13/08/2026
अब पहुँचयुक्त पुस्तकहरू अनलाइनमै!
मिति: २०८३/०४/२७ | काठमाडौं
नेपाल नेत्रहीन संघ र आइरीश दूतावास, दिल्लीको सहकार्यमा विकसित “आँखा डिजिटल पहुँचयुक्त पुस्तकालय” को प्रयोगसम्बन्धी एकदिने अभिमुखीकरण सम्पन्न भएको छ। कार्यक्रममा नेपालका सातै प्रदेशबाट दृष्टिसम्बन्धी अपाङ्गता भएका १५ जना प्रयोगकर्ताहरूको सहभागिता रहेको थियो। तालिममा सहभागीहरूलाई पुस्तकालयको प्रयोग, उपलब्ध पुस्तक तथा अध्ययन सामग्रीको खोजी र यसको प्रभावकारी उपयोगसम्बन्धी जानकारी प्रदान गरिएको थियो।
सहभागीहरूले पुस्तकालय प्रयोगसम्बन्धी स्व-अभ्यास तथा व्यावहारिक अभ्यास समेत गरेका थिए साथै, पुस्तकालयको प्रभावकारी प्रयोग, विस्तार तथा दिगोपनाका लागि आवश्यक सुझावहरू सङ्कलन तथा छलफल गरिएको थियो।
आँखा डिजिटल पहुँचयुक्त पुस्तकालय दृष्टिसम्बन्धी अपाङ्गता भएका व्यक्तिहरूका साथै, हातको कार्यक्षमता सीमित भएका व्यक्तिहरू तथा मुद्रित सामग्री प्रयोग गर्न कठिनाइ हुने अन्य अपाङ्गता भएका व्यक्तिहरूका लागि पुस्तक, सूचना तथा ज्ञानमा सहज पहुँच सुनिश्चित गर्ने महत्वपूर्ण डिजिटल माध्यम हो। यस बाट सम्बन्धित प्रयोगकर्ताहरूले इन्टरनेटको माध्यमबाट आफू जहाँ रहे पनि आफ्नै User ID सिर्जना गरी Login गरेर आवश्यक पुस्तक तथा अध्ययन सामग्री सहज रूपमा पढ्न सक्नेछन। यस प्रविधि बिकासमा सहकार्यका लागि श्री सागर प्रसाईलाइ हार्दिक धन्यवाद।
तालिमका सहभागीहरु:
कोशी:
१. दिल राज बंशी,
२. सीता बराइली
मदेश:
३. लक्ष्मेश्वोर महतो
४. अन्जु धिताल
बागमती:
१. जयन्ति दमाई
२. मदन रोकाया
३. शिव अग्रवाल
गण्डकी:
१. छबी आले
२. सुष्मा थापा
लुम्बिनी
१. सम्राट के.शी.
२. निमा बी. सी.
कर्णाली
१. तोरण अधिकारी
२. डिल्लीसारा धमला
सुदुरपश्चिम
१. बम बहादुर बि. क
२. पुनम कुमारी चौधरी
पुस्तक सबैका लागि, पहुँच सबैका लागि। 📚💻♿
#आँखाडिजिटलपुस्तकालय
