Indian Overseas Congress - Ioc Oman-Salalah Kerala Chapter

18/06/2026

ഹൃദയത്തിൽ നിന്ന് സ്നേഹം... സിരകളിൽ നിന്ന് രക്തം... ❤️🩸

രക്തദാന ക്യാമ്പിന്റെ വിജയത്തിനായി ഐഒസി ഒമാൻ കേരള ചാപ്റ്ററിനൊപ്പം കൈകോർത്ത പ്രധാന സ്ഥാപനമാണ് റീഗൽ മെഡിക്കൽ കോംപ്ലക്സ്.
ലോക രക്തദാന ദിനത്തോടനുബന്ധിച്ച് സംഘടിപ്പിച്ച ക്യാമ്പിൽ റീഗൽ മെഡിക്കൽ കോംപ്ലക്സിന്റെ മാനേജിംഗ് ഡയറക്ടർ ശ്രീ. സാദുക്കുള്ള, രക്തദാനത്തിന്റെ മഹത്വവും സമൂഹത്തോടുള്ള കൂട്ടായ ഉത്തരവാദിത്വവും എടുത്തുപറഞ്ഞ് ആശംസകൾ അർപ്പിച്ച് സംസാരിച്ചു.

"ഒരാളുടെ ചെറിയൊരു നന്മ മറ്റൊരാളുടെ ജീവിതത്തിന് വലിയൊരു പ്രതീക്ഷയാകുന്നു. സമൂഹത്തിന് ജീവന്റെ സന്ദേശം പകരുന്ന ഇത്തരം സംരംഭങ്ങൾ കൂടുതൽ ശക്തിപ്പെടേണ്ടതുണ്ട്" എന്ന് അദ്ദേഹം അഭിപ്രായപ്പെട്ടു.

18/06/2026

ഹൃദയത്തിൽ നിന്ന് സ്നേഹം... സിരകളിൽ നിന്ന് രക്തം...

❤️🩸
ലോക രക്തദാന ദിനത്തോടനുബന്ധിച്ച് ഐ ഒ സി ഒമാൻ കേരള ചാപ്റ്ററും റീഗൽ മെഡിക്കൽ കോംപ്ലക്സും സംയുക്തമായി സംഘടിപ്പിച്ച രക്തദാന ക്യാമ്പ്, ഐ ഒ സി യുടെ സഹയാത്രികനും പ്രമുഖ വ്യവസായിയുമായ ശ്രീ. ഷിജു ശശിധരൻ ഉദ്ഘാടനം ചെയ്തു

12/06/2026

ലോക രക്തദാന ദിനം: ഐഒസി രക്തദാന ക്യാമ്പ് സംഘടിപ്പിച്ചു...

സലാല: ലോക രക്തദാന ദിനത്തോടനുബന്ധിച്ച് 2026 ജൂൺ 12 വെള്ളിയാഴ്ച ഇന്ത്യൻ ഓവർസീസ് കോൺഗ്രസ് (ഐഒസി) ഒമാൻ കേരള ചാപ്റ്ററിന്റെ ആഭിമുഖ്യത്തിൽ റീഗൽ മെഡിക്കൽ കോംപ്ലക്സിന്റെ സഹകരണത്തോടെ സലാലയിലെ സുൽത്താൻ ഖബൂസ് ആശുപത്രി ബ്ലഡ് ബാങ്കിൽ രക്തദാന ക്യാമ്പ് സംഘടിപ്പിച്ചു.

രാവിലെ 8 മണിക്ക് ഐഒസി പ്രസിഡന്റ് ബാലചന്ദ്രൻ, ഹരികുമാർ (ഓച്ചിറ) എന്നിവരുടെ സാനിധ്യത്തിൽ ആരംഭിച്ച രക്തദാന ക്യാമ്പ് ഉച്ചയ്ക്ക് 12 മണിക്ക് സമാപിച്ചു. രക്തദാനത്തിനായി ഏകദേശം നൂറോളം പേർ സന്നദ്ധരായി എത്തിയെങ്കിലും ആരോഗ്യപരിശോധനകൾ പൂർത്തിയാക്കിയ ശേഷം 70 ഓളം പേർ രക്തം ദാനം ചെയ്തു.

രജിഷ ബാബു സ്വാഗതം പറഞ്ഞ ചടങ്ങിൽ വർക്കിംഗ് പ്രസിഡന്റ് അനീഷ് ബി.വി അധ്യക്ഷത വഹിച്ചു.

ഒമാനിലെ വ്യവസായ രംഗത്തെ പ്രമുഖനും ഐഒസി സഹയാത്രികനുമായ ഷിജു ശശിധരൻ രക്തം നൽകി ക്യാമ്പ് ഉദ്ഘാടനം ചെയ്തു. രക്തദാനം സമൂഹത്തിന് നൽകുന്ന മഹത്തായ സന്ദേശമാണെന്നും ജീവദാനം കൂടിയായ ഇത്തരം ഉദ്യമങ്ങളിൽ എല്ലാവരും ഒരുമിച്ച് മുന്നോട്ട് പോകേണ്ടതുണ്ടെന്നും അദ്ദേഹം ഉദ്ഘാടന പ്രസംഗത്തിൽ സൂചിപ്പിച്ചു.

സലാലയിൽ ഇത്തരം ജീവകാരുണ്യ പ്രവർത്തനങ്ങൾ നടത്തുന്ന ഐഒസിയോടൊപ്പം ഈ ക്യാമ്പിൽ സഹകരിക്കുകയും മാനുഷിക മൂല്യങ്ങൾ വിലമതിക്കുന്ന എല്ലാ പ്രവർത്തനങ്ങൾക്കും എല്ലാ വിധ പിന്തുണ നൽകുന്നതും റീഗൽ മെഡിക്കൽ കോംപ്ലക്സിന്റെ സാമൂഹിക പ്രതിബദ്ധതയുടെ ഭാഗമാണെന്ന് ജനറൽ മാനേജർ സദക്കത്തുള്ള ആശംസ പ്രസംഗത്തിൽ പറഞ്ഞു.

ക്യാമ്പിന്റെ വിജയത്തിന് ഐ ഒ സി പ്രവർത്തകരിൽ നിന്നുള്ള എല്ലാവിധ സഹകരണം ലഭിച്ചു.
ക്യാമ്പിന്റെ ഏകോപന ചുമതല ഉള്ളപ്പടെയുള്ള മറ്റു പ്രവർത്തനങ്ങൾക്ക് ഗോപകുമാർ പി.ജി., ലിഖ വിനു, സജീവ് ജോസഫ്,സുഹൈൽ ഫവാദ്, എന്നിവർ നേതൃത്വം നൽകി.

ബ്ലഡ്‌ ബാങ്കിലെ പ്രവർത്തനങ്ങൾക്കും, അതിന്റെ ഏകീകരണത്തിനും നേതൃത്വം നൽകിയ മുഹമ്മദ് നിയാസ് , റിസാൻ മാസ്റ്റർ, അബ്ദുള്ള, സതീഷ്, ജിനോ ജോയ്, ഡോ ഷഹാബ്, ജനീഷ്, നിത്യ വെല്ലോറ, എന്നിവർ സജീവമായി പ്രവർത്തിച്ചു.

വനിതാ വിഭാഗത്തിന്റെ പങ്കാളിത്തവും സഹകരണവും അതിന് നേതൃത്വം നൽകിയ സുഹാന മുസ്തഫ, നിഷാന നിയാസ് എന്നിവരുടെ പ്രവർത്തനം ശ്രദ്ധേയമായി.

ക്യാമ്പിന്റെ മുഴുവൻ പ്രവർത്തനങ്ങൾക്കും ഒപ്പം നിന്ന ഡെന്നി ജോൺ, റൗഫ് മുഹമ്മദ് എന്നിവരുടെ സാന്നിധ്യവും ശക്തമായ പിന്തുണയും പ്രവർത്തനനങ്ങൾക് കരുത്തു നൽകി..

ജീവകാരുണ്യ മേഖലയിൽ മാതൃകാപരമായ പ്രവർത്തനങ്ങൾ തുടരുന്ന ഐഒസിയുടെ പ്രവർത്തനങ്ങൾക്ക് പിന്തുണ നൽകിയ എല്ലാവർക്കും ജനറൽ സെക്രട്ടറി ശ്യാം മോഹൻ നന്ദി പറഞ്ഞു കൊണ്ട് ക്യാമ്പ് സമാപിച്ചു

11/06/2026

08/06/2026

*ഹൃദയത്തിൽ നിന്ന് സ്നേഹം....*
*സിരകളിൽ നിന്ന് രക്തം..*


ലോക രക്തദാന ദിനാചാരണത്തിന്റെ ഭാഗമായി *ഇന്ത്യൻ ഓവർസീസ് കോൺഗ്രസ്‌ ഒമാൻ കേരള ചാപ്റ്റർ റീഗൽ മെഡിക്കൽ കോംപ്ലക്സ് സലാലയുടെ* പങ്കാളിത്തത്തോടെ രക്തദാന ക്യാമ്പ് സംഘടിപ്പിക്കുന്നു.

*ജൂൺ 12 വെള്ളിയാഴ്ച രാവിലെ 8.30 മുതൽ ഉച്ചക്ക് 12.30 വരെ* സലാല സുൽത്താൻ ഖാബൂസ് ഹോസ്പിറ്റലിലെ ബ്ലഡ്‌ ബാങ്കിൽ വെച്ചാണ് രക്തദാന ക്യാമ്പ് സംഘടിപ്പിച്ചിരിക്കുന്നത്.

നിങ്ങളുടെ സാന്നിധ്യവും പങ്കാളിത്തവും
ഈ സൽപ്രവർത്തനത്തിന് കരുത്താകട്ടെ.

എല്ലാവരെയും ഹൃദയം നിറഞ്ഞ് സ്വാഗതം ചെയ്യുന്നു. ❤️

പങ്കെടുക്കാൻ താല്പര്യം ഉള്ളവർ +96876330576 ബന്ധപെടുക.

wa.me/96876330576

27/05/2026

ത്യാഗത്തിന്റെയും വിശ്വാസത്തിന്റെയും സഹോദര്യത്തിന്റെയും മഹത്തായ സന്ദേശം ഉയർത്തിപ്പിടിക്കുന്ന ബലി പെരുന്നാൾ, നമ്മെ കൂടുതൽ അടുപ്പിക്കുകയും ഒന്നിച്ച് മുന്നോട്ട് പോകാനുള്ള കരുത്ത് നൽകുകയും ചെയ്യുന്നു.

കേരളം പുതിയ പ്രതീക്ഷകളുമായി മുന്നോട്ട് പോകുന്ന ഈ കാലത്ത്, പെരുന്നാൾ ഓരോ വീടുകളിലും സമാധാനവും സന്തോഷവും ഐക്യവും നിറയ്ക്കട്ടെ.

എല്ലാവർക്കും ഹൃദയം നിറഞ്ഞ ബലി പെരുന്നാൾ ആശംസകൾ.

14/05/2026

നിയുക്ത കേരള മുഖ്യമന്ത്രിയ്ക്ക് അഭിവാദ്യങ്ങൾ..

14/05/2026

ജനാധിപത്യത്തിന്റെ മഹത്തായ വഴികളിലൂടെ ജനങ്ങളുടെ വിശ്വാസം നേടി കേരളത്തിന്റെ പുതിയ മുഖ്യമന്ത്രിയായി ചുമതലയേൽക്കുന്ന നിയുക്ത മുഖ്യമന്ത്രിക്ക് ഹൃദയം നിറഞ്ഞ ആശംസകൾ.

ഈ നാട് ഇന്ന് നേരിടുന്ന ഓരോ പ്രതിസന്ധിയെയും മനസ്സിലാക്കി, ജനങ്ങളുടെ സ്വപ്നങ്ങൾക്കും പ്രതീക്ഷകൾക്കും കരുത്തായി നിൽക്കുന്ന ഒരു ഭരണമാണ് കേരളം ആഗ്രഹിക്കുന്നത്. രാഷ്ട്രീയ ഭിന്നതകൾക്കപ്പുറം ഈ നാടിന്റെ പുരോഗതിയും ജനങ്ങളുടെ ക്ഷേമവും മുൻനിർത്തി പ്രവർത്തിക്കാനുള്ള ശക്തിയും ദൈര്യവും ദൈവം നൽകട്ടെ.

കേരളത്തിന്റെ ഓരോ കോണിലും പ്രതീക്ഷയുടെ പുതിയ വെളിച്ചം പകരുന്ന ഒരു ഭരണകാലം ആയിരിക്കട്ടെ ഇത്. ജനങ്ങളുടെ വിശ്വാസം കാത്തുസൂക്ഷിച്ച് ചരിത്രത്തിൽ ഓർമ്മിക്കപ്പെടുന്ന നേതൃത്വമായി മാറാൻ താങ്കൾക് കഴിയട്ടെ.

ഇന്ത്യൻ ഓവർസീസ് കോൺഗ്രസിന്റെ അഭിനന്ദനങ്ങൾ ഒപ്പം ഹൃദയം നിറഞ്ഞ ആശംസകളും