21/09/2026
Palihug uban kanamo sa pag-abiabi sa atong mga bag-ong napili ug natudlo nga mga opisyal sa Potat Youth Organization (PYO)!
Atong suportahan ug dasigon ang atong mga bag-ong lider samtang ilang gidawat ang responsibilidad sa pagpangulo ug pagserbisyo alang sa kaayohan sa atong mga kabatan-onan ug sa tibuok komunidad.
Sa tanang kabatan-onan sa Sitio Potat, panahon na aron dili lamang kita mahimong mga sakop, kundili mahimong aktibong kabahin sa pagpalambo sa atong komunidad.
Apil sa mga kalihokan, ipaambit ang inyong mga ideya, tabangi ang inyong isigka-kabatan-onan, ug gamita ang inyong talento ug panahon alang sa maayong katuyoan.
Ang matag usa kanato adunay ikatampo aron mahimong mas aktibo ug mas lig-on ang atong kabatan-onan.
Maghiusa kita, molihok kita, ug magserbisyo kita alang sa mas lig-on nga kabatan-onan ug mas maayong komunidad!
CONGRATULATUONS sa atong bag-ong mga opisyal sa PYO
