Anak Ng Antipolo tungo sa Kaunlaran

04/04/2026

Sa pagdiriwang ng ika-28 na anibersaryo ng pagiging lungsod ng ating mahal na Antipolo, taos-puso kong binabati ang bawat Antipoleño.

Isang karangalan ang maging bahagi ng mga unang hakbang ng ating lungsod tungo sa pag-unlad, at patuloy kong ipinagmamalaki na matapos ang ating paglilingkod bilang kauna-unahang Punong Lungsod, higit pa sa inaasahan ang ating mga nagawa at naisakatuparan. Mula sa pagiging isang bayan na minsang hinamon ang kakayahang umunlad, ngayon ay kinikilala ang Antipolo bilang isa sa mga pinakaprogresibong lungsod sa buong Pilipinas.

Nawa’y magsilbi itong paalala ng ating mga pinagsamang tagumpay at maging inspirasyon sa patuloy na paghubog ng isang mas maunlad, maayos, at makabagong Antipolo para sa susunod na henerasyon.

Maligayang ika-28 anibersaryo, Antipolo!

27/03/2026

Pagbati sa lahat ng nagsipagtapos ngayong 2026!

Naniniwala ako na ang edukasyon ang pinakamahalagang pundasyon ng kinabukasan. Ito ang naging sandigan ko noong aking kabataan upang iahon ang aking sarili at itaguyod ang aking pamilya. Dahil dito, nagtagumpay ako bilang isang negosyante bago pumasok sa paglilingkod sa bayan, kaya ito rin ang naging sentro ng aking mga programa sa panahon ng aking panunungkulan.

Dalhin ninyo ang inyong mga natutunan at patuloy na magsikap. Ang tagumpay ninyo ngayon ay simula pa lamang ng mas maliwanag na kinabukasan.

21/03/2026

As we celebrate Eid’l Fitr and mark the end of Ramadan, I extend my warmest greetings to our Muslim brothers and sisters and to every family observing this occasion. Your devotion and discipline throughout this sacred season continue to inspire unity and compassion in our community. May your celebration be filled with joy, gratitude, and the blessings you truly deserve.

08/03/2026

Mula sa mga katangi-tanging kababaihan ng aming pamilya, binabati namin ang lahat ng Happy International Women's Day! Lalo na ang mga kababaihan ng Antipolo, patuloy kayong maging inspirasyon at lakas ng ating bayan. Nawa’y gabayan kayo ng Panginoon sa inyong mga sakripisyo at pagsusumikap sa buhay. 💜

04/03/2026

Ngayong National Women’s Month 2026, nais kong magbigay pugay sa lahat ng kababaihan na patuloy na nagbibigay lakas, inspirasyon, at direksyon sa ating mga pamilya at komunidad.

Bilang dating Punong Lungsod, buong puso nating sinuportahan ang sektor ng kababaihan mula sa mga programa para sa edukasyon, kabuhayan, at kalusugan, hanggang sa pagbibigay ng mas malakas na boses sa paggawa ng desisyon sa ating pamahalaan. Naniniwala ako noon at hanggang ngayon na ang tunay na pag-unlad ay nakakamit lamang kung walang naiiwan at lahat ay may pantay na pagkakataon.

Maraming salamat sa inyong tapang, malasakit, at walang sawang ambag sa paghubog ng mas makatarungan at inklusibong lipunan. Patuloy tayong magtulungan tungo sa isang bayang may paggalang, pagkakapantay-pantay, at pagkilala sa dignidad ng bawat isa.

Mabuhay ang kababaihan! 💜

01/03/2026

PAALALA SA ATING MGA KABABAYAN SA IKALAWANG DISTRITO NG ANTIPOLO:

Alinsunod sa Proklamasyon Blg. 1173 ng Malacañang, ang Marso 14, 2026 (Sabado) ay idineklarang Special Non-Working Holiday sa Ikalawang Distrito ng Lungsod ng Antipolo kaugnay ng gaganaping Special Elections para sa Kinatawan sa Mababang Kapulungan ng Kongreso (Congressman).

Saklaw nito ang mga sumusunod na barangay:
📍 Calawis
📍 Cupang
📍 Dalig
📍 Inarawan
📍 San Jose
📍 San Juan
📍 San Luis
📍 San Roque

Hinihikayat ang lahat ng rehistradong botante sa mga nabanggit na lugar na gamitin ang araw na ito upang makiisa at bumoto. Ang inyong boto ay mahalaga sa pagpili ng kinatawan ng ating distrito.

I-share ang paalalang ito upang maipabatid din sa iba.

25/02/2026

Today, I join the nation in commemorating the 40th anniversary of the EDSA People Power Revolution, a time when ordinary Filipinos chose to stand side by side for freedom and change. It was not about power or politics alone, but about people who believed that our country deserved better.

As we look back, may we carry the same strength and unity in how we serve, lead, and care for one another. The spirit of EDSA lives on whenever we choose what is right, even when it is difficult. 🇵🇭

25/02/2026