https://www.facebook.com/316141424923732/

Kabataang may Galing at Epektibong Lingkod

Home
Philippines
Binãn
Kabataang may Galing at Epektibong Lingkod

Ang opisyal na page ng Kabataang may Galing at Epektibong Lingkod (KGEL)

07/06/2026

𝗧𝗛𝗘 𝗞𝗚𝗘𝗟 𝗧𝗜𝗠𝗕𝗔𝗢
𝗞𝗞 𝗣𝗥𝗢𝗙𝗜𝗟𝗜𝗡𝗚 𝟮𝟬𝟮𝟲

Buong siglang nakiisa ang KGEL Timbao sa isinagawang KK Profiling 2026 bilang bahagi ng patuloy na pagsuporta sa pagbuo ng mas organisado, aktibo, at responsableng sektor ng kabataan.

Sa pamamagitan ng gawaing ito, mas napapalalim ang pagkilala sa bawat Kabataang Kabarangay ang kanilang kakayahan, interes, at potensyal na magsisilbing gabay sa pagbuo ng mga programang tunay na makatutugon sa kanilang mga pangangailangan at pag-unlad.

Patunay ito na ang KGEL Timbao ay handang makiisa at maging katuwang sa mga inisyatibong naglalayong hubugin ang kinabukasan ng kabataan. Sama-sama nating isulong ang isang komunidad na may pagkakaisa, malasakit, at aktibong partisipasyon ng bawat kabataan. 🩷

�

05/06/2026

𝗧𝗛𝗘 𝗞𝗚𝗘𝗟 𝗦𝗧𝗢. 𝗡𝗜ÑO
𝗛𝗔𝗣𝗣𝗘𝗡𝗜𝗡𝗚 𝗡𝗢𝗪! | 𝗥𝗘𝗣𝗔𝗖𝗞𝗜𝗡𝗚 𝗙𝗢𝗥 𝗕𝗥𝗜𝗚𝗔𝗗𝗔 𝟮𝟬𝟮𝟲

Kasalukuyang nagsasagawa ng repacking ng mga school supplies ang KGEL Sto. Niño sa Barangay Session Hall bilang paghahanda para sa Brigada Eskwela 2026. Ang mga kagamitang ito ay ipagkakaloob sa Dr. Jose G. Tamayo Memorial Elementary School upang makatulong sa mga mag-aaral para sa nalalapit na pagbubukas ng klase.

Ang gawaing ito ay naisakatuparan sa tulong at suporta ng Sangguniang Kabataan ng Sto. Niño at ni Hon. SK Chairman Ed Andrei Mago, na patuloy na nagsusulong ng mga programang may positibong epekto para sa kabataan at komunidad.

Sama-sama para sa edukasyon, sama-sama para sa kinabukasan. 🩷

05/06/2026

‎𝗧𝗛𝗘 𝗞𝗚𝗘𝗟 𝗠𝗔𝗟𝗔𝗕𝗔𝗡
‎𝗠𝗔𝗟𝗔𝗕𝗔𝗡 𝗧𝗘𝗘𝗡 𝗖𝗘𝗡𝗧𝗘𝗥
‎
‎Binuksan na ang Malaban Teen Center! Isa ang KGel Malaban sa magiging katuwang ng SK Malaban at sa mga bumubuo sa buong Barangay Hall ng Malaban sa pagbabantay at magiging facilitator nito.
‎
‎Inaanyayahan ang lahat ng kabataang Manlalaban na bumisita rito. Bukas po ang center tuwing Office Hours, mula 8:00 AM hanggang 5:00 PM.
‎
‎Maraming indoor games na pwedeng paglibangan katulad na lamang ng billiards, Chess, at iba pa. Bukod dito, mayroon din po tayong free Wi-Fi para sa lahat at free printing para sa mga school assignments at projects ng mga estudyante.
‎
‎

04/06/2026

𝗧𝗛𝗘 𝗞𝗚𝗘𝗟 𝗦𝗧𝗢. 𝗗𝗢𝗠𝗜𝗡𝗚𝗢
𝗞𝗪𝗘𝗡𝗧𝗢 𝗔𝗧 𝗞𝗔𝗟𝗜𝗡𝗚𝗔 𝗣𝗥𝗢𝗝𝗘𝗖𝗧

Sa patuloy na pagsusulong ng mga programang may positibong epekto sa ating mga kabataan, matagumpay na isinagawa ang Kwento at Kalinga Project, isang inisyatibong naglalayong magbahagi ng kaalaman, inspirasyon, at malasakit sa komunidad.

Ang proyektong ito ay pinangunahan nina SK Kagawad Wesley Amoranto, SK Kagawad Mhicole Lacerna, SK Kagawad Nhix Anne Vega, at SK Kagawad Vina Pollescas, sa tulong at suporta ng ating Punong Barangay at ng buong Sangguniang Kabataan.

Maraming salamat sa lahat ng naging bahagi ng programang ito. Nawa’y patuloy tayong magtulungan sa paglikha ng mga programang nagbibigay inspirasyon, pag-asa, at kalinga sa ating mga kabataan. 🩷

03/06/2026

𝗧𝗛𝗘 𝗞𝗚𝗘𝗟 𝗖𝗔𝗡𝗟𝗔𝗟𝗔𝗬
𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲 | 𝗝𝗨𝗡𝗘 𝟯, 𝟮𝟬𝟮𝟲

Sa diwa ng bayanihan at pagkakaisa, buong pusong nakiisa ang KGEL Canlalay sa Brigada Eskwela 2026 bilang paghahanda sa nalalapit na pagbubukas ng panibagong taon ng pag-aaral.

Sa pamamagitan ng sama-samang paglilingkod, pagtutulungan, at boluntaryong pagkilos ng bawat isa, matagumpay nating naitaguyod ang isang malinis, ligtas, at masiglang kapaligiran na magsisilbing tahanan ng pagkatuto para sa ating mga mag-aaral.

Sama-sama para sa edukasyon, sama-sama para sa kinabukasan. 🩷

03/06/2026

𝗧𝗛𝗘 𝗞𝗚𝗘𝗟 𝗧𝗜𝗠𝗕𝗔𝗢
𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲

Sama-sama sa paglilingkod para sa mas maayos, malinis, at ligtas na paaralan!

Buong pusong nakiisa ang KGEL Timbao sa Brigada Eskwela 2026, katuwang ang paaralan at komunidad sa paghahanda para sa pagbubukas ng panibagong taon ng pag-aaral. Sa pamamagitan ng paglilinis, pag-aayos, at boluntaryong pagtulong, ipinakita ng ating mga kabataan ang diwa ng bayanihan at malasakit sa edukasyon.

Ang bawat oras, pawis, at serbisyong inialay ay hakbang tungo sa mas magandang kinabukasan para sa ating mga mag-aaral. 🩷

02/06/2026

𝗧𝗛𝗘 𝗞𝗚𝗘𝗟 𝗠𝗔𝗟𝗔𝗕𝗔𝗡
‎𝗜𝗡𝗧𝗘𝗥𝗭𝗢𝗡𝗘 𝗟𝗘𝗔𝗚𝗨𝗘 𝗕𝗕𝗔𝗟𝗟 𝗖𝗛𝗔𝗠𝗣𝗜𝗢𝗡𝗦𝗛𝗜𝗣 | 𝗠𝗔𝗬 𝟯𝟬, 𝟮𝟬𝟮𝟲
‎
‎Nakiisa ang KGel Malaban sa championship ng Interzone Leauge Basketball na ginanap noong May 30, 2026. Namahagi ng free popcorn at juice sa mga manonood.
‎
‎Bukod sa kapana-panabik na mga tapatan sa court, mas naging masaya at buhay na buhay ang paligid dahil sa mga ngiti at suporta ng mga manonood! Layunin ng KGel Malaban na hindi lamang maghatid ng meryenda, kundi ang maging kabahagi sa pagkakaisa, pagpapalaganap ng sportsmanship, at pagpapatatag ng samahan ng kabataan sa ating komunidad.
‎
‎Isang malaking pagbati sa lahat ng mga koponang naglaro at nagpakita ng galing! Hanggang sa susunod na palaro, laging susuporta ang KGel Malaban! 🏀🩷
‎
‎

02/06/2026

𝗧𝗛𝗘 𝗞𝗚𝗘𝗟 𝗠𝗔𝗟𝗔𝗠𝗜𝗚
𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲 | 𝗝𝗨𝗡𝗘 𝟭, 𝟮𝟬𝟮𝟲

Nakibahagi ang KGEL Malamig sa Opening Program ng Brigada Eskwela 2026 sa Our Lady of Lourdes Elementary School bilang suporta sa paghahanda ng paaralan para sa nalalapit na pagbubukas ng klase.

Sa pamamagitan ng volunteerism at bayanihan, tumulong ang ating mga kabataan sa paglilinis ng paligid ng paaralan, pagwawalis sa mga hardin, pagmomop ng mga silid-aralan, at pagbubuhat ng mga kagamitan.

Patuloy na pinatutunayan ng KGEL na ang kabataan ay handang maglingkod at makibahagi sa mga programang naglalayong magkaroon ng malinis, ligtas, at maayos na kapaligiran para sa lahat ng mag-aaral. 🩷

01/06/2026

𝗞𝗔𝗕𝗔𝗧𝗔𝗔𝗡𝗚 𝗠𝗔𝗬 𝗚𝗔𝗟𝗜𝗡𝗚 𝗔𝗧 𝗘𝗣𝗘𝗞𝗧𝗜𝗕𝗢𝗡𝗚 𝗟𝗜𝗡𝗚𝗞𝗢𝗗

Sa mga nakaraang araw, muling naging mainit na usapin sa social media ang isang mahalagang isyu sa ating bansa:

"Are you in favor of abolishing the Sangguniang Kabataan in the Philippines?"

Kaugnay nito, kinapanayam ng Kabataang may Galing at Epektibong Lingkod (KGEL) ang ilan sa kanilang mga top coordinators upang marinig ang kanilang mga pananaw hinggil sa nasabing usapin.

Panglima sa ating mga nagbahagi ng opinyon si George Glen H. Obiaa, Coordinator ng KGEL Sto. Domingo, ukol sa isyung ito.

Abangan pa ang iba pang mga sagot at pananaw mula sa mga boses ng kabataang Biñanense. 🩷

31/05/2026

𝗣𝗥𝗜𝗗𝗘 𝗠𝗢𝗡𝗧𝗛 𝟮𝟬𝟮𝟲 | 𝗕𝗨𝗪𝗔𝗡 𝗡𝗚 𝗠𝗔𝗞𝗨𝗟𝗔𝗬 𝗡𝗔 𝗕𝗔𝗛𝗔𝗚𝗛𝗔𝗥𝗜 🌈

Ngayong buwan ng Hunyo, nakikiisa ang Kabataang may Galing at Epektibong Lingkod (KGEL) sa pagdiriwang ng Pride Month 2026.

Ang Pride ay hindi lamang pagdiriwang ng pagkakaiba-iba, kundi isang paalala ng patuloy na pagsusulong ng pagkakapantay-pantay, pagtanggap, at paggalang sa karapatan ng bawat isa. Isa rin itong anyo ng protesta upang matiyak na ang bawat boses ay naririnig, ang bawat pagkakakilanlan ay kinikilala, at ang bawat tao ay nabibigyan ng pantay na oportunidad sa lipunan.

Patuloy nating ipaglaban ang isang komunidad na ligtas, inklusibo, at may pagmamahal para sa lahat. 🏳️‍🌈

Address

Binãn
4024

Website

facebook.com

Alerts

Be the first to know and let us send you an email when Kabataang may Galing at Epektibong Lingkod posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Binãn?

Kabataang may Galing at Epektibong Lingkod

07/06/2026

05/06/2026

05/06/2026

04/06/2026

03/06/2026

03/06/2026

02/06/2026

02/06/2026

01/06/2026

31/05/2026

Address

Website

Alerts

Shortcuts

Share

Category