17/05/2026
📌 LUMOBO SA ₱18 TRILLION ANG UTANG NG PILIPINAS — SINO NGA BA ANG DAPAT SISIHIN?
Mula sa administrasyon ni dating Pangulong Benigno “PNoy” Aquino na nag-iwan ng humigit-kumulang ₱6.1 trillion na utang noong 2016, halos dumoble ito sa panahon ni dating Pangulong Rodrigo Duterte na umabot sa ₱12.79 trillion pagsapit ng 2022.
Sa ilalim ng administrasyong Duterte, isa sa pinakamalaking dahilan ng paglobo ng utang ay ang COVID-19 pandemic kung saan napilitan ang gobyerno na umutang para pondohan ang ayuda, bakuna, ayuda sa lockdown, healthcare response, at mga infrastructure project sa ilalim ng “Build, Build, Build.”
Ngunit sa kasalukuyang administrasyon ni Pangulong Ferdinand “Bongbong” Marcos Jr., lalo pang sumirit ang utang ng bansa at umabot na umano sa mahigit ₱18 trillion. Kasabay nito ang mga alegasyon ng talamak na korapsyon, kwestyonableng flood control projects, umano’y ghost projects, at mga proyektong nauuwi lamang sa ribbon-cutting at photo opportunities.
Ayon sa mga kritiko, malaking tanong ngayon kung saan talaga napupunta ang bilyon-bilyong inuutang ng bansa habang patuloy na ramdam ng mga Pilipino ang taas-presyo ng bilihin, buwis, at iba pang gastusin.
Pero tanong ng marami patas bang isisi lamang sa nakaraang administrasyong Duterte ang kasalukuyang laki ng utang ng bansa, gayong dumaan noon ang mundo sa pandemya?
💬 Kayo, ano ang masasabi ninyo?
Dapat bang sisihin ang nakaraang administrasyon, o may pananagutan din ang kasalukuyang pamahalaan sa patuloy na paglobo ng utang ng Pilipinas?
I-comment ninyo ang inyong opinyon sa ibaba at babasahin namin yan.
