22/08/2025
विदेशका थुप्रै देशले कथित इम्बोस्ड नम्बरमा आफ्नो भाषा अटाएका छन् । हाम्रोमा पनि अट्छ । बुद्धिहीन सरकारी नोकरहरूलाई नेपाली भाषा प्रविधिले पढ्दैन भन्ने लाग्छ भने सत्ताको गाँजाको नशा छोडेर यता आउँदा हुन्छ हामी पढाएर पठाउन तयार छौँ ।
कथित इम्बोस्ड नम्बरका दासहरू
*********
दिल्लीमा बादल लाग्दा सिंहदरबारमा छाता ओढ्ने दासहरू नेपालका सत्तामा छन् । दासानुदासहरूको मूल धेय नै परम पिताको चरण सेवा हो । नेपालको मौलिक भाषा र संस्कृतिमाथि धावा बोलेर विकास, प्रगति र समुन्नतिको राग अलाप्नु उनीहरूको नित्य सङ्कीर्तन हो । नेपालको रैथाने प्राणाली र पद्धतिको तिलाञ्जलि नै नित्य कर्म हो । उनीहरूको यो नित्यकर्म उनका परम पिता साक्षात् प्रकट भएर मुक्ति प्रदान नगरुन्जेल रहिरहन्छ । आज भाषा चढाउने यो एक चरण हो, भोलि नेपाली संवत्, पर्सि ध्वजा अनि बाँकी रहने ढुङ्गा माटो न हो त्यो त विदेशी वाद र सिद्धान्तको सानो बाढीले नै बगाइदिन्छ र बगाइ पनि रहेको छ ।
चिन्ता बुढी मरिन् भन्ने होइन चिन्ता त काल पल्कियो भन्ने हो । त्यसैले सत्तासीन कालहरूलाई उनकै पाशोमा नबाँधेसम्म नेपालमा नेपाली भएर बाँच्दा अपराधी भइन्छ ।
विदेशका थुप्रै देशले कथित इम्बोस्ड नम्बरमा आफ्नो भाषा अटाएका छन् । हाम्रोमा पनि अट्छ । बुद्धिहीन सरकारी नोकरहरूलाई नेपाली भाषा प्रविधिले पढ्दैन भन्ने लाग्छ भने सत्ताको गाँजाको नशा छोडेर यता आउँदा हुन्छ हामी पढाएर पठाउन तयार छौँ ।
