20/04/2025
TABORWASA Advisory:
Maaung adlaw mga pinalangga namo nga mga konsumedor,
Tungod sa kainit sa atong panahon, medyo niubos Ang supply sa atong tubig ilabina sa mga natural sources, mao nga medyo nihinay Ang pag pondo sa tubig sa atong reservoir.
Mao nga possible nga maka tagamtam kita ug pag hinay sa supply sa tubig sugod karong semanaha hangtud sa tibook bulan sa Mayo. Mao nga among gi awhag atong mga pinalanggang konsumedor:
Una, mag tipid kita sa tubig nga atong gamiton, kung mahimo mangita tag alternative way Aron maka save sa atong tubig.
Ikaduha, gi awhag Ang tanan sa pag pondo ug pagsalod sa tubig kung adunay agas atong Gripo Kay matag karon ug unya possible nga mohinay or mawala Ang agas sa atong Gripo.
Ikatulo, Ang supply sa tubing Wala namo gilimit o gipalabi o gipihig-pihig sa pag distribute Gani mismo atong mga opisyales ug management makatagamtan usab ug pagkawala sa supply sa tubig. Mao kuhaa sa inyong hunahuna nga pinili namo Ang pagsupply sa tubig Kay di namo makontrol ug kung ASA modagayday Ang tubig sulod sa mainline.
Ikaupat, kung naa kamoy problema sa agas, pananglitan kamo ray walay agas unya ang silingan naa, possible nga naay problema inyong linya. Kung nakatagmatam kamo niini, ayaw ug kaulaw modool sa atong opisina ug moreport sa inyong problema. Andam ug abli Ang atong opisina alang sa pagtubag sa inyong mga concerns.
Ikalima, atong likayan Ang pag post, pag note, ug pag story sa inyong social media account sama sa Facebook, IG, ug uban pa kabahin sa problema sa inyong linya or supply sa tubig. Instead, palihug ug padangat sa inyong concerns diretso sa atong opisina Aron mahatagan kamo ug dali nga aksyon.
Manghinaut kami sa inyong kooperasyon. Alang sa dugang kasayoran, dool lang sa atong TABORWASA Office nga ana mahimutang sa kilid sa Talaga Barangay Hall.
Daghan kaaung salamat ug Happy Easter Sunday sa tanan ❤️🙏😇
