31/05/2026
आज मिति २०८३ साल जेठ १७गते आईतबारका दिन संस्थाको आयोजनामा सरावल गा.पा स्तरीय 'विस्तारित मञ्च एवम् वित्तीय साक्षरता कार्यक्रम' भव्यताका साथ सम्पन्न भएको छ।
संस्थाका सञ्चालक समिति सदस्य तथा सरावल गा.पा. संयोजक जमुना देवि भुसालज्यूको अध्यक्षतामा सम्पन्न उक्त कार्यक्रममा संस्थाका अध्यक्ष श्री लेखनाथ खरेलज्यूको प्रमुख आतिथ्यता रहेको थियो। कार्यक्रममा संस्थाका पदाधिकारीहरू, सञ्चालक समितिका सदस्यहरू, एवम् सिस्टर सोसाइटीका सदस्यहरूको एवम् शेयर सदस्यहरुको बाक्लो उपस्थिति रहेको थियो।
वित्तीय साक्षरता र संस्थागत अवस्थाबारे प्रस्तुतीकरण
कार्यक्रमको प्राविधिक तथा जानकारीमूलक शत्रमा संस्थाका व्यवस्थापक बद्री प्रसाद पौडेल एवम् अध्यक्ष लेखनाथ खरेलज्यूले संयुक्त रूपमा महत्त्वपूर्ण प्रस्तुतीकरण गर्नुभएको थियो। संस्थाका ऋण प्रमुख टापेन्द्र प्रसाद न्यौपानेले कुशलतापूर्वक सञ्चालन गर्नुभएको उक्त कार्यक्रममा सेयर सदस्य तथा सहभागीहरूलाई वित्तीय रूपमा सक्षम बनाउने उद्देश्यले निम्नलिखित विषयहरूमा विस्तृत जानकारी तथा प्रशिक्षण प्रदान गरिएको थियो:
👉️ बचतको महत्त्वका सम्बन्धमा।
👉️ ऋण उपयोग गर्दा जान्नुपर्ने आधारभुत कुराहरु ।
👉️ दोहोरो सदस्यताका सम्बन्धमा।
👉️ नियमनकारि निकायहरुबाट समय समयमा जारि निर्देशन ।
👉️ संरक्षित पूँजिफिर्ता कोषका सम्बन्धमा ।
👉️ऋण पूंजीकृतका सम्बन्धमा ।
👉️ सहकारिमा प्रबिधिको प्रयोग सम्बन्धमा
👉️संस्थाको वित्तीय अवस्था: संस्थाको हालको आर्थिक सूचकहरू, सुरक्षित कारोबार र भावी योजनाहरू
" संस्थाको गतिविधिको पारदर्शी ऐना देखाउन यो कार्यक्रम कोशेढुङ्गा सावित हुने विश्वास लिइएको छ।"
कार्यक्रममा सहभागीहरूले बिस्तारित मञ्च एवम वित्तीय साक्षरताका यस्ता कार्यक्रमहरूले आफूहरूलाई पूंजीको सही सदुपयोग गर्न र संस्थाप्रति थप जिम्मेवार बन्न प्रेरित गरेको भन्दै खुसी व्यक्त गर्दै सम्पन्न गरियो ।
