DTODA

02/09/2026

DTODA Serve Beyond Your Expectations!

31/08/2026

Happy 8th Founding Anniversary DTODA Team!

14/08/2026

Be strong enough to stand, but humble enough to kneel. Strength gives us courage; humility keeps our hearts close to God.

Maayong Buntag ka DTODA!🙏🛺🛺

02/07/2026

Maski unsa ug unsa pa kataas imong ang-ang sa kinabuhi, ayaw tamayi ug kaminusi Ang mga driver. Kay sinati nila Ang matag adlaw nga realidad sa pagpaningkamot sa pagbyahi Aron mabuhi og mapakaon ang pamilya.

02/07/2026

Ang mga opisyal sa Damilag Tricab Operators Driver Association (DTODA) nagpahigayon og emergency meeting kabahin sa programang panginabuhian nga gisugyot sa buhatan sa PESO Manolo Fortich ug Department of Labor and Employment (DOLE) Provincial Office.

Ang asosasyon dako og kalipay ug pasalamat sa dakong pagduyog ug suporta ni Mayor Rogelio N. Quiño sa paghatag og importansya sa mga non-formal sector nga accredited sa Civil Society Organization (CSO) ubos sa Sangguniang Bayan, nga gipangulohan ni Vice Mayor Bojun Bagayas Jr., uban sa suporta ni SB Transport Committee Head Konsehal Eddie Dagulay.

Dakong kalipay ug garbo sa mga yanong sektor sa transportasyon ang paghatag og bili sa mga tumong ug tinguha sa DTODA.

Daghang salamat! Basta tatak DTODA — Disiplinado!

👊🧡💚🙏🛺

17/06/2026

IN PHOTOS | Pagdonar og Upat ka “No Parking” Signage sa Damilag Integrated School

Nagpakita og suporta sa kaluwasan ug hapsay nga transportasyon ang Damilag Tricab Operators Drivers Association (DTODA) nga gipanguluhan ni Pres. Ramon S. Tan Jr pinaagi sa pagdonar og “No Parking” Signage Project sa Damilag Integrated School (DIS) nga gipangulohan ni Ms. Evangeline T. Gamali-DIS Elementary Principal, uban sa panagtimbayayong sa Manolo Fortich Road and Traffic Administration (MFRTA) ug sa Damilag Integrated School Parents-Teachers Association (DIS-PTA) Pres Rezele Restificar.

Isip usa ka accredited Civic Society Organization (CSO) sa Local Government Unit sa Manolo Fortich, nagpadayon ang DTODA sa pagpakita sa ilang suporta alang sa hapsay ug organisadong sistema sa pagpamasahero, ilabina sa mga pick-up ug drop-off areas sa Damilag Integrated School aron masiguro ang kaluwasan ug kahapsay sa mga estudyante, ginikanan, ug mga motorista.

Kining inisyatiba usa ka maayong ehemplo sa bayanihan ug panaghiusa sa komunidad, diin ang mga transport groups, eskwelahan, ug lokal nga panggamhanan nagtinabangay alang sa kaayohan sa publiko ug sa mas luwas nga palibot sa mga kabataan.

31/05/2026

28/05/2026

Mr. Chair, hinaot nga mapasabut ug malamdagan ang katawhan kabahin aning Seksyon 24 tali seksyon 36 nga diskursi sa senado aron masabtan sa yanong Filipino ang tinuod nga katuyoan ug implikasyon niini.

Ang ordinaryong katawhan usahay napugos sa pagpangita og paagi aron masuportahan ang adlaw-adlaw nga panginahanglan sa pamilya—sama sa pagpalit og gatas ug bugas—apan importante nga atong tan-awon ang mas lawom nga kahimtang nga ilang giatubang.

Hinaot nga tukion ug debatihan ang mga polisiya ug lakang nga makatabang sa pagkunhod sa kriminalidad ug problema sa droga, pagpamenos sa pagsaka sa presyo sa mga batakang panaliton, paghatag og daghang oportunidad sa trabaho, pagpalig-on sa edukasyon ug serbisyo sa panglawas, paghatag og maayong kita sa sektor sa agrikultura, ug pagsiguro sa hapsay ug angay nga transportasyon alang sa atong kabos ug ordinaryong katawhan.

Ang tinuod nga diskurso kinahanglan magpunting sa mga isyu nga direktang makaapekto sa kinabuhi ug kaayohan sa katawhan.