19/04/2026
सरकारले अबदेखि सरकारी कर्मचारीहरूलाई अर्धमासिक रूपमा तलबभत्ता उपलब्ध गराउने निर्णय गरेको छ। अर्थ मन्त्रालयले महालेखा नियन्त्रक कार्यालयलाई पत्र लेख्दै नयाँ व्यवस्था कार्यान्वयनमा ल्याइएको जानकारी दिएको हो।
यसअघि राष्ट्रसेवक कर्मचारीहरूले मासिक रूपमा तलब पाउने व्यवस्था थियो। अब भने महिनामा दुई पटक तलब वितरण गरिनेछ, जसले कर्मचारीहरूको आर्थिक व्यवस्थापनमा सहजता ल्याउने अपेक्षा गरिएको छ।
अर्थ मन्त्रालयका अनुसार अर्थमन्त्रीस्तरीय निर्णयबाट यो नयाँ प्रणाली लागू गरिएको हो। मन्त्रालयका सहसचिव डा. सुमन दाहालले कर्मचारीको सुविधा र सहजताका लागि यस्तो व्यवस्था गरिएको बताएका छन्।
🔔🇳🇵
