Parish Youth Ministry - St. Joseph the Worker Parish - Barracks

08/09/2026

𝗶𝗣𝗥𝗔𝗬: 𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗣𝗔𝗚𝗦𝗜𝗟𝗔𝗡𝗚 𝗡𝗚 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔

𝙃𝙖𝙡𝙞𝙣𝙖 𝙖𝙩 𝙞𝙥𝙖𝙜𝙙𝙞𝙬𝙖𝙣𝙜
𝙖𝙣𝙜 𝙢𝙖𝙡𝙞𝙜𝙖𝙮𝙖𝙣𝙜 𝙥𝙖𝙜𝙨𝙞𝙡𝙖𝙣𝙜
𝙣𝙞 𝙈𝙖𝙧𝙞𝙖𝙣𝙜 𝘽𝙞𝙧𝙝𝙚𝙣𝙜 𝙈𝙖𝙝𝙖𝙡
𝙣𝙖 𝙨𝙞𝙮𝙖𝙣𝙜 𝙣𝙖𝙜𝙡𝙪𝙬𝙖𝙡 𝙨𝙖 𝙖𝙧𝙖𝙬
𝙣𝙖 𝙨𝙞 𝙆𝙧𝙞𝙨𝙩𝙤𝙣𝙜 𝘿𝙞𝙮𝙤𝙨 𝙣𝙜 𝙩𝙖𝙣𝙖𝙣.

Ipinagdiriwang natin ngayon ang Kapistahan ng Pagsilang ng Mahal na Birheng Maria. Siya ang pinagpalang ina ng Mesiyas—ang Cristong Panginoon. Ang kanyang kapanganakan ay isang handog at pagpapahayag ng dakilang pagmamahal at walang hanggang awa ng Diyos.

Si Maria ay isang mabuting huwaran ng mapagpakumbabang pagtugon sa kalooban ng Ama. Ang pagsilang ng ating Mahal na Ina ay isa sa mga naging katuparan ng mga propesiya ng mga propeta. Ang kanyang matamis na “Oo” ang naging hudyat ng pagsisimula ng kaligtasan sa anyo ng pagtubos sa kasalanan ng sangkatauhan.

Maligayang kaarawan, Mahal na Inang Maria!

𝗢 𝗠𝗮𝗿𝗶𝗮, 𝗶𝗽𝗶𝗻𝗮𝗴𝗹𝗶𝗵𝗶𝗻𝗴 𝘄𝗮𝗹𝗮𝗻𝗴 𝘀𝗮𝗹𝗮, 𝗶𝗽𝗮𝗻𝗮𝗹𝗮𝗻𝗴𝗶𝗻 𝗺𝗼 𝗸𝗮𝗺𝗶!

05/09/2026

𝗛𝗮𝗽𝗽𝗶𝗲𝘀𝘁 𝗕𝗶𝗿𝘁𝗵𝗱𝗮𝘆 𝘁𝗼 𝗼𝘂𝗿 𝗱𝗲𝗮𝗿 𝗸𝗮𝗯𝗮𝘁𝗮𝗮𝗻 𝗻𝗶 𝗦𝗮𝗻 𝗝𝗼𝘀𝗲, 𝗞𝗵𝘂𝗿𝘁 𝗦𝗲𝗿𝗮𝘁𝗼!

May the Lord bless you with more wonderful days and years filled with joy, strength, and peace. Continue to serve and be an inspiration to those around you.

We wish you a great life as great as you!

30/07/2026

04/07/2026

28/06/2026

𝗗𝗔𝗬 𝟮 | 𝗪𝗜𝗧𝗡𝗘𝗦𝗦𝗘𝗦 𝗢𝗙 𝗦𝗬𝗡𝗢𝗗𝗔𝗟𝗜𝗧𝗬

Sa huling araw ng 𝗟𝗲𝗮𝗱 𝗟𝗶𝗸𝗲 𝗦𝘁. 𝗝𝗼𝘀𝗲𝗽𝗵 𝗖𝗮𝗺𝗽 𝟮, muling pinaalalahanan ang bawat isa na hindi natin maibibigay sa iba ang bagay na wala sa atin. Bago natin samahan at tulungan ang iba na maglakbay at palaguin ang pananampalataya sa Diyos, kailangan muna nating magkaroon ng sariling ugnayan kay Hesus.

"You cannot walk with others if you haven't walk with Jesus first," ani ni Kuya Alex Quillo, Commission on Youth Coordinator ng Diocese of Novaliches.

28/06/2026

𝗗𝗔𝗬 𝟭 | 𝗪𝗜𝗧𝗡𝗘𝗦𝗦𝗘𝗦 𝗢𝗙 𝗛𝗢𝗣𝗘

"In moments when nothing seems clear and you cannot see what lies ahead, trust God to hold you up, carry you through, and guide every step you take."

Nagtapos ang unang araw ng ating 𝗟𝗲𝗮𝗱 𝗟𝗶𝗸𝗲 𝗦𝘁. 𝗝𝗼𝘀𝗲𝗽𝗵 𝗖𝗮𝗺𝗽 𝟮 na pinaaalalahanan ang lahat na hindi tayo pababayaan ng Diyos.

Hindi palaging malinaw ang tamang kilos o tamang landas na dapat tahakin. Madalas, mahirap malaman kung tama pa ba ang mga desisyon na ating ginagawa. Nakatatakot, ngunit tulad ni San Jose, minsan kailangan nating magdesisyon kahit hindi natin alam ang patutunguhan.

Ang tunay na pagiging saksi ng pag-asa ay ang patuloy na pananalig at pagtitiwala sa Diyos na hindi Niya tayo pababayaan sa mga panahon ng pag-aalinlangan at kawalang katiyakan.

28/06/2026

𝗟𝗘𝗔𝗗 𝗟𝗜𝗞𝗘 𝗦𝗧. 𝗝𝗢𝗦𝗘𝗣𝗛 𝗖𝗔𝗠𝗣 𝟮𝟬𝟮𝟲

"You are also my witnesses, because you have been with me." - John 15:27

Isang muling pagtanaw sa mga makabuluhang sandali mula sa nagdaang Lead Like St. Joseph Camp 2! Higit sa isang simpleng pagtitipon, ang camp na ito ay naging paanyaya at hamon sa ating mga kabataang lingkod simbahan na maglingkod nang may pagpapakumbaba at maging tunay na Witnesses of Hope sa kani-kanilang pamayanan.

Sa bawat panalangin, pakikinig, at pakikipagkapwa na ibinahagi, mas lalong napatatag ang misyon na dalhin ang liwanag ng Diyos sa iba. Matapos man ang ating pagsasama-sama, ang ating pagiging saksi ay patuloy na magpapasiklab sa puso ng bawat isa.

Narito ang mga larawan mula sa ating mga kaganapan sa camp.

24/06/2026

𝗛𝗜𝗡𝗜𝗥𝗔𝗡𝗚 𝗠𝗔𝗚𝗜𝗡𝗚 𝗣𝗜𝗡𝗨𝗡𝗢𝗡𝗚-𝗟𝗜𝗡𝗚𝗞𝗢𝗗

Sa pagtatapos ng 𝗟𝗲𝗮𝗱 𝗟𝗶𝗸𝗲 𝗦𝘁. 𝗝𝗼𝘀𝗲𝗽𝗵 𝗖𝗮𝗺𝗽 𝟮 noong June 12 at 13, nawa'y ating isaisip na tayo ay hinirang ng Diyos upang maging saksi ng pag-asa at binigyang misyon upang ibahagi ito sa iba.

Sa video na ito, ating sariwain ang mga mahahalagang sandali ng ating camp: mga alaala ng pagsubok, pagkakaisa, at pag-asa, kasabay ng sama-samang paglalakbay.

19/06/2026

𝗙𝗟𝗢𝗥𝗘𝗦 𝗗𝗘 𝗠𝗔𝗬𝗢 𝟮𝟬𝟮𝟲

Noong nakaraang buwan ng Mayo, ang ating mga youth catechist representatives ay ipinadala sa mga iba’t ibang pamayanan ng ating parokya upang turuan ang bawat kabataan tungkol sa Mahal na Birheng Maria at ang pagdarasal ng Santo Rosaryo.

Sa kanilang pagtuturo, naipapasa ang pananampalataya at pagmamahal sa Diyos mula henerasyon hanggang henerasyon.

Narito ang mga larawan mula sa ating 𝗠𝗮𝘆𝗳𝗹𝗼𝘄𝗲𝗿 𝗖𝗮𝘁𝗲𝗰𝗵𝗶𝘀𝗺 na isinagawa noong nakaraang buwan.

27/05/2026

𝗛𝗘𝗟𝗟𝗢 𝗖𝗔𝗠𝗣𝗘𝗥𝗦! 𝗛𝗔𝗡𝗗𝗔 𝗡𝗔 𝗕𝗔 𝗞𝗔𝗬𝗢?

Narito ang venue ng ating Lead Like St. Joseph Camp 2.

Day 1:
NHC Village TE Covered Court
St. Joseph the Worker Parish

Day 2:
Rev. Fr. Theophile Verbist Hall, Our Lady of the Holy Rosary Parish, Tala

Para sa mga interesado, makipag-ugnayan lamang kay kuya Roneil Español, sa inyong ministry o Pamayanan Servant Leader.

Halina't matutong maglingkod at mamuno tulad ni San Jose. Kitakits!