02/10/2026
BAKIT NGA BA MARAMING GALIT SA MGA NAKA-BIGBIKE?
Kapag may nakita kang bigbike sa kalsada, minsan may kasunod agad na stereotype:
“Mayabang.”
“Feeling hari ng kalsada.”
“Mabilis at singit nang singit.”
“Akala mo kanila ang daan.”
Hindi dahil bigbike ang motor, ibig sabihin mayabang na agad ang rider.
Pero aminin natin na may ilang riders na sumisira sa image ng buong community: overspeeding, singit nang singit, excessive revving, reckless riding at minsan, ROAD RAGE.
Kaya kapag may isang rider na gumawa ng mali, minsan lahat ng naka-bigbike nadadamay sa judgment.
Kamakailan lang, naging viral sa Cebu ang isang insidente kung saan isang grupo ng riders ang umano’y nanakit ng isang motorista matapos ang isang road incident. Patuloy na iniimbestigahan ang insidente, habang may mga video at motorcycle plates na nakuha ng mga awtoridad.
Pero hindi rin tama na i-generalize ang buong bigbike community dahil sa ginawa ng ilan.
Hindi nasusukat ang pagiging tunay na rider sa laki ng makina.
Nasusukat ito sa disiplina, respeto at kung paano ka makitungo sa kapwa road user.
Kaya kung ayaw nating matawag na mayabang o pasaway:
Ipakita natin sa kalsada na hindi lahat ng naka-bigbike ay ganoon.
Bigbike is a privilege.
Respect is a responsibility.
