01/07/2026
🧠 सेवाभन्दा माथि—स्वस्थ र स्ट्रोक सचेत पोखराको अभियान
यस लायन्स वर्ष २०२६/२७ मा Lions Club of Pokhara Next Generation ले आफ्नो प्रमुख (Flagship) सामुदायिक परियोजनाका रूपमा "३३ वडा • ३३ जनचेतना अभियान • एक स्ट्रोक सचेत पोखरा" सञ्चालन गर्ने घोषणा गर्दछ।
क्लबका अध्यक्ष लियो लायन डा. अर्जुन न्यौपाने को पहलमा सुरु भएको यस अभियानको उद्देश्य समुदायमा स्ट्रोक (मस्तिष्कघात) सम्बन्धी जनचेतना अभिवृद्धि गर्नु, BE FAST अवधारणालाई घर–घरमा पुर्याउनु, जोखिम कारकहरूको पहिचान गर्नु तथा समयमै उपचार खोज्ने संस्कृतिको विकास गर्नु हो।
यस अभियान Stroke Aware Pokhara को सहकार्यमा तथा पोखरा महानगरपालिका स्वास्थ्य महाशाखा, सम्बन्धित वडा कार्यालयहरू, शहरी स्वास्थ्य प्रवर्द्धन केन्द्रहरू, महिला सामुदायिक स्वास्थ्य स्वयंसेविका (FCHVs) तथा Leo Club of Gandaki Medical College सँगको साझेदारीमा पोखरा महानगरपालिकाका सम्पूर्ण ३३ वटै वडामा सञ्चालन गरिनेछ।
हाम्रो विश्वास छ—जनचेतनाले जीवन बचाउँछ। समयमै स्ट्रोकका लक्षण चिन्ने र तुरुन्त उपचारमा पुग्ने संस्कृतिको विकास गर्दै हामी सबै मिलेर “एक स्ट्रोक सचेत पोखरा” निर्माण गर्नेछौं।
🧠 ३३ वडा • ३३ जनचेतना अभियान • एक स्ट्रोक सचेत पोखरा
BE FAST सम्झौं, समयमै उपचार गरौं, जीवन बचाऔं।
