05/10/2026
OCTOBER 5, 2026 | POST MONITORING ACTIVITY π
Isang makabuluhang araw ang naging bahagi ng aming Post Monitoring Activity ngayong araw, kung saan binisita at minonitor tayo ng mga kinatawan ng DSWD, sina Sir Malcolm at Maβam Rancy, kasama ang mga staff ng MSWD.
Sa kanilang pagbisita, kanilang sinuri at nakita mismo ang kalagayan ng aming Bantay Lawa, Alagang Binhi Community Garden, pati na rin ang aming mga inaalagaang isda. Naging pagkakataon din ito upang maibahagi namin ang aming mga karanasan, naging progreso, at mga natutuhan sa pagpapatuloy ng aming mga programa.
Nagkaroon din ng masayang talakayan at pagpupulong, kung saan nagsagawa kami ng isang activity na kinailangang sagutin ang iba't ibang katanungan. Masaya at aktibo kaming nakilahok, nagbahagi ng kanya-kanyang opinyon, karanasan, at pananaw. Sa bawat tanong at sagot, may bagong kaalaman at aral na aming natutuhan.
Bagamaβt may ilan sa aming mga kasamahan na hindi na gaanong aktibo ngayon dahil mayroon nang kanya-kanyang pinagkakaabalahan, nakatutuwang makita na marami pa rin ang kusang bumabalik, dumadalaw, at patuloy na nagmamalasakit sa aming lawa at hardin.
Hindi man laging kumpleto ang aming samahan, hindi nawawala ang diwa ng pagkakaisa at malasakit.
Patuloy naming aalagaan ang Bantay Lawa at Alagang Binhi Community Garden, at ipagpapatuloy ang magandang nasimulan, dahil ang isang maliit na hakbang na sama-sama nating pinangangalagaan ngayon ay maaaring maging malaking pagbabago para sa ating komunidad bukas.
Maraming salamat po sa DSWD at MSWD sa patuloy na pagbisita, paggabay, at suporta.
Sama-sama nating alagaan ang ating lawa, palaguin ang ating hardin, at patuloy na pagyamanin ang ating komunidad. ππ«°
π
