08/03/2026
KABABAIHAN, ANG LUGAR MO AY SA PAKIKIBAKA! ✊
Binabati namin ngayong araw, ika-8 ng Marso, ang lahat ng kababaihang Pilipino ng isang militante at mapulang Araw ng Kababaihang Anakpawis!
Sa kasalukuyan, ang mga kababaihan ang isa sa pumapasan ng hirap ng patuloy na nagtataasang bilihin. Ang 12% VAT at pagtaas ng presyo ng langis ang isang suliranin na patuloy ng binibitbit ng kababaihang anakpawis.
Sa kabila ng kalam ng sikmura at kahirapan, dumaranas pa ng patong na hirap ang mga kababaihan dulot ng karahasan laban sa kanila at sa mga bata (VAWC).
Tama na! Sobra na!
Babae ka, hindi babae lang!
Sa kasaysayan, ang tapang ng mga kababaihan ang nagbigay-kulay sa kasaysayan at pakikibaka ng lipunang Pilipino. Ang mga katulad ni Gabriela Silang, Lorena Barros at Liliosa Hilao ay mga inspirasyon sa lahat ng kabataang kababaihan na gampanan ang kanilang makasaysayang papel sa pagbabago ng lipunan.
Kababaihan, magkaisa! Manawagan para sa pagbabasura ng Value Added Tax at pagbaba ng presyo ng bilihin! Panagutin ang korap at pahirap na rehimeng Marcos Jr.!
ABANTE, BABAE!
PALABAN, MILITANTE!
