Tanggol Batangan

07/03/2026

PANININGIL SA LIMANG TAONG KAWALAN NG HUSTISYA SA BLOODY SUNDAY MASSACRE

Limang taon na ang nakalilipas noong Marso 7, 2021, nang mabulabog ang katahimikan ng madaling-araw sa Nasugbu, Batangas. Sa gitna ng pandemya, hindi virus kundi mga bala ng estado ang kumitil sa buhay nina Chai at Ariel Evangelista, mga masusugid na tagapagtanggol ng kalikasan at aktibong miyembro ng UMALPAS KA. Pinatay sila sa harap mismo ng kanilang sampung taong gulang na anak. Ang karahasang ito ay hindi isang aksidente; ito ay bahagi ng koordinadong Bloody Sunday Massacre (BSM) na kumitil sa buhay ng siyam na indibidwal sa buong rehiyon. Ngayong 2026, ang sugat ng Batangas ay nananatiling sariwa, at ang sigaw para sa katarungan ay mas matunog kaysa sa anupamang panahon.

Ang kasalukuyang confirmation of charges hearing sa International Criminal Court (ICC) laban kay dating Pangulong Rodrigo Duterte ay isang makasaysayang pagkakataon upang basagin ang pader ng kawalan ng pananagutan o impunidad. Ang lohika ng "war on drugs" na pumatay sa libo-libong maralita ay ang parehong lohika na ginamit upang ituring na kaaway ang mga lider-masa sa Batangas. Ang klima ng impunidad na nilikha ni Duterte ang nagbigay-lisensya sa mga operatiba na pasukin ang mga tahanan at pumatay nang walang pakundangan. Ang hearing na ito ay hindi lamang simboliko; ito ay pormal na pagkilala na ang mga pagpatay nina Chai at Ariel ay bahagi ng crimes against humanity. Patunay ito na ang boses ng mga naulila sa Batangas ay umabot na sa pandaigdigang hukuman.

Gayunpaman, ang paniningil ay hindi nagtatapos sa nagdaang rehimen. Mariing naming ginigiit ang pananagutan nina Pangulong Marcos Jr., Bise Presidente Sara Duterte, dating Pangulong Rodrigo Duterte, Ombudsman Secretary Boying Remulla, at Lt. Col. Lito Patay. Sila ang itinuturing na mga arkitekto at responsable sa patuloy na pagharang sa katarungan para sa mga biktima ng Bloody Sunday Massacre.

Matapos ang malagim na masaker, lalong tumitindi ang pasismo sa Batangas sa ilalim ng Task Force Ugnay at NTF-ELCAC. Ang 59th Infantry Battalion ay nananatiling makinarya ng panunupil sa probinsya, na gumagamit ng red-tagging at militarisasyon bago ang tuluyang pagpaslang. Ito ang hulmang pumatay kina Chai at Ariel, at ito rin ang lohikang ginagamit ngayon upang gipitin ang mga buhay pang lider-masa. Mariing kinukundena ang mapanirang rekomendasyon na ideklarang Persona Non Grata ang mga progresibong lider gaya nina Jeverlyn Seguin, Jpeg Garcia, Paolo Tarra, at Aries Soledad. Ang pag-target sa kanila—gaya ng pagtutok ng baril kay Seguin sa Balayan at ang gawa-gawang kaso laban kay Garcia matapos ilantad ang pagpaslang sa batang si Kylene Casao—ay malinaw na paghahanda para sa mas matinding karahasan. Ang Task Force Ugnay at NTF-ELCAC ang tunay na Persona Non Grata sa Batangas at sa buong Timog Katagalugan.

Hindi titigil ang mamamayan ng Batangas hangga't hindi nakakamit ang tunay na katarungan. Ang ebidensya ng malawakan at sistematikong pag-atake sa mga sibilyan ay malinaw at hindi dapat matabunan ng anumang politikal na pressure. Hinihimok namin ang ICC na pumanig sa mga biktima at kumpirmahin ang mga sakdal upang ituloy ang paglilitis laban kay Rodrigo Duterte. Ang hustisya ay hindi dapat huminto sa mga trigger-men lamang; dapat managot ang buong chain of command na nag-utos at nagpondo sa Bloody Sunday. Dapat ding managot si Marcos Jr. sa pagpapatuloy at pagpapalakas ng pasistang makinaryang ito sa halip na tugunan ang kahirapan at kawalan ng lupa.

Binibigyang-diin namin na sa tanging pagkakaisa ng bawat isa lamang makakamit ang tunay na hustisya. Ang hearing na ito ay simula pa lamang ng isang malaking paniningil. Mula sa mga dalampasigan ng Nasugbu hanggang sa bulwagan ng ICC sa The Hague, ang panawagan ay iisa: Panagutin si Duterte at ang mga kasapakat nito!

HUSTISYA PARA KINA CHAI AT ARIEL EVANGELISTA!
HUSTISYA PARA SA LAHAT NG BIKTIMA NG BLOODY SUNDAY!

05/03/2026

Task Force Ugnay at NTF ELCAC ang tunay na Persona Non Grata sa Batangas at buong Timog Katagalugan Militar sa mga komunidad palayasin

Mariing kinukundena ng Tanggol Batangan ang mapanirang rekomendasyon ng Armed Forces of the Philippines sa pamamagitan ng Task Force Ugnay katuwang ang National Task Force to End Local Communist Armed Conflict na ideklarang Persona Non Grata ang mga progresibong lider masa kabilang si Jeverlyn Seguin John Peter Angelo Jpeg Garcia Paolo Tarra at Aries Soledad.

Hindi ito simpleng resolusyon. Ito ay bahagi ng malinaw at sistematikong pattern ng pasismo at kriminalisasyon laban sa mga mamamayang lumalaban. Nagsisimula sa red tagging at paninira. Sinusundan ng gawa gawang kaso at ligal na panggigipit. Pinatitindi ng militarisasyon sa mga komunidad at tahasang pananakot. At kapag hindi napigilan ang ganitong eskalasyon ang dulo nito ay pagpatay.

Sa Batangas lantad ang hulmang ito. Si Jeverlyn Seguin ay tinutukan ng baril ng militar habang nagsasagawa ng pananaliksik sa Balayan. Si Jpeg Garcia naman ay kinasuhan sa ilalim ng Anti Terrorism Act matapos ilantad ang pagpaslang sa siyam na taong gulang na si Kylene Casao sa Taysan sa konteksto ng operasyong militar. Ibinasura man ng korte ang kaso dahil sa kawalan ng ebidensya nanatili ang red tagging at banta sa kanyang seguridad.

Matagal nang nagsisilbing makinarya ng pasismo sa probinsya ang 59th Infantry Battalion ng Philippine Army. Nasa kasaysayan nito ang walang humpay na red tagging militarisasyon ng mga baryo at pananakot sa mga lider masa. Bago ang madugong operasyon noong Bloody Sunday Massacre paulit ulit munang tinatakan bilang kaaway ang mga aktibista sa rehiyon. Kabilang sa brutal na pinaslang sina Chai Lemita-Evangelista at Ariel Evangelista na kapwa taga Batangas. Hindi sila kinasuhan ngunit walang humpay na ni red tag hanggang sa kitilin ang kanilang buhay.

Ang rekomendasyong ideklarang Persona Non Grata ang mga progresibong lider ay malinaw na pagpapatuloy ng parehong lohika na ang kritiko ay target at ang pag oorganisa ay krimen. Ito ay pagtatangkang ihiwalay sila sa komunidad at ilagay sa mas matinding panganib.

Habang lumalala ang kahirapan tumataas ang presyo ng bilihin at laganap ang korapsyon malinaw ang direksyon ng administrasyon ni Bongbong Marcos. Sa halip na tugunan ang kawalan ng lupa disenteng sahod at serbisyong panlipunan mas pinalalakas ang makinaryang militar at inuuna ang panunupil. Ang ganitong pamamahala ay nagsisilbi sa iilan at hindi sa masang naghihirap.

Dapat managot si Marcos Jr sa pagpapalakas ng pasistang makinarya ng estado. Sa harap ng patuloy na paglabag sa karapatang pantao at pagyurak sa demokratikong karapatan ng mamamayan nararapat lamang na siya ay patalsikin sa pamamagitan ng sama samang pagkilos ng taumbayan.

Hindi krimen ang pag oorganisa. Hindi terorismo ang pagtatanggol sa karapatan.

Militar sa mga kanayunan, palayasin!
Ibasura ang rekomendasyong Persona Non Grata!
AFP BUWAGIN!
Marcos Jr Patalsikin!

02/03/2026

PAHAYAG NG PAGBUBUNYI AT PAGLABAN: SA PAGLAYA nina KA LINO AT KA W***Y, SINGILIN ANG PASISTANG ESTADO SA KRIMEN NG BLOODY SUNDAY!

Ngayong ika-2 ng Marso 2026, matagumpay na nakalaya sina Erlindo “Ka Lino” Baez at Wilfredo “Ka W***y” Capareño matapos ang limang taon ng hindi makatarungan at iligal na pagkakakulong bunsod ng mga gawa-gawang kasong Illegal Possession of Fi****ms and Explosives.

Ang kanilang pag-aresto at limang (5) taon na pagkakapiit ay bahagi ng malawakang panunupil kasunod ng madugong Bloody Sunday Massacre noong Marso 7, 2021, kung saan siyam na aktibista ang pinaslang sa magkakaugnay na operasyon sa Southern Tagalog. Ang mga kasong isinampa laban kina Ka Lino at Ka W***y ay malinaw na bahagi ng padron ng kriminalisasyon sa mga tumitindig at lumalaban para sa karapatan ng mamamayan.

Hanggang ngayon, nananatiling hindi nakakamit ang hustisya para sa mga biktima ng Bloody Sunday. Patuloy na nakalulusot ang mga nasa likod ng mga paglabag na ito. Bagamat may mga hakbang sa pandaigdigang antas, kabilang ang mga usapin sa International Criminal Court, naninindigan tayo na ang tunay na hustisya ay makakamit lamang sa patuloy na pakikibaka ng sambayanang Pilipino.

Sa harap ng lumalalang krisis sa ekonomiya, talamak na korapsyon, at nagpapatuloy na panunupil sa ilalim ng kasalukuyang rehimen, lalong lumilinaw ang pangangailangan ng mas malawak na pagkilos. Kaisa kami sa panawagan ng mamamayan para sa pagpapatalsik kina Bongbong Marcos at Sara Duterte, na bigong tugunan ang mga batayang suliranin ng bayan at sa halip ay nagpapatuloy ng mga patakarang mapanupil at kontra-mamamayan.

Taos-puso rin kaming nagpapasalamat sa mga abogado ng Sentro Para sa Tunay na Repormang Agraryo - Sentra
sa kanilang walang sawang pagtatanggol at paglilingkod upang maitaguyod ang hustisya at mapalaya sina Ka Lino at Ka W***y. Ang kanilang dedikasyon ay mahalagang bahagi ng tagumpay na ito.

Ang paglaya nina Ka Lino at Ka W***y ay patunay na ang sama-samang pagkilos ay may bunga. Gayunman, nagpapatuloy ang ating panawagan!

Hustisya para sa mga biktima ng Bloody Sunday Massacre!
Patalsikin sina Marcos at Duterte!
Palayain ang lahat ng bilanggong pulitikal!

01/01/2026

PANOORIN: Sa Sitio Mamara, Barangay Cabacao, Abra de Ilog, Occidental Mindoro, binomba at pinapaulanan ng bala ng AFP ang mga magsasaka at katutubong Mangyan. Overkill at walang habag, habang bilyon-bilyong pondo ng gobyerno ang ginagamit sa huwad na seguridad ng NTF-Elcac.



Basahin:
https://www.facebook.com/share/p/1946vqXzE1/

Ang mga bidyo ang galing sa mga residente ng nasabing Lugar.

05/11/2025

RIGHTS DEFENDERS FIGHT BACK: SOUTHERN TAGALOG ACTIVISTS FILE COMPLAINTS AGAINST STATE HARASSMENT

Human rights defenders, activists, and sectoral representatives from Southern Tagalog have filed formal complaints before the Commission of Human Rights (CHR) yesterday, November 3, 2025, to denounce the escalating harassment and intimidation perpetrated by state forces across the region.

The most recent case occurred on October 30, when individuals who identified themselves as members of the Armed Forces of the Philippines (AFP) visited the home of Ahla Fortuno, Education and Research Officer of the Sugarfolks Unity for Genuine Agricultural Reform (SUGAR). The uniformed personnel tried to coerce her to “surrender” as an alleged member of the New People’s Army (NPA).

In another incident, Aries Soledad of PAMALAKAYA-Cavite, Ida Palo of Youth Movement Against Tyranny – Southern Tagalog (YMAT-ST), and several youth activists from the region reported a surge of online threats and red-tagging. Troll accounts have circulated photos, posts, and messages branding them and their organizations as “communist fronts,” accompanied by coordinated disinformation intended to endanger their safety and discredit their advocacy.

Meanwhile, Tina Alomia of OLALIA-KMU, who had earlier filed a complaint before the CHR on September 29, 2025, regarding surveillance and harassment related to her work as a labor organizer, submitted a follow-up report. She detailed the continued intimidation she faces as comics-style flyers containing malicious and made up stories about her are being distributed in Laguna. She urged the Commission to take concrete action to hold perpetrators accountable and ensure her protection.

These cases form part of a continued pattern of systematic attacks against human rights defenders in Southern Tagalog and the whole country. Defend Southern Tagalog reiterates its call for the CHR to conduct a thorough and independent investigation, and for state forces to cease all forms of harassment, red-tagging, and intimidation against activists and community organizers asserting their rights.

The continuous red-tagging and harassment of activists only expose the government’s desperation to silence legitimate dissent. We will not be cowed by fear or repression. Our collective resolve to defend human rights and civil liberties will persist until justice and accountability prevail.

05/11/2025

| Harassment vs Batangas sugarcane workers’ organizer must be stopped, probed

The Center for Trade Union and Human Rights (CTUHR) condemns state agents’ repeated harassment of an organizer of sugarcane workers and farmers in Batangas. We demand that state agents immediately stop the harassment and that concerned government agencies immediately investigate these cases.

On October 30, men claiming to be military personnel led by one Sgt. Alarde insisted on entering the house of Sylva Attala “Ahla” Fortuno, education and research program officer of the Sugarfolks’ Unity for Genuine Agricultural Reform - Batangas (SUGAR Batangas) and secretariat member of the with the Alyansa ng Magsasaka para sa Kompensasyon (AMK), in Oriental Mindoro.

The men claimed that they are assigned in the province, that Fortuno is one of the people they are keeping watch on, and that many military units are assigned to surveil Fortuno. They asked Fortuno to “surrender,” which means present herself as a combatant of rebel group New People’s Army or NPA who has given herself up to the government.

On October 24 and 25, during the wake for Fortuno’s recently-deceased father, the same men took pictures of Fortuno’s residence and family guests. One of the men asked guests for Fortuno’s number to supposedly “court” her.

On August 29, meanwhile, Ayrene Marasigan, leader and spokesperson of the AMK, was summoned by military personnel to the barangay hall of Santol village in Balayan town in Batangas. In the meeting with Marasigan, the military personnel accused Fortuno, Marasigan, Louie Quiroz, also a leader of AMK, and Hailey Pecayo, spokesperson of Tanggol Batangan and AMK volunteer, as NPA rebels.

The number and intensity of harassment cases involving Fortuno are alarming, hinting at imminent actions and human rights violations by the military. It is highly deplorable that state agents did not respect the Fortuno family’s right to grieve in peace and instead treated the wake of Fortuno’s father as an opportunity to harass her.

Fortuno’s case is a litmus test for President Ferdinand Marcos Jr’s much-ballyhooed Executive Order No. 97, which bans the red-tagging of labor organizers and seeks to protect workers’ Freedom of Association. Fortuno’s case shows that state agents continue to engage in red-tagging to force labor activists to surrender, for which the government continues to provide reward money.

The Department of Labor and Employment, the Department of Agrarian Reform, the Commission on Human Rights, and the House of Representatives should take immediate action to protect an organizer of sugarcane workers and farmers. Labor organizers should be protected in order to continue empowering workers to claim their labor and human rights.




Read more: https://ctuhr.org/releases/harassment-vs-batangas-sugarcane-workers-organizer-must-be-stopped-probed/

02/11/2025

Ang Dagat ay Saksi: Para kay Mariano "Tatay Nano" Jolongbayan

Sa dalampasigan ng Undas,
ang hangin ay may ngalan—
Mariano “Tatay Nano” Jolongbayan. Tagapagtanggol ng karapatan ng mga mangingisda,
organisador ng uring anakpawis
sa lalawigan ng Batangas.

Mula noong Nobyembre 17, 2023,
ang dagat ay may sigaw na ’di mapatahimik:
Nasaan si Tatay Nano?

Saksi ang mga alon sa kaniyang pagkawala,
saksi ang dagat sa kamay ng pasistang estado
na kumitil ng kaniyang kalayaan.

Ngunit paano nila lulunurin
ang tinig ng bayan?
Paano nila pipigilan
ang dagat na nagngangalit sa galit ng masa api?

Walang puntod si Tatay Nano,
ngunit ang bawat pampang ay libingan ng alaala,
ang bawat lambat ay sinulid ng kaniyang pangalan.
Sa bawat sigaw ng mangingisda,
sa bawat talon ng alon sa bato,
naroroon siya—
nagbabantay, nag-aalab.

Hindi ito katahimikan,
ito’y unos na dinala ng katotohanan.
Ang pagkawala ni Tatay Nano
ay hindi wakas,
kundi panibagong simula ng paniningil.

Pasistang estado, panagutin!
Ilataw si Mariano Jolongbayan!

Dahil ang dagat ay hindi pipirmi,
tayo ay hindi titigil—
hanggang hustisya ang marating ng alon,
hanggang bumalik ang mga kinitil ng gabi.

Tatay Nano —
ang iyong pangalan ay nasa alon ng paglaban,
ang iyong alaala ay sigaw ng bawat aping mamamayan
Na naghahangad sa paglaya sa karimlan.

- Aya

Ang Dagat ay Saksi: Para kay Mariano "Tatay Nano" Jolongbayan

Sa dalampasigan ng Undas,
ang hangin ay may ngalan—
Mariano “Tatay Nano” Jolongbayan. Tagapagtanggol ng karapatan ng mga mangingisda,
organisador ng uring anakpawis
sa lalawigan ng Batangas.

Mula noong Nobyembre 17, 2023,
ang dagat ay may sigaw na ’di mapatahimik:
Nasaan si Tatay Nano?

Saksi ang mga alon sa kaniyang pagkawala,
saksi ang dagat sa kamay ng pasistang estado
na kumitil ng kaniyang kalayaan.

Ngunit paano nila lulunurin
ang tinig ng bayan?
Paano nila pipigilan
ang dagat na nagngangalit sa galit ng masa api?

Walang puntod si Tatay Nano,
ngunit ang bawat pampang ay libingan ng alaala,
ang bawat lambat ay sinulid ng kaniyang pangalan.
Sa bawat sigaw ng mangingisda,
sa bawat talon ng alon sa bato,
naroroon siya—
nagbabantay, nag-aalab.

Hindi ito katahimikan,
ito’y unos na dinala ng katotohanan.
Ang pagkawala ni Tatay Nano
ay hindi wakas,
kundi panibagong simula ng paniningil.

Pasistang estado, panagutin!
Ilitaw si Mariano Jolongbayan!

Dahil ang dagat ay hindi pipirmi,
tayo ay hindi titigil—
hanggang hustisya ang marating ng alon,
hanggang bumalik ang mga kinitil ng gabi.

Tatay Nano —
ang iyong pangalan ay nasa alon ng paglaban,
ang iyong alaala ay sigaw ng bawat aping mamamayan
Na naghahangad sa paglaya sa karimlan.

- Aya

02/11/2025

Sa Gitna ng Pang-aapi, Patuloy na Titindig ang Mamamayang Batangueño!

Ang Tanggol Batangan ay buong dangal na nagpapaabot ng pinakamataas na pagpupugay sa lahat ng martir ng mamamayan — sa mga nag-alay ng kanilang buhay sa laban para sa kapayapaan, katarungan, at kalayaan.

Habang ginugunita natin sila ngayong Undas, muli nating pinapanday ang ating panata:
Hindi tayo titigil hanggang sa mawakasan ang pang-aapi.
Hindi tayo luluhod sa takot.
Hindi tayo mananahimik sa harap ng karahasan ng estado.

Ang kanilang dugo ay binhi ng patuloy na paglaban. Sa bawat puntod ng mga martir, muling sumisiklab ang apoy ng rebolusyonaryong diwa. Sa bawat kandilang sinisindihan, muling nabubuhay ang panata ng paglaya.

Hindi kailanman magigiba ang mamamayang Batangueño.
Patuloy tayong titindig, maglilingkod, at lalaban — kasama ang diwa ng ating mga martir ng mamamayang lumalaban at pagpapanawagan ng hustisya sa mga inosenteng sibilyan na pinaslang ng pasistang estado.

Ngayong Nobyembre 1 at 2, sa piling ng mga puntod ng ating mga kasama, pamilya, at kaibigan — patuloy nating pinasisiklab ang apoy ng paglaban. Ang kanilang alaala ay ating sandigan; ang kanilang sakripisyo ay ating inspirasyon.

Makikita rin sa mga litrato ang kalagayan ng nitso ng Rebolusyonaryong martir na si Baby Jane Orbe. Muling nilapastangan ang labi nito — patunay ng tuloy-tuloy na karahasan ng estado, ngunit lalo lamang pinatibay ang ating paninindigan.

Mabuhay ang mga martir ng mamamayang lumalaban! Ating ipanawagan, kapayapaang nakabatay sa panlipunang hustisya.

30/10/2025

HUMAN RIGHTS ALERT: ITIGIL ANG PANANAKOT! ITIGIL ANG RED-TAGGING KAY AHLA FORTUNO, TAGAPAGTANGGOL NG MGA MAGSASAKA!

Oktubre 30, 2025 — Naipagbigay-alam sa amin na si Sylva Attala “Ahla” Fortuno, Education and Research Program Officer ng Sugarfolks’ Unity for Genuine Agricultural Reform - Batangas (SUGAR Batangas) at kilalang tagapagtanggol ng karapatan ng mga magsasaka sa Batangas, ay muling nakaranas ng pananakot at red-tagging mula sa mga pinaghihinalaang intelligence agents ng Philippine Army sa kanilang bahay sa Oriental Mindoro.

Ayon sa ulat, kanina, Oktubre 30, mga alas-sais ng umaga ay may dalawang lalaki— isa sa kanila ay nagpakilalang Sgt. Alarde — ang sapilitang nagtungo sa tahanan ni Fortuno, ilang araw matapos mailibing ang kanyang ama. Pilit siyang gustong makausap ng mga ito at nagsabing sila ay “nakatalaga sa buong Oriental Mindoro” at “nasa itaas” daw ang kanyang pangalan. Pinipilit nila si Fortuno na “magbalik-loob,” isang tahasang bintang na siya ay may kaugnayan sa rebolusyonaryong New People’s Army (NPA).

Ipinagyabang pa ng mga lalaki na “maraming unit” daw ang nagbabantay sa kanya at sa kanyang pamilya — isang malinaw na anyo ng intimidasyon at harassment. Ayon sa kanyang pamilya, simula pa noong Ika-24 at 25 ng Oktubre, habang nakaburol ang ama ni Fortuno, ang mga lalaki ding ito ang kumukuha ng litrato sa labas ng kanilang tahanan. Sa huling lamay ng kanyang ama, may mga nilapitan pa ang mga ito upang hingiin ang cellphone number ni Fortuno para diumano ay "ligawan" siya.

Ang harassment na ito ay nagdulot ng lubhang pangamba sa ina ni Fortuno na isa na ring senior citizen at nasa gitna pa ng pagluluksa.

Hindi ito ang unang beses na nakaranas ng ganitong panggigipit si Fortuno. Noong Ika-29 ng Agosto, sa hiwalay na insidente, pinapatawag ng mga sundalo si Ayrene Marasigan, lider at tagapagsalita ng Alyansa ng Magbubukid sa Kanlurang Batangas (AMK), sa Barangay Hall ng Brgy. Santol, Balayan, Batangas.

Ang kanyang asawa ay napilitang pumunta sa barangay hall, kung saan may dalawang sundalo na tahasang nired-tag sina Ahla Fortuno, Ayrene Marasigan, Louie Quiroz, mga lider-opisyales ng SUGAR BATANGAS at ALYANSA NG MGA MAGSASAKA PARA SA KUMPENSASYON (AMK) at si Hailey Pecayo, tagapagsalita ng Tanggol Batangan at boluntaryo ng AMK. Tinawag silang mga “namumundok,” “maka-kaliwa,” at “NPA.” Partikular ding binansagan ng mga sundalo si Fortuno bilang “utak” diumano. Banta pa nila na kung hindi pupunta si Marasigan sa hapon, ay pupuntahan daw nila sa kanyang bahay at pipilitin siyang maging “asset” nila.

Mariing kinokondena ng Tanggol Batangan ang patuloy na pananakot, pagmamanman, at red-tagging laban sa mga tagapagtanggol ng karapatan ng mga magsasaka at mangingisda sa Batangas at Oriental Mindoro.

Ang mga insidenteng ito ay malinaw na paglabag sa mga karapatang pantao, kabilang ang karapatan sa kalayaan, seguridad, at privacy, pati na rin ang karapatan sa malayang pagpapahayag at pagsasama-sama. Ang tuloy-tuloy na red-tagging at pananakot laban sa mga lider-komunidad ay walang ibang layunin kundi patahimikin at pahinain ang kanilang lehitimong adbokasiya para sa lupa, hustisya, at kabuhayan ng mga magsasaka.

Mariin naming ipinapanawagan na itigil agad ang lahat ng uri ng pananakot, pagmamanman, at red-tagging laban kina Ahla Fortuno, Ayrene at Edu Marasigan, Louie Quiroz, Hailey Pecayo, at sa lahat ng kasapi ng AMK, SUGAR, at Tanggol Batangan. Hinihiling namin na magsagawa ng independiyenteng imbestigasyon ang Commission on Human Rights (CHR) at ang Senate at HOR Committee on Human Rights sa mga insidenteng ito. Nanawagan din kami na protektahan ang mga tagapagtanggol ng karapatang pantao, alinsunod sa UN Declaration on Human Rights Defenders at sa Human Rights Defenders Protection Bill.

Nanawagan kami sa lahat ng mga organisasyon ng magsasaka, grupong sibiko, simbahan, kabataan, at mamamayan na manindigan at makiisa sa laban para sa karapatan at hustisya.

✊ HANDS OFF AHLA FORTUNO!

📹 Bidyo ng insidente: https://www.facebook.com/share/v/1CQXpibciu/?mibextid=ww

29/09/2025

DEFEND SOUTHERN TAGALOG
PRESS RELEASE
September 29, 2025

"Dish worse than rotten": Rights group, Lemita family decries DOJ Baseless Terrorism Financing Charges Against Alaiza Lemita

Reference: Rosenda Lemita, mother of Alaiza Lemita

Defend Southern Tagalog denounces the Department of Justice's (DOJ) recent filing of trumped-up charges against activist Alaiza Lemita under RA10168 or the Terrorism Financing Prevention and Suppression Act of 2012. The charges stem from a complaint filed by Police Senior Sergeant Reynante Raya Malvar, accusing Lemita of allegedly providing adobong baboy and P50,000 to members of the New People’s Army (NPA) following an encounter in Brgy. Toong, Tuy, Batangas, on March 10, 2017.

Lemita denied the allegations against her, who has described the case as a “disgusting, rotten act” designed to target Alaiza for her activism and not for any legitimate criminal activity. The charges follow years of harassment and repeated attempts to criminalize her through fabricated cases.

Since 2014, Alaiza Lemita, including her family, has been the target of state forces using the law as a weapon to suppress activism, when she was arrested along other family members but was released soon after due to trumped up charges against her and her father. Lemita, at that time, was Anakbayan Southern Tagalog vice chairperson. Meanwhile, all prior charges against her, including accusations of attempted murder and violations of the Anti-Terror Act, were dismissed due to lack of evidence. During the time of the alleged incident in 2017, Lemita was still a college student, far removed from the claims being leveled against her.

"Lahat ng ito ay kasinungalingan," said Rosenda Lemita, mother of Alaiza. "Bakit hindi nila kinasuhan ang mga pulitikong nandiyan, nangungurakot sa ating bayan? Bakit ang anak ko pa ang pinapalabas nilang may sala?”

This latest charge is a continuation of the state’s efforts to target and silence voices critical of the government, especially in the wake of the tragic Bloody Sunday massacre in March 2021, in which Alaiza's sister, Chai Lemita-Evangelista, was among the activists murdered by police in Batangas.

Rosenda added, "Matapos ang ginawa nila kay Chai, hindi nila binigyan ng kapayapaan ang aming pamilya. Ang mga pulis na pumatay sa anak ko, sila rin ang nagtutulak na kasuhan ang kanyang kapatid."

According to Lemita and Defend Southern Tagalog, the case against Lemita is emblematic of a wider pattern of state repression against activists, with the government targeting individuals who stand up for justice while allowing the truly corrupt to go unpunished. Rights groups have long pointed out that the real criminals were not the activists fighting for human rights, but those in power who steal from the people with impunity.

“Instead of going after us, the powerless, they should be going after the corrupt politicians who have been robbing our country blind through ghost projects, budgetary insertions with "SOPs", and political patronage masked as government aid,” Rosenda concluded. “The corrupt and the powerful should be held accountable—not the activists who are demanding justice for the people.”

Rosenda Lemita stated that allegations against Alaiza Lemita are not only ridiculous, they’re a "rotten dish" by the state, with accusations as absurd as blaming someone for supporting insurgents over something as simple and harmless as pork adobo. "Like every poorly prepared dish, the truth will eventually come to the table, and when it does, those responsible for these baseless accusations will have to answer for their actions".

Lemita filed a Motion for Reconsideration against the trumped-up charges via registered mail to the DOJ. # #

15/09/2025

ALERT!
KASALUKUYAN: Matapos maglungsad ng payapang kilos-protesta ang Sugarfolks' Unity for Genuine Agricultural Reform - Batangas at AMK upang iparinig sa Pangulong Marcos Jr. na nasa Solar Plant ng Citicore ang kanilang kariingan pero ang tugon ng PNP; Sinundan ng PNP - Balayan ang delagasyon sa Opisina ng SUGAR. Ang tanging binabanggit nila ay sila raw ay inutusan na i-serbeylans ang mga naglungsad ng kilos-protesta.

Kaninang umaga lamang hinarang din ng checkpoint ang pampasaherong jeep, kinuha rin ng PNP Tuy ang megaphone, placards at mga polyeto na may panawagan ng AYUDA, KOMPENSASYON HINDI KURAPSYON.

BAYAD-PINSALA HINDI DAGDAG PINSALA.

08/09/2025

Release Faye Tallow! Surface Mariano Jolongbayan! Release Karla Mae Monge! Itigil ang Panunupil sa mga Magsasaka, Mangingisda, at Tagapagtanggol!

Sunod-sunod na biktima ng sapilitang pagkawala at panunupil ang mga magsasaka, mangingisda, estudyante, at mga tagapagtanggol ng karapatan sa ilalim ng rehimeng Marcos Jr. Ang mga kaso nina Faye Tallow, Mariano “Ka Nano” Jolongbayan, at Karla Mae Monge ay malinaw na mukha ng lumalalang pasismo at kriminalisasyon ng adbokasiya.

Nitong Setyembre 4, 2025, si Faye Tallow, isang peasant organizer at dating Iskolar ng Bayan ng UP, ay dinukot at iligal na inaresto sa Labo, Camarines Norte. Ayon sa Karapatan Bicol Quick Response Team, nagsagawa ng raid ang 16th Infantry Battalion nang walang ipinakitang warrant. Pinagkaitan si Faye ng Miranda rights at paulit-ulit siyang inilipat sa iba’t ibang istasyon at kampo militar, kabilang ang Labo PNP, SAF, Philippine Navy, at ang kilalang berdugong si Jonathan Vender ng 201st IB. Hanggang ngayon, hindi pa rin siya inililitaw. Si Faye ay malinaw na biktima ng enforced disappearance, psywar, at tortyur.

Hindi ito hiwalay na kaso. Habang sa probinsya natin sa Batangas, noong Nobyembre 16, 2023, sapilitang dinukot si Mariano “Ka Nano” Jolongbayan, isang Batangueñong mamamalakaya at organisador ng uring anakpawis. Senior citizen na siya ngunit patuloy na naglilingkod sa kanyang sektor nang siya ay dukutin habang nasa gawain sa Lian. Higit isang taon na siyang nawawala at nananatiling hindi inililitaw ng militar.

Si Karla Mae Monge, volunteer ng SUGAR at dating UPLB student, November 23, 2023 ay dinukot ng pinagsanib na pwersa ng PNP at 59th Infantry Battalion habang nagsasagawa ng pananaliksik sa Tuy, Batangas. Target siya ng red-tagging at Anti-Terror Law dahil sa kanyang adbokasiya para sa magsasaka. Hanggang ngayon, siya ay nananatiling bilanggong pulitikal.

Ngayong taong 2025, patuloy din ang pananakot sa sa Alyansa ng Magbubukid sa Kanayunan (AMK). Pinapatawag at binabantaan ang spokesperson na si Ayrene Marasigan na gagawing “asset,” habang sina Ahla Fortuno at Hailey Pecayo ay tahasang nired-tag bilang “NPA.” Isa itong malinaw na harassment laban sa mga organisador at tagapagtanggol ng karapatan ng magsasaka at mangingisda.

Ang mga tulad nina Faye Tallow, Mariano Jolongbayan, Karla Mae Monge, Ayrene Marasigan, Ahla Fortuno, at Hailey Pecayo ay hindi kriminal kundi mga tunay na lingkod ng masa. Ang tunay na kriminal ay ang rehimeng Marcos Jr at ang AFP-PNP na patuloy na nagpapahirap, nananakot, at pumapatay sa kanayunan at kabataan.

Pinagkaisang Panawagan ng ng Mamamayang Batangueño:

Release Faye Tallow!
Ilitaw si Mariano Jolongbayan!
Hands off AMK, Ayrene Marasigan, Ahla Fortuno, at Hailey Pecayo!
Bayad-pinsala, hindi dagdag-pinsala!
Release Karla Mae Monge!
Surface All Desaparecidos!