14/08/2026
युवा आवाज र नागरिक सहभागिताको अनुभव 🇳🇵💜
📍 Bhalakusari-II Session | बर्दिबास, महोत्तरी
८ अगस्ट २०२६ मा Kayapalat, UNDP Nepal को सहकार्य तथा Embassy of Switzerland in Nepal को सहयोगमा बर्दिबास, महोत्तरीमा आयोजित Bhalakusari-II Session मा Leo Club Of Bardibas Samaj सहभागी हुने अवसर प्राप्त गर्यौं। 🙌
यस सत्रमा विभिन्न समुदायका ११ जना युवाहरूसँग स्थानीय समस्या, नागरिक सहभागिता र शासन प्रक्रियामा युवाको भूमिकाबारे खुला छलफल भयो। 💬
छलफलका क्रममा लागुऔषध प्रयोग, सुरक्षित खानेपानी तथा सरसफाइ, बालविवाह, TGBV, स्वास्थ्य सेवामा पहुँच, कमजोर सेवा प्रवाह, नातावाद तथा पक्षपात, स्थानीय योजना तथा बजेट निर्माणमा युवाको सीमित सहभागिता, सूचनाको पहुँच र अनलाइन दुर्व्यवहार लगायतका महत्वपूर्ण विषयहरू उठाइयो।
साथै, युवाहरूले सुरक्षित डिजिटल नागरिक स्थान, अर्थपूर्ण युवा सहभागिता, युवा–सरकारबीच प्रभावकारी संवाद तथा युवा नेतृत्व र advocacy का अवसर विस्तार गर्नुपर्नेमा जोड दिए। ✊
विशेषगरी नागरिक सहभागिताका प्लेटफर्ममा कम पहुँच भएका युवाहरूले पनि आफ्ना अनुभव, प्रश्न र विचार खुलेर राख्न पाएको यो कार्यक्रम निकै अर्थपूर्ण रह्यो।
युवाको आवाज सुन्ने मात्र होइन, निर्णय प्रक्रियामा स्थान दिने संस्कारको विकास आवश्यक छ। युवाको सहभागिताले नै जवाफदेही र समावेशी स्थानीय शासनलाई बलियो बनाउँछ। 💜
