-onan sa Brgy. Poblacion! ๐ช
๐ธ PYAP-Monkayo Chapter
