29/09/2025
Maraming Salamat, Lyceum of Southern Luzon, Inc.-San Luis Campus, sa mainit, makulay, at taos-pusong pagtanggap sa Ala Prima Batangan Artists Group bilang bahagi ng pagdiriwang ng inyong Ika-2 Anibersaryo ng Pagkakatatag.
Isang malaking karangalan para sa amin ang maging kabahagi ng selebrasyong ito na nagpapakita ng mataas na pagpapahalaga sa sining, kultura, at malikhaing pagpapahayag. Muli, binabati namin ang mga mag-aaral, g**o, at kawani na aktibong nakibahagi sa programa, salamat sa inyong bukas na pusoโt isipan sa pagtanggap at pakikinig sa iba't ibang kuwento ng sining, inspirasyon, at paglikha.
Sa pangunguna ni Mr. Joseph Albao bilang mentor sa paglikha ng mga obra gamit ang oil pastel on felt paper, matagumpay na naipamalas ng mga kalahok ang kanilang husay at imahinasyon sa sining. Isa itong patunay na sa tamang paggabay, mas nahuhubog ang likas na talento ng kabataan.
Ibinahagi rin ni Bernadette Bagsit ang kanyang makabuluhang karanasan bilang isang artist at leader, kung saan kanyang tinalakay kung paano niya ginagamit ang sining bilang plataporma para sa pagpapahayag, pakikiisa, at pagbibigay-inspirasyon sa kapwa kabataan. Ang kanyang kwento ay naging inspirasyon sa marami, lalo na sa mga nagnanais na tahakin ang landas ng sining at pamumuno.
Nawaโy magsilbing simula ito ng mas marami pang kolaborasyon at proyekto na magpapalalim sa pagpapahalaga sa sining at kulturang Pilipino.
Mabuhay ang sining! Mabuhay ang kabataang Pilipino! Mabuhay ang Lyceum of Southern Luzon โ San Luis Campus!
