FNCCI Karnali Province

01/08/2026

कर्णाली प्रदेशका नवनियुक्त माननीय मुख्यमन्त्री श्री मंगल बहादुर शाहीज्यूलाई नेपाल उद्योग वाणिज्य महासंघ, कर्णाली प्रदेशको तर्फबाट हार्दिक बधाई तथा सफल कार्यकालको शुभकामना व्यक्त गरियो।
यस अवसरमा महासंघ कर्णाली प्रदेशका अध्यक्ष श्री धनबहादुर रावतले मुख्यमन्त्री शाहीको नेतृत्वमा प्रदेश सरकार र निजी क्षेत्रबीचको सहकार्य, समन्वय तथा साझेदारी अझ प्रभावकारी र परिणाममुखी हुने विश्वास व्यक्त गर्नुभयो। उहाँले लगानीमैत्री वातावरण निर्माण, उद्योग–व्यवसाय प्रवर्द्धन, रोजगारी सिर्जना तथा कर्णाली प्रदेशको समग्र आर्थिक समृद्धिका लागि प्रदेश सरकारले निजी क्षेत्रसँग हातेमालो गर्दै अघि बढ्ने अपेक्षा व्यक्त गर्नुभयो। साथै, माननीय मुख्यमन्त्री शाहीको सफल कार्यकालको हार्दिक शुभकामना व्यक्त गर्नुभयो।

28/07/2026

📢 के तपाईंलाई थाहा छ?
गत २०८३ असार १३ (जुन २७, २०२६) मा FNCCI कर्णाली प्रदेश ले कर्णाली प्रदेश सरकार, सामाजिक विकास मन्त्रालय अन्तर्गत Swisscontact को प्राविधिक सहयोगमा सञ्चालित QualiTY परियोजना मार्फत रोजगार मेला २०८३ सफलतापूर्वक श्री राप्ती ज्ञानोदय नमुना माध्यमिक विद्यालय, सिम्ली, रुकुम पश्चिम मा आयोजना गरेको थियो। FNCCI कर्णाली प्रदेशका अध्यक्ष श्री धन बहादुर रावतज्यू को अध्यक्षतामा सम्पन्न कार्यक्रममा प्रतिनिधि सभा सदस्य माननीय श्री गोपाल शर्माज्यू प्रमुख अतिथिका रूपमा सहभागी हुनुभएको थियो।

करिब १३० जना विद्यार्थी, रोजगारदाता तथा सरोकारवालाहरू को सहभागिता रहेको यस रोजगार मेलाले TECS (Technical Education in Community Schools) अन्तर्गत कक्षा ९–१२ मा पशु विज्ञान अध्ययनरत विद्यार्थीहरूलाई रोजगारदातासँग प्रत्यक्ष अन्तरक्रिया गर्ने महत्वपूर्ण अवसर प्रदान गरेको थियो। साथै, कार्यक्रममा CV लेखन कार्यशाला, करियर काउन्सेलिङ तथा रोजगारसम्बन्धी जानकारी प्रदान गरी विद्यार्थीहरूलाई आफ्नो करियर योजना बनाउन र रोजगारीका अवसरबारे जानकारी हासिल गर्न सहयोग गरिएको थियो।

यो कार्यक्रम रुकुम उद्योग वाणिज्य संघ र श्री राप्ती ज्ञानोदय नमुना माध्यमिक विद्यालय, सिम्ली को समन्वयमा सम्पन्न भएको थियो। FNCCI कर्णाली प्रदेश, Swisscontact, निजी क्षेत्र, शैक्षिक संस्था तथा सरकारी निकायबीचको सहकार्यले सीपयुक्त जनशक्तिलाई रोजगारीसँग जोड्ने र कर्णालीमा दक्ष जनशक्ति विकास गर्ने साझा अभियानलाई थप मजबुत बनाइरहेको छ। सीपदेखि रोजगारीसम्म, समृद्ध कर्णाली निर्माणमा हाम्रो साझा प्रयास।

with : Federation of Nepalese Chambers of Commerce and Industry (FNCCI)

27/07/2026

आज २७ जुलाई २०२६ मा नेपाल उद्योग वाणिज्य महासंघ, कर्णाली प्रदेशले ENSSURE/Helvetas परियोजनाका कर्णाली प्रदेश प्रतिनिधिहरूलाई स्वागत गर्दै कर्णाली प्रदेशमा सञ्चालन भइरहेका TVET गतिविधिहरूको समीक्षा तथा आगामी कार्यक्रम, योजना र सहकार्यका विषयमा फलदायी छलफल तथा अन्तरक्रिया सम्पन्न गरेको छ।

छलफलका क्रममा सीप विकास, उद्योगसँगको सहकार्य तथा रोजगारीका अवसर विस्तारका लागि आगामी दिनमा सहकार्यलाई थप प्रभावकारी बनाउने विषयमा महत्वपूर्ण विचारविमर्श भएको थियो।

कर्णाली प्रदेशमा TVET क्षेत्रको विकास र विस्तारका लागि सहकार्यलाई निरन्तरता दिँदै आगामी गतिविधिहरूलाई प्रभावकारी रूपमा अगाडि बढाउने प्रतिबद्धता व्यक्त गरिएको छ।
with : ENSSURE

02/07/2026

नेपाल उद्योग वाणिज्य महासंघ कर्णाली प्रदेशको 2 दिने रणनीतिक कार्ययोजना गोष्ठि - २०८३ ढोरपाटन, बाग्लुङमा सम्पन्न भएको छ।

01/07/2026

नेपाल उद्योग वाणिज्य महासंघ कर्णाली प्रदेशको रणनीतिक कार्ययोजना गोष्ठि - २०८३ असार १६ र १७ गते
ढोरपाटन, बाग्लुङ

17/06/2026

https://www.thetriratna.com.np/?p=39222

सुर्खेत, ३ असार । कर्णाली प्रदेशका आर्थिक मामिला मन्त्री राजिवविक्रम शाहले सरकार, कर्मचारी, निजी क्षेत्र र बैंक त....

17/06/2026

नेपाल उद्योग वाणिज्य महासंघ कर्णाली प्रदेशद्वारा आयोजित हरित व्यवसाय इन्क्युबेशन कार्यक्रम अन्तर्गत उद्योग मेला तथा पिचिङ कार्यक्रम (डेमो डे) को अध्यक्षता नेपाल उद्योग बाणिज्य महासंघ कर्णाली प्रदेशका अध्यक्ष धनबहादुर रावतले गर्नुभएको थियो भने प्रमुख अतिथीको रूपमा कर्णाली प्रदेश सरकारका आर्थिक मामिला तथा योजना मन्त्री माननीय राजीब विक्रम शाहज्यूले गर्नु भएको थियो।
उक्त कार्यक्रममा विभिन्न व्यापार व्यवसाय र उद्यमशिलता सँग सम्बन्धित विभिन्न क्षेत्रका प्रतिनिधीहरुको सहभागिता रहेको थियो।
उक्त कार्यक्रममा माननीय मन्त्रीज्यूले कर्णालीको आर्थिक समृद्धि, उद्यमशीलता विकास र हरित व्यवसाय प्रवर्द्धनका लागि आयोजित उद्योग मेला तथा पिचिङ कार्यक्रम (डेमो डे) को सफलताको शुभकामना व्यक्त गर्दै नवप्रवर्तन र उत्पादनशील क्षेत्रमा युवाको सक्रिय सहभागिताले प्रदेशको विकास यात्रालाई थप गति दिने विश्वास समेत दिलाउनु भयो।

09/06/2026

https://skynewsnepal.com/2026/06/08/51004

सुर्खेत । कर्णाली प्रदेशमा सामाजिक सुरक्षा कोषको पहुँच विस्तारमा ढिलाई भईरहेको पाईएको छ । भौगोलिक विकटता, रोजगा....

02/06/2026

दैलेख – नेपाल उद्योग वाणिज्य महासंघ कर्णाली प्रदेश कार्यालय, सुर्खेतको आयोजनामा दक्ष जनशक्ति व्यवस्थापन सम्बन्...

30/05/2026

कर्णालीमा महिला उद्यमीद्वारा हाटबजार अभियान सुरु :-
नेपाल उद्योग वाणिज्य महासंघ, कर्णाली प्रदेशको आयोजना, औद्योगिक ब्यावसाय बिकाश प्रतिष्ठान (IEDI) को सहयोग तथा ईन्क्युबेटर एकेडेमीको समन्वयमा कर्णाली प्रदेशको सुर्खेतमा मिति २०८३ जेष्ठ १३ गतेदेखि १५ गतेसम्म सञ्चालन गरिएको ३ दिने महिला उद्यमी बुटक्याम्प तालिम पश्चात कर्णाली प्रदेशका महिला उद्यमीहरूले "पाईला" महिला उद्यमी समुह बनाएर हाटबजार अभियान सुरु गरेका छन्।
मिति २०८३ जेठ १६ गते शनिवार देखि शुभारम्भ भएको यो हाटबजार लाई अभियानको रुपमा महिला उद्यमीहरूले प्रत्येक शनिबार सुर्खेत स्थित शुभ होटलमा बिहान ७:०० बजेदेखि आफ्ना उत्पादन, वस्तु तथा सेवाहरूको प्रदर्शनी तथा बिक्री वितरण गर्नेछन्। यस अभियानले स्थानीय उत्पादनलाई बजारसँग जोड्ने, महिला उद्यमीहरूको आयआर्जन वृद्धि गर्ने, उद्यमीहरूबीच सहकार्य र अनुभव आदानप्रदान गर्न महत्वपूर्ण भूमिका निर्वाह गर्नेछ ।
हाटबजार कार्यक्रमलाई दिगो र व्यवस्थित रूपमा सञ्चालन गर्ने उद्देश्यले नेपाल उद्योग वाणिज्य महासंघ, कर्णाली प्रदेश, शुभ होटल र पाईला महिला उद्यमी समूहबीच त्रिपक्षीय लिखित सम्झौता समेत सम्पन्न भएको छ। सम्झौताअनुसार नेपाल उद्योग वाणिज्य महासंघ, कर्णाली प्रदेशले कार्यक्रम सञ्चालन तथा व्यवस्थापनमा समन्वयकारी भूमिका निर्वाह गर्ने, शुभ होटलले हाटबजार सञ्चालनका लागि आयोजना स्थल उपलब्ध गराउने तथा पाईला महिला उद्यमी समूहले कम्तीमा चार महिनासम्म नियमित रूपमा स्टल प्रदर्शनीमा सहभागिता जनाउने प्रतिबद्धता जनाएको छ।
महिला उद्यमीहरूको सक्रिय सहभागिता, निजी क्षेत्रको सहकार्य र संस्थागत प्रतिबद्धतासहित सुरु भएको यो अभियान कर्णाली प्रदेशमा महिला उद्यमशीलताको प्रवर्द्धन र स्थानीय आर्थिक विकासको एक उदाहरणीय अभ्यासका रूपमा स्थापित हुने विश्वास गरिएको छ।