29/08/2025
चुनावको प्रक्रिया नै पक्ष, विपक्ष, जित र हार हो।
चुनाव अवधिभर सबैले आ–आफ्नो उम्मेदवार जिताउन बल, बुद्धि, विवेक र रणनीतिक खेल खेल्नु सामान्य र स्वीकार्य कुरा हो। प्रतिस्पर्धा हुनु लोकतन्त्रको सौन्दर्य हो। आफ्नो पक्षको विपक्षमा खुलेरै समर्थन गर्नु वा सहयोग गर्नु पनि व्यक्तिको अधिकार हो – यसमा आपत्ति हुनुपर्ने कारण छैन।
तर दुर्भाग्यवश, केही मानिसहरू यस्तो डर लाग्दो र घृणित खेल खेल्दारहेछन्, जुन न त नैतिकतासँग मेल खान्छ, न त इमान्दार राजनीतिसँग।
यी व्यक्ति एकातिर समर्थन गरेजस्तो देखाउने – अग्रिम बधाइ दिँदै जित सुनिश्चित छ भन्ने भाषण गर्ने – तर अर्कोतिर आफैं मातहतका भोटहरू जम्मा गरेर अर्कै टिमसँग आर्थिक सौदा गर्ने! अनि अन्त्यमा अर्को समूहका उम्मेदवार मैदानमा उभ्याउने जस्ता हर्कत गर्ने!
अब यस्ता ‘दोहोरो चरित्र’ भएका व्यक्तिहरूको पहिचान गर्न अत्यन्त जरूरी भइसकेको छ। चाहे जुनसुकै पर्यटन संघ वा संस्था होस्, आगामी कुनै पनि चुनावमा यस्ता व्यक्तिबाट सचेत रहनै पर्छ। किनभने यस्ता मानिसहरूको सिकार तपाईं, हामी – जो कोही पर्न सक्छौं।
बरु चुनाव अवधिभर खुलेरै विपक्षको विरोध गरौं, इमान्दारीपूर्वक पक्ष–विपक्षमा उभिऔं। चुनावपछि हार–जित जे भए पनि हातेमालो गर्न सजिलो हुन्छ। तर सहयोग गरेजस्तो देखाएर पछाडि घोचो हान्नेहरूको व्यवहार कहिल्यै स्वीकार्य हुने छैन – न अहिले, न भविष्यमा।
हामी सचेत बनौं, सजग बनौं, र स्वच्छ प्रतिस्पर्धालाई सम्मान गरौं।
फुर दाईको सम्पूर्ण बिजयी टिमलाई सफल कार्यकालको शुभकामना !
NMA Election 2025 Kul Gurung Team समर्थक !
