PCY - Diocesan Shrine and Parish of St. Augustine, Baliwag City

15/09/2026

MALIGAYANG KAARAWAN, PADRE JP!

Hindi kami maswerteng magkaroon ng isang makadiwang patnugot na tulad ninyo kung 'di, tunay kaming pinagpala na kayo ang ipinagkaloob sa amin.

Salamat po sa pagiging isang mabuting kaibigan, tagapayo, at gabay sa aming paglalakbay bilang mga Kabataang Agustino. Sa bawat pakikinig, payo, at simpleng pagpapakita ng suporta, nararamdaman naming hindi kami nag-iisa sa aming paglilingkod.

At syempre, hindi mawawala ang pagbati para sa aming pinakabatang pari at certified handsome spiritual director! 😎✨

Nawa’y patuloy kayong pagkalooban ng Panginoon ng lakas, saya, at karunungan. Nawa’y marami pa kayong kabataang maakay at magabayan tungo sa mas malalim na pananampalataya.

Muli, maligayang kaarawan, Fr. JP! Salamat po sa pagiging biyaya sa aming buhay. Mahal kayo ng inyong Kabataang Agustino! 🥳💚

14/09/2026

YOUTH MASS | September 13, 2026

Noong Linggo, ika-13 ng Setyembre 2026, ay isinagawa ang Youth Mass sa ganap na ika-10:00 nang umaga na pinangunahan ni Rdo. P. John Paolo Tolentino at dinaluhan ng mga kabataan ng ating parokya.

Naglingkod sa Banal na Misa bilang ushers and usherettes ang mga kasapi ng YAF - DSPSA Chapter kasama ang ating mga kabataang kasapi ng DSPSA - Saint Augustine Lectors and Commentators Ministry, Diocesan Shrine and Parish of Saint Augustine Scholar Council, at Ministry of Altar Servers - Diocesan Shrine and Parish of Saint Augustine.

Sa bawat Banal na Misa, tayo ay muling tinatawag na lumapit, makinig, makiisa, at makatagpo si Kristo. At sa bawat paglilingkod, isinasabuhay natin ang pananampalatayang ating ipinagdiriwang sa altar. Sapagkat ang tunay na paglilingkod ay hindi lamang tungkol sa ginagawa natin para sa Simbahan, kundi sa pusong iniaalay natin kay Kristo at sa Kanyang sambayanan.

Nawa’y ang bawat kabataang Agustino ay patuloy na makatagpo si Kristo sa Banal na Misa at maging instrumento ng Kanyang pagmamahal sa paglilingkod. Sapagkat mula sa altar, tayo ay isinusugo upang maglingkod.

13/09/2026

YOUTH MASS PARTICIPATION SEMINAR

Kasabay ng muling pagbabalik ng Youth Mass, lalo nating pinalalim ang kahalagahan ng aktibong pakikilahok sa misa. Pinangunahan ito ni Bro. Kailoh Christopher Ligon, kung saan ibinahagi at hinimay-himay ang mga dapat isinasagawa sa misa at kung bakit ito ginagawa. Nagbigay din siya ng kaalaman tungkol sa buhay ng ating Mahal na Patrong San Agustin na bilang kabataang Agustino ay mahalagang iayon natin ang ating paglilingkod katulad ng buhay ni San Agustin.

Isang naging makabuluhang talakayan ang ating naisagawa kasama ang pangunang pagpapaliwanag ni Bro. Manny Pagaduan tungkol sa eukaristiya bilang mahalagang bahagi ng Banal na Misa. Nagsilbi itong pundasyon at introduksyon sa ginanap na seminar, kung saan nagkaroon ng ideya ang bawat isa kung ano ba ang eukaristiya.

Taos pusong pasasalamat po sa bawat isa na nakiisa sa talakayang ito, nawa'y ang ating mga natutunan ay patuloy nating baunin at isagawa tuwing tayo ay dadalo sa Banal na Misa. Maging buhay na saksi nawa tayo ng mabuting balita ng Panginoon at patuloy na maging daluyan ng kanyang biyaya.

11/09/2026

Maligayang Kaarawan, Padre Francis!💙🎂

Sa araw na ito, ipinagdiriwang namin hindi lamang ang inyong kaarawan, kundi ang regalong kayo sa aming mga kabataan. Sa inyong pagiging pari, naging higit pa kayo sa isang pastol kayo rin ay naging kaibigan, tagapayo, at gabay na laging handang makinig, umunawa, at magpaalala sa amin na patuloy na lumakad sa pananampalataya.

Ipinapakita ninyo sa amin na ang tunay na paglilingkod ay nagmumula sa pusong marunong magmahal, at ang pagmamahal ay higit na nagiging makabuluhan kapag iniaalay para sa kapwa.

Maraming salamat po sa inyong oras, payo, pang-unawa, at sa patuloy na paggabay sa aming mga kabataan. Nawa’y patuloy kayong pagkalooban ng Panginoon ng lakas, saya, at pusong laging handang magmahal at maglingkod.

Maligayang Kaarawan, Padre! Patuloy po kayong maging inspirasyon sa amin at pag alabin nawa kayo ng Panginoon kasama si San Agustin sa inyong pagmamahal sa paglilingkod.

11/09/2026

Sa gitna ng ingay at abala, minsan kailangan lang natin ng sandaling katahimikan.

Inaanyayahan ang lahat na makiisa sa Panalangin sa Gawi ng Taizé ngayong Biyernes, Setyembre 11, 6:30 PM sa Pandiyosesis na Dambana at Parokya ng San Agustin.

Tara, manahimik, manalangin, at magnilay kasama ang Panginoon. Hayaan nating mangusap siya sa atin. ❤️‍🔥

10/09/2026

🍌 Saging saging mangga mangga… teka… amoyyyy… 👀DYD 2026 NAAAAA!! 😭🔥
Mga kabataan, naririnig niyo ba? "We are drawn by the rhythms that beat through our hearts" "Masayang Kristiyano ang mga katoliko"

The wait is OVER. Ready na ba ang mga kabataan ng Diyosesis ng Malolos sa isang panibagong core memories of your layp?

Mark your calendars, ’cause YOU DO NOT WANT TO MISS THIS BESTIE!!!

05/09/2026

Bawat Linggo, may iba't-ibang hamon na hinaharap. May mga araw na tayo’y napapagod, nag-aalinlangan, at nakakalimutang huminto. Sa gitna ng lahat ng ito, patuloy tayong inaanyayahan ng Panginoon na maglaan ng oras upang manalangin, magnilay, at patatagin ang ating pananampalataya.

At ngayon, muling nagbabalik ang Youth Mass! Isang pagkakataon para sa ating mga Kabataang Agustino na sama-samang makiisa sa Banal na Misa, magnilay sa Salita ng Diyos, at patuloy na lumago sa pananampalataya bilang isang pamayanan.

Sa pagsisimula ng panibagong linggo, sama-sama nating ilaan ang oras na ito para sa Diyos upang humingi ng gabay at tulong sa haharaping panibagong Linggo.

📍 Diocesan Shrine and Parish of St. Augustine
🕙 Every Sunday | 10:00 AM

Masayang maglingkod kapag ikaw ang kasama. 💚

02/09/2026

02/09/2026

REQUIESCAT IN PACE

Ang buong Komisyon sa Kabataan ng Pandiyosesis na Dambana at Parokya ng San Agustin ay nagdadalamhati sa pamamaalam ng aming kapatid na si;

+ John Dave A. Geron

Isang Kabataang Agustino, kapatid sa paglilingkod, at kaibigan.

Masayang maglingkod kapag ikaw ang kasama. Sa bawat gawain, tawanan, at simpleng sandali ng paglilingkod, naging bahagi ka ng mga alaalang habang-buhay naming dadalhin.

Bilang mga kabataang tinuturuan ni San Agustin na magmahal at maglingkod nang may puso, nagpapasalamat kami sa Diyos sa biyaya ng iyong buhay at sa pagkakataong nakasama ka namin sa paglilingkod.

Hindi man namin nakikita ang iyong ngiti sa aming mga pagtitipon, mananatili kang kasama namin sa bawat panalangin. Patuloy ka naming isasama sa aming mga panalangin, John Dave. 🙏

Pahinga ka na sa piling ng Panginoon.
Hanggang sa muli, kapatid na Agustino. 🕊️🤍

“Magulo ang puso natin hanggang sa ito’y makasumpong ng kapahingahan sa Diyos.” — San Agustin

Kapayapaan kailanman ang igawad ng Maykapal sa iyo. Ikaw nawa ay silayan ng ilaw at liwanag na walang hanggan. Amen.

01/09/2026