07/05/2026
๐ก๐ฎ๐ป๐ด ๐ ๐ฎ๐๐๐๐๐ป๐ฎ๐ป ๐ธ๐ผ๐ป๐ด ๐ ๐ฎ๐ด๐๐ฎ๐๐ฎ๐ ๐๐ฎ ๐๐ถ๐๐ป๐ฎ ๐ป๐ด ๐บ๐ด๐ฎ ๐๐๐ฏ๐ผ๐ด
๐๐ข๐บ ๐ฎ๐จ๐ข ๐ด๐ถ๐จ๐ข๐ต ๐ฏ๐ข ๐ฉ๐ช๐ฏ๐ฅ๐ช ๐ฏ๐ข๐ฌ๐ช๐ฌ๐ช๐ต๐ข. ๐๐ช๐ฏ๐ฅ๐ช ๐ฏ๐ข๐จ๐ฅ๐ถ๐ณ๐ถ๐จ๐ฐ. ๐๐ฆ๐ณ๐ฐ ๐ณ๐ข๐ฎ๐ฅ๐ข๐ฎ ๐ด๐ข ๐ฃ๐ข๐ธ๐ข๐ต ๐ฑ๐ข๐จ๐ฉ๐ช๐ฏ๐จ๐ข.
Hindi ko ata kayang tingnan ang sariling repleksyon sa salamin, paano kung mapagtanto ko na hindi na 'ko kasing galing kagaya ng dati? Sa pag-asam ko sa umaalingasaw at naaagnas na pangarap, kung napupundi na ang aking alab may silbi pa kaya ang isang kagaya ko?
Tila ba sa bawat galaw, tila hatol kung sino akoโna para bang isang malaking paligsahan, nagpapasikat akitin ang mga manonood bitbit ang ekspektasyon ng mundo.
"Siya dapat ang paliging mahusay" kinulong ako sa sistema na "Siya dapat ang laging una." Higit pa 'ko sa "Pwede na" o "Sakto lang" Na may mas lalalim pa sa paghaplos ng mga pirasong salamin sa bokabularyo at taktika sa mga bagay kung saan ako magalingโmapa sining, akademiko, o pagsusulat ng mga piyesang gumuguhit na parang patalim sa aking mga braso.
Isang sinag sa gitna ng bawat lamat, na walang gustong humawak, umalalay, takot silang masugatan, isang salamin ng marupok na kalagayan ng sariling ilang ulit nang nabasag. Kailan ba nila mapapansin na matagal na 'kong patay?
Lagi na lang para sa manonood, kailangan kong maging magaling para humanga sila sa akin, tulad sa akedemiko, kurso, at trabaho.
Hindi na tungkol sa pag-abot sa aking gusto, tila gusto ko na lang ata maabot para makita ng lahat na nakuha ko. Ngunit sino ang aalalay sa basag na piyesa? Sana sa susunod, para sa akin naman. Hindi na para sa madla. Hindi na para sa kanila.
Hindi ko inaasam ang maging isang perpekto, ngunit sa perspektibo nila ako dapat ang nauuna, hindi nila pwedeng makita ang bawat sugat at hiwa sa bawat maling nakikita ko sa tuwing haharap ako sa salamin;
Yung buong salamin na nakasabit sa dingding. Kundi yung mga nakakalat sa sahig. Matalas. Delikado. At higit sa lahat, naiwanan.
๐๐ฏ๐ฐ ๐ข๐ฏ๐จ ๐ฎ๐ข๐จ๐ช๐จ๐ช๐ฏ๐จ ๐ณ๐ฆ๐ข๐ฌ๐ด๐บ๐ฐ๐ฏ ๐ฏ๐ช๐ญ๐ข ๐ฌ๐ถ๐ฏ๐จ ๐ด๐ข๐ฃ๐ช๐ฉ๐ช๐ฏ ๐ฌ๐ฐ๐ฏ๐จ ๐ฉ๐ช๐ฏ๐ฅ๐ช ๐ฌ๐ฐ ๐ข๐ญ๐ข๐ฎ ๐ข๐ฏ๐จ ๐ต๐ช๐ฏ๐ข๐ต๐ข๐ฉ๐ข๐ฌ ๐ฌ๐ฐ? ๐๐ข๐ฏ๐จ๐จ๐ข๐ฏ๐จ ๐ด๐ข๐ข๐ฏ ๐ข๐ฌ๐ฐ ๐ฅ๐ข๐ฅ๐ข๐ญ๐ฉ๐ช๐ฏ ๐ฌ๐ถ๐ฏ๐จ ๐ข๐ฏ๐จ ๐ฑ๐ข๐ฎ๐ข๐ฏ๐ต๐ข๐บ๐ข๐ฏ ๐ฏ๐ช๐ญ๐ข ๐ข๐ฏ๐จ ๐ญ๐ข๐จ๐ช ๐ฌ๐ฐ๐ฏ๐จ ๐ฃ๐ช๐ต๐ฃ๐ช๐ต ๐ข๐ต ๐ช๐ฏ๐ข๐ข๐ฃ๐ฐ๐ต ๐ข๐ต ๐ฉ๐ช๐ฏ๐ฅ๐ช ๐ข๐ฏ๐จ ๐ฌ๐ข๐จ๐ถ๐ด๐ต๐ถ๐ฉ๐ข๐ฏ ๐ฏ๐จ ๐ฑ๐ถ๐ด๐ฐ ๐ฌ๐ฐ?
Nawa'y maging marahan sana sa pagpulot sa bawat piraso ng aking bubog, dahil ngayon ay hindi ko pa talaga nadidiskubre kung ano ang gusto ko. Kaakibat ng mga bubog ang mga bagay na pinagdaanan at bumubuo sa'kin, tanging pagtanggap ang daan upang mag hilom ang mga sugat.
Sana sa susunod na pagtingin ko sa salamin, hindi na matakot na mabigo ang iba, makita sana ang halaga sa bawat piraso, sana sa susunod na pagtingin ko sa mga bubog nawa'y makayanang matanggap, pagmasdan, at mapagtantong hindi ako mahirap mahalin kagaya ng ilan.
Dibuho ni | Earl Hacey Anas
Isinulat ni | Art Eugene Santos
Isinaayos ni | Sidney Anne Sales
