Nepal Buddhist Tamang Development Committee

Nepal Buddhist Tamang Development Committee Contact information, map and directions, contact form, opening hours, services, ratings, photos, videos and announcements from Nepal Buddhist Tamang Development Committee, Gokarneswor Municipality, Ward-04, Makalbari, Kathmandu.

नेपाल बुद्धिष्ट तामाङ सुधार समिति वि.सं. २०५७ सालमा स्थापना भएको एक गैर-नाफामूलक सेवामूखी सामाजिक संस्था हो जसले मूलत तामाङ जातिको मौलिक पहिचान, भाषा, धर्म र संस्कृतिको संरक्षण, संवर्द्धन र प्रवर्धन गर्दै समुदायको आर्थिक र सामाजिक विकासको लागि काम गर्दछ।

23/09/2026

📢 सम्पूर्ण सदस्यज्यूहरूमा विनम्र अनुरोध

नेपाल बुद्धिष्ट तामाङ सुधार समितिको सदस्य विवरणलाई व्यवस्थित तथा अद्यावधिक गर्ने उद्देश्यले तयार गरिएको KYM (Know Your Member) Form अनिवार्य रूपमा भरी सहयोग गरिदिनुहुन सम्पूर्ण सदस्यज्यूहरूमा हार्दिक अनुरोध गर्दछौं।

नेपाल बुद्धिष्ट तामाङ सुधार समिति

मिति: २०८३/०५/२६ गते, शुक्रबारकुशे औँसीको पावन अवसरमा नेपाल बुद्धिष्ट तामाङ सुधार समितिले एकै दिन तीनवटा कार्यक्रम सफलता...
11/09/2026

मिति: २०८३/०५/२६ गते, शुक्रबार

कुशे औँसीको पावन अवसरमा नेपाल बुद्धिष्ट तामाङ सुधार समितिले एकै दिन तीनवटा कार्यक्रम सफलतापूर्वक सम्पन्न गरेको छ।

यस अवसरमा रक्तदान, दिवंगत पितृहरूको सुगति तथा उत्तम पुनर्जन्मको कामनासहित दीप प्रज्वलन, साथै गोकर्णेश्वर महादेव मन्दिर दर्शन गर्न आउनुभएका श्रद्धालु भक्तजनहरूलाई निःशुल्क पानी तथा जुस वितरण गरिएको थियो।

मानवीय सेवा, श्रद्धा र करुणाको भावनासहित सम्पन्न यी कार्यक्रमहरूमा साथ, सहयोग तथा सहभागिता जनाउनुहुने सम्पूर्ण महानुभावहरूप्रति हार्दिक धन्यवाद व्यक्त गर्दछौँ। 🙏

नेपाल बुद्धिष्ट तामाङ सुधार समिति परिवार
गोकर्णेश्वर नगरपालिका–४, काठमाडौं

कुशे औशिको पावन अवसरमा दीप प्रज्वलन तथा पुण्य समर्पण कार्यक्रम भव्य रूपमा सम्पन्न नेपाल बुद्धिष्ट तामाङ सुधार समितिले उक...
11/09/2026

कुशे औशिको पावन अवसरमा दीप प्रज्वलन तथा पुण्य समर्पण कार्यक्रम भव्य रूपमा सम्पन्न

नेपाल बुद्धिष्ट तामाङ सुधार समितिले उक्त दिन रक्तदान कार्यक्रमसँगै दिवंगत हुनुभएका सम्पूर्ण पितृहरूको सुगति तथा उत्तम पुनर्जन्मको कामनासहित दीप प्रज्वलन तथा पुण्य समर्पण कार्यक्रम भव्य एवं श्रद्धापूर्ण वातावरणमा सम्पन्न गरेको छ।
उक्त कार्यक्रम समितिका धार्मिक तथा लामा विभागका संयोजक पेसोल तामाङ ज्यूको संयोजकत्वमा सम्पन्न भएको छ।

यस पुण्य कार्यमा सहभागी हुनुभएका प्रमुख लामा कुबेर तामाङ लगायत सम्पूर्ण लामा गुरुहरू, पदाधिकारी, सदस्य तथा श्रद्धालु महानुभावहरूमा हार्दिक धन्यवाद व्यक्त गर्दछौँ। 🙏

नेपाल बुद्धिस्ट तामाङ सुधार समित परिवार

🩸 बृहत् रक्तदान कार्यक्रम भव्य रूपमा सम्पन्न — हार्दिक धन्यवाद! 🙏नेपाल बुद्धिष्ट तामाङ सुधार समिति र दुप्चेश्वर बचत तथा ...
11/09/2026

🩸 बृहत् रक्तदान कार्यक्रम भव्य रूपमा सम्पन्न — हार्दिक धन्यवाद! 🙏

नेपाल बुद्धिष्ट तामाङ सुधार समिति र दुप्चेश्वर बचत तथा ऋण सहकारी संस्था लिमिटेडको संयुक्त आयोजना, गोकर्णेश्वर नगरपालिकाको सहयोग तथा नेपाल मेडिकल कलेज ब्लड बैंकको प्राविधिक सहकार्यमा आयोजित बृहत् रक्तदान कार्यक्रम सफलतापूर्वक सम्पन्न भएको छ।

हालै नेपालमा आएको भीषण बाढी–पहिरोमा परी घाइते हुनुभएका व्यक्तिहरू तथा रगतको आवश्यकता परेका गोकर्णेश्वर नगरवासीहरूलाई रगतको अभाव हुन नदिने मानवीय उद्देश्यले उक्त कार्यक्रम आयोजना गरिएको हो।

कार्यक्रममा दुप्चेश्वर सहकारीका अध्यक्ष श्री रूप तामाङ, नेपाल बुद्धिष्ट तामाङ सुधार समितिका अध्यक्ष श्री दीपक तामाङ, गोकर्णेश्वर नगरपालिका वडा नं. ४ का वडाध्यक्ष श्री जयराम महत ज्यु , समितिका संरक्षक श्री सुनबहादुर तामाङ ज्युउ , वडा सदस्य श्री राजेश श्रेष्ठ ज्यु, समितिका सल्लाहकारहरू श्री राजेन्द्र तामाङ ज्यु, श्री ग्याल्बोन तामाङ ज्यु, श्री नरेश तामाङ ज्यु र श्री पूर्ण तामाङ ज्यु, नेपाल मेडिकल कलेज ब्लड बैंकका संयोजक श्री सञ्जय आचार्य ज्यु तथा दुप्चेश्वर सहकारीका प्रबन्धक श्री उमेश राय ज्युको उपस्थिति रहेको थियो।

कार्यक्रमको सञ्चालन नेपाल बुद्धिष्ट तामाङ सुधार समितिका महासचिव एवं दुप्चेश्वर बचत तथा ऋण सहकारी संस्था लिमिटेडका सचिव श्री चन्द्रमान तामाङज्यूले गर्नुभएको थियो।

साथै, दुवै संस्थाका पदाधिकारी, सञ्चालक समिति सदस्य, सदस्य, शुभचिन्तक तथा रक्तदाताहरूको उल्लेखनीय सहभागिताले कार्यक्रम भव्य र सफल बनेको छ।

आफ्नो अमूल्य रगत दान गरी जीवन बचाउने यस पुण्य कार्यमा सहभागी हुनुहुने सम्पूर्ण रक्तदाताहरूप्रति विशेष आभार व्यक्त गर्दछौँ। सहयोगी गोकर्णेश्वर नगरपालिका, प्राविधिक सेवा प्रदान गर्ने नेपाल मेडिकल कलेज ब्लड बैंकको टोली, उपस्थित अतिथिहरू तथा कार्यक्रम सफल बनाउन प्रत्यक्ष–अप्रत्यक्ष योगदान पुर्‍याउनुहुने सम्पूर्ण महानुभावहरूलाई हार्दिक धन्यवाद ज्ञापन गर्दछौँ।

नेपाल बुद्धिष्ट तामाङ सुधार समिति परिवार
दुप्चेश्वर बचत तथा ऋण सहकारी संस्था लिमिटेड परिवार

हार्दिक निमन्त्रणा !!!कुशे औँसी (बुबाको मुख हेर्ने दिन) को पावन अवसरमा दिवंगत पितृहरूको सुगति तथा चिरशान्तिको कामनासहित ...
09/09/2026

हार्दिक निमन्त्रणा !!!

कुशे औँसी (बुबाको मुख हेर्ने दिन) को पावन अवसरमा दिवंगत पितृहरूको सुगति तथा चिरशान्तिको कामनासहित आयोजना हुने छोक पूजा तथा दीप प्रज्वलन कार्यक्रममा सम्पूर्ण धर्मप्रेमी महानुभावहरूलाई सादर निमन्त्रणा गर्दछौँ।

मिति: २०८३ भाद्र २६ गते, शुक्रबार
समय: बिहान ८ बजे
स्थान: नेपाल बुद्धिष्ट तामाङ सुधार समितिको गुम्बा, माकलबारी

छोक, बत्ती तथा खानाको व्यवस्था संस्थाले नै गर्नेछ।

बृहत् रक्तदान कार्यक्रमसम्बन्धी सूचना 🩸मिति २०८३ भाद्र १८ गते बसेको कार्यसमिति बैठकको निर्णयअनुसार, कुशे औँसीको पावन अवस...
07/09/2026

बृहत् रक्तदान कार्यक्रमसम्बन्धी सूचना 🩸

मिति २०८३ भाद्र १८ गते बसेको कार्यसमिति बैठकको निर्णयअनुसार, कुशे औँसीको पावन अवसर पारेर रसुवा बाढी–पहिरोबाट घाइते भएका व्यक्तिहरू तथा गोकर्णेश्वर नगरवासीलाई रगतको अभाव हुन नदिने उद्देश्यले बृहत् रक्तदान कार्यक्रम आयोजना गरिएको छ।

मिति: २०८३ भाद्र २६ गते, शुक्रबार
समय: बिहान ७:०० देखि ११:०० बजेसम्म
स्थान: नेपाल बुद्धिष्ट तामाङ सुधार समितिको प्राङ्गण

यस मानवीय कार्यक्रममा उपस्थित भई रक्तदान गरिदिनुहुन संस्थाका संरक्षक, सल्लाहकार, पदाधिकारी, कार्यसमिति सदस्य, आजीवन सदस्य, साधारण सदस्य तथा सम्पूर्ण शुभेच्छुक महानुभावहरूमा हार्दिक अनुरोध गर्दछौँ।

रक्तदान जीवनदान—तपाईंको एक थोपा रगतले कसैको जीवन बचाउन सक्छ। 🙏

दुःखमा साथ, मानवताको हात आज मिति २०८३/०५/१८ गते, बाढी–पहिरो तथा प्राकृतिक विपत्तिबाट मृत्युको मुखबाट बाँच्न सफल भएका प्र...
03/09/2026

दुःखमा साथ, मानवताको हात

आज मिति २०८३/०५/१८ गते, बाढी–पहिरो तथा प्राकृतिक विपत्तिबाट मृत्युको मुखबाट बाँच्न सफल भएका प्रभावित परिवारहरूले कठिन परिस्थितिमा कम्तीमा एक छाक भए पनि खाना खान पाऊन् भन्ने मानवीय उद्देश्यले नेपाल बुद्धिष्ट तामाङ सुधार समितिले संस्थागत रूपमा रु. २,५०,०००/- तथा विभिन्न मनकारी दाताहरूबाट संकलित सहयोग रकम गोकर्णेश्वर नगरपालिकाको राहत कोषमा जम्मा गरेको छ।

यो केवल आर्थिक सहयोग होइन, विपत्तिमा परेका परिवारप्रति हाम्रो माया, करुणा र मानवीय एकताको सानो प्रयास हो।

यस पुण्य कार्यमा हातेमालो गर्नुहुने सम्पूर्ण सहयोगी मनहरूप्रति हृदयदेखि नै आभार तथा धन्यवाद।

नेपाल बुद्धिष्ट तामाङ सुधार समिति
गोकर्णेश्वर–४, माकलबारी

विशेष मोलम प्रार्थना, दीप प्रज्वलन तथा पुण्य समर्पण कार्यक्रम सम्पन्न 🙏आज नेपाल बुद्धिष्ट तामाङ सुधार समितिद्वारा आयोजित...
02/09/2026

विशेष मोलम प्रार्थना, दीप प्रज्वलन तथा पुण्य समर्पण कार्यक्रम सम्पन्न 🙏

आज नेपाल बुद्धिष्ट तामाङ सुधार समितिद्वारा आयोजित विशेष मोलम प्रार्थना, दीप प्रज्वलन तथा पुण्य समर्पण कार्यक्रम अत्यन्त श्रद्धा, शान्ति र भावनात्मक वातावरणमा सम्पन्न भएको छ।

हालैको बाढी–पहिरो तथा प्राकृतिक विपत्तिमा परी दिवंगत हुनुभएका सम्पूर्ण प्राणीहरूले सुगति प्राप्त गरून्, अन्धकारमा भौँतारिएका चित्तहरूलाई दीपको उज्यालोले सही मार्ग देखाओस् र उत्तम पुनर्जन्म प्राप्त होस् भन्ने कामनासहित विशेष मोलम प्रार्थना तथा दीप प्रज्वलन गरिएको थियो।

साथै, विपत्तिबाट प्रभावित भई बाँचिरहेका परिवारहरूले कठिन अवस्थामा कम्तीमा एक छाक भए पनि भोजन पाउन सकून् र उनीहरूको दुःखमा थोरै भए पनि राहत पुग्न सकोस् भन्ने मानवीय उद्देश्यले राहत सहयोग रकमसमेत संकलन गरिएको छ।

यस पुण्य कार्यलाई विधिपूर्वक सम्पन्न गराउन विशेष मार्गदर्शन तथा मोलम प्रार्थना गरिदिनुहुने आदरणीय खेन्पो पासाङ ग्याल्छेनज्यूमा विशेष हार्दिक धन्यवाद तथा कृतज्ञता व्यक्त गर्दछौँ। साथै, श्रद्धापूर्वक सहभागी भई कार्यक्रमलाई सफल बनाउन सहयोग पुर्‍याउनुहुने सम्पूर्ण माने आमाहरूमा विशेष धन्यवाद।

यस पुण्य कार्यमा उपस्थित भई प्रार्थना गर्नुहुने, दीप प्रज्वलन गर्नुहुने, आर्थिक सहयोग प्रदान गर्नुहुने तथा प्रत्यक्ष–अप्रत्यक्ष रूपमा साथ र सहयोग गर्नुहुने सम्पूर्ण संरक्षक, सल्लाहकार, पदाधिकारी, सदस्य, धर्मप्रेमी महानुभाव तथा शुभेच्छुकहरूमा हार्दिक धन्यवाद तथा कृतज्ञता व्यक्त गर्दछौँ। 🙏

नेपाल बुद्धिष्ट तामाङ सुधार समिति परिवार 🙏☸️

विशेष मोलम प्रार्थना, दीप प्रज्वलन तथा पुण्य समर्पण कार्यक्रम हालै नेपालमा आएको बाढी–पहिरो तथा प्राकृतिक विपत्तिमा परी द...
31/08/2026

विशेष मोलम प्रार्थना, दीप प्रज्वलन तथा पुण्य समर्पण कार्यक्रम

हालै नेपालमा आएको बाढी–पहिरो तथा प्राकृतिक विपत्तिमा परी दिवंगत हुनुभएका सम्पूर्ण प्राणीहरूको सुगति प्राप्ति तथा उत्तम पुनर्जन्मको कामना गर्दै, साथै विपत्तिबाट प्रभावित सम्पूर्ण प्राणीहरूको दुःख–कष्ट निवारण, सुख–शान्ति, कल्याण तथा सर्वसत्त्वको हितका लागि विशेष मोलम प्रार्थना तथा पुण्य समर्पण कार्यक्रम आयोजना गरिएको छ।

मिति: २०८३/०५/१७ गते, बुधबार
समय: बिहान १०:०० बजे
स्थान: नेपाल बुद्धिष्ट तामाङ सुधार समितिको प्राङ्गण
आयोजक: नेपाल बुद्धिष्ट तामाङ सुधार समिति

यस पुण्य कर्मबाट प्राप्त सम्पूर्ण पुण्य समस्त सत्त्व प्राणीहरूको हित, सुख र कल्याणमा समर्पित होस्।

सम्पूर्ण धर्मप्रेमी महानुभावहरूमा सादर उपस्थितिका लागि हार्दिक अनुरोध गर्दछौँ।

Address

Gokarneswor Municipality, Ward-04, Makalbari
Kathmandu

Website

Alerts

Be the first to know and let us send you an email when Nepal Buddhist Tamang Development Committee posts news and promotions. Your email address will not be used for any other purpose, and you can unsubscribe at any time.

Shortcuts

Share