29/04/2026
๐๐๐ซ๐ข๐ฅ ๐๐, ๐๐๐๐ | ๐๐ฌ๐ญ ๐๐ฎ๐๐ซ๐ญ๐๐ซ๐ฅ๐ฒ ๐๐๐๐ญ๐ข๐ง๐ ๐ง๐ ๐๐๐ซ๐๐ง๐ ๐๐ฒ ๐๐จ๐๐ฅ๐๐๐ข๐จ๐ง ๐ฉ๐๐ซ๐ ๐ฌ๐ ๐๐๐ซ๐๐ง๐ ๐๐ฒ-๐๐๐ฌ๐๐ ๐๐ง๐ฌ๐ญ๐ข๐ญ๐ฎ๐ญ๐ข๐จ๐ง๐ฌ
Matagumpay na naisagawa ng Barangay Poblacion ang kanilang 1st Quarterly Meeting ng mga Barangay-Based Institutions sa Barangay Poblacion Function Hall, na dinaluhan ng ibaโt ibang kinatawan mula sa lokal na pamahalaan, ahensya, at mga komite ng barangay.
Dumalo sa nasabing pagpupulong ang Municipal Planning and Development Office (MPDO) na kinatawan ni Engr. Edna Rapsing; ang Municipal Disaster Risk Reduction and Management Office (MDRRMO) sa pangunguna ni MDRRMO Head Mr. Danilo Ramirez; ang Baleno Municipal Police Station na kinatawan ni PSSg Jackielou Baarde; at ang Baleno Fire Station na kinatawan ni Officer-in-Charge SFO1 Eldrin Cadiz. Nakiisa rin ang mga kinatawan mula sa Baleno Rural Health Unit (RHU) at Municipal Environment and Natural Resources Office (MENRO).
Dumalo rin si Sangguniang Bayan Member, Hon. Mary Rose Salivio-Laurio, District Councilor na may sakop sa Barangay Poblacion.
Kasama rin sa pagpupulong ang ibaโt ibang komite ng barangay tulad ng Barangay Ecological Solid Waste Management Committee (BESWMC), Barangay Disaster Risk Reduction and Management Council (BDRRMC), Barangay Anti-Drug Abuse Council (BADAC), Barangay Council for the Protection of Children (BCPC), Barangay Health Board (BHB), Barangay Nutrition Council (BNC), at Barangay Peace and Order Committee (BPOC).
Sa kanyang talumpati, tinalakay ni SK Chairperson Hon. John Paul O. Morado ang tumataas na bilang ng maagang pagbubuntis sa kabataan. Binigyang-diin niya na patuloy ang pakikipagtulungan ng Sangguniang Kabataan at ng Barangay Council sa RHU, DOH, at iba pang ahensya ng pamahalaan upang magsagawa ng mga seminar at programang pang-edukasyon na layong maiwasan at mabawasan ang kaso ng teenage pregnancy sa komunidad.
Ipinahayag din niya ang mas pinaigting na pagpapatupad ng curfew hours para sa mga menor de edad, kung saan kinakailangang nasa loob ng kanilang tahanan ang mga ito mula alas-9 ng gabi hanggang alas-5 ng umaga.
Inilahad din ni Chairperson Morado ang ilan sa kanyang mga panukalang ordinansa, kabilang ang Barangay Poblacion Cash Incentives Program na naipasa na sa ikatlo at pinal na pagbasa ng Sangguniang Barangay. Layunin nitong magbigay ng insentibo sa mga mag-aaral na nagtamo ng honors sa Senior High School at sa mga makapagtatapos ng may parangal sa kolehiyo. Kabilang din sa mga benepisyaryo ang mga indibidwal na makapapasa sa mga pagsusulit tulad ng PRC licensure exams, Bar Examination, Civil Service Examination, at iba pang kahalintulad na pagsusulit.
Ipinakilala rin ang panukalang Free Barangay Certification Ordinance na naglalayong alisin ang bayarin sa mga barangay certification para sa mga estudyante, first-time job seekers, senior citizens, persons with disabilities, solo parents, at indigent na residente, bastaโt ito ay may kaugnayan sa kanilang pangunahing pangangailangan.
Bukod dito, tinalakay rin ang isang panukalang ordinansa na nagbabawal sa pagbebenta ng sigarilyo, e-cigarettes, at mga inuming may alkohol sa loob ng 100 metrong layo mula sa mga paaralan at tanggapan ng pamahalaan. Kasama rin dito ang pagbabawal sa paninigarilyo at pag-inom ng alak sa mga pampublikong lugar.
Ibinahagi rin ni SK Chairperson John Paul Morado ang Executive Order No. 14 na inilabas ni Punong Barangay Charmie Bello, na nagpapatibay sa SK Resolution No. 6, s. 2026. Nilalayon nito na ipagbawal sa mga tindahan ang pagbebenta ng sigarilyo, v**e, alak, at iba pang inuming may alkohol. Ang nasabing kautusan ay epektibo na mula pa noong Abril 13, 2026, at kasalukuyang ipinapaalam at ipinatutupad sa lahat ng mga establisyemento sa Poblacion, kabilang ang pagpapaalala sa mga kaukulang parusa para sa sinumang lalabag.
Nagtapos ang pagpupulong sa pagkakaisa ng lahat ng dumalo na patuloy na palakasin ang mga programa ng barangay, tiyakin ang kaligtasan ng komunidad, at itaguyod ang kapakanan ng mamamayan ng Barangay Poblacion.
