Parika Kalye Sining

25/02/2026

Sa pagitan ng Mount Makiling at Mount Makulot, may mga pamilyang pinipiling bumalik sa lupa—hindi bilang pag-atras kundi bilang mas malalim na anyo ng pag-unlad. Sa panahong ang sukatan ng tagumpay ay bilis at kita, ang tunay na rebolusyon ay ang pagbagal: ang paghawak sa lupa, ang pakikinig sa hangin, at ang muling paglalapit ng pamilya sa isa’t isa.

Sa loob ng 16 na taon ng pagsasama nina Tsong at Tsang, pinatunayan nilang ang pag-ibig ay hindi lamang damdamin kundi disiplina—isang araw-araw na pagpiling magtulungan, magtanim, at magtaguyod ng tahanang nakaugat sa kalikasan. Ang kanilang kuwento ay hindi engrande, ngunit makabuluhan: isang paalala na ang pamilya ang unang espasyo ng sining at paghubog ng kamalayan.

Ang pagkonekta sa lupa ay hindi lamang gawaing pisikal; ito ay espiritwal na pagbabalik. Kapag ang kamay ay marunong maghintay sa ani, ang puso ay natutong magtiwala sa proseso. Kapag ang paa ay nakatapak sa lupa, ang isip ay natutong maging payapa. Sa ganitong ugnayan, ang kalikasan ay hindi na background ng buhay kundi katuwang sa paghubog ng pagkatao.

Sa pagdiriwang ng National Arts Month, mahalagang kilalanin na ang sining ay hindi lang nasa entablado o galeriya. Ito ay nasa paraan ng pamumuhay—sa paglikha ng tahanan, sa pag-aaruga ng pamilya, at sa pagprotekta sa kalikasan. Ang 16 na taong pagsasama nina Tsong at Tsang ay patunay na ang pinakamatibay na obra ay yaong tahimik na hinuhubog araw-araw.

Sa huli, ang tunay na pag-unlad ay hindi lamang pataas; minsan ito ay pabalik sa ugat. At sa pagbabalik na ito, natutuklasan natin na ang pinakamalalim na sining ay ang sining ng pamumuhay nang may malasakit—sa lupa, sa pamilya, at sa kalikasan.

| Stories of local artists shaping culture from the ground up.
Editor: Gio Viesca Ojeda ()
Videographer: Franz Arabit (.franz.a)

15/02/2026

03/01/2026

Art Dispensary: Identity

Sa likod ng bawat obra, may pinanggalingang kuwento—mga tahimik na simula, mga gabing puno ng duda, at mga araw na sining lang ang sandalan. Sa Art Dispensary, nagtagpo ang mga tinig ng manlilikha upang pag-usapan kung paano sila nagsimula, paano naging lunas ang sining, at bakit patuloy pa rin silang lumilikha sa kabila ng pagod at ingay ng mundo.

Sa mga panayam, lumitaw na ang sining ay hindi lang likha—isa itong pangangailangan. Para sa ilan, ito ang paraan para mabuhay; para sa iba, ito ang paraan para maghilom, magtanong, at magbigay saysay. May mga personal na mensahe ang bawat artista: huwag tumigil, huwag matakot, at patuloy na ipaglaban ang sariling boses.

Ngayong bagong taon, nawa’y manariwa ang apoy ng bawat TagaLikha. Na sa bawat guhit, tunog, at galaw, maalala natin kung bakit tayo nagsimula—at kung kanino tayo lumilikha.

At bilang pagtatapos at pagdiriwang, inaanyayahan ang komunidad sa close party ng “SPARK” Art Exhibition ng Art Dispensary bukas, January 4, 2026, sa Reflux Cafe, Morong, Rizal. Isang gabi ng salu-salo, sining, at pagkilala sa apoy na patuloy na nagniningas sa bawat manlilikha.

Kitakits. Dalhin ang kwento. Dalhin ang apoy.
| Stories of local artists shaping culture from the ground up.
Editor: Gio Viesca Ojeda ()
Story Curator: Emman Pangan ()
Videographer: Franz Arabit (.franz.a)

13/12/2025

Sobrang solid ng mga hits sa day 1! — kaya sa day 2 sunday vibes tayo with DJ Well samahan pa ng acoustic session ng Early Harvest at Live Art ni Raul Lacanilao🎨

Parika na, Kitahits!

12/12/2025

“Kitahits” — mula sa salitang kitakits, pero iniba. Ginawang mas kanto, mas komunidad, at mas tumatama — hits ng musika, hits ng ukay, hits ng art, hits ng koneksyon.

Inaanyayahan ka naming makisama sa dalawang araw ng pagtitipon, kulitan, at balikan ng enerhiya. Dito nagtatagpo ang lahat.

Sama ka? Parika na, Kitahits!

11/12/2025

Wag kang magpapa huli! —dahil magsasama sama ulit ang tropa kasabay ng musika at sining! parika na kitahits!

12.13-14.2025