13/11/2025
हजुरबा पुस्ता — राज गरिरह्यो,
छोरा पुस्ता — आसैआसमा हरायो,
तर हेर, नाति पुस्ता जुर्मुरायो, उठ्यो !
अब पुरानो नक्सा फेर्ने दिन आयो !
यो नयाँ युग हो, नयाँ सोच हो,
पुराना मुखौटा, अब बेमेल हो ।
राजनीतिका नाममा, लुटेर खान पाइँदैन,
अब हामी बोल्छौं — सत्य, गर्जन रोकिँदैन !
तिमीले पिताको उमेर देख्यौ,
तर जिम्मेवारी बुझ्यौ कि ?
देश तिम्रो जागिर होइन,
हाम्रो भविष्यको पाना हरु — पढ्यौ कि ?
अब समयको भाषा बदलिन्छ,
रगतमा बग्ने क्रान्ति जगिन्छ ।
हामी डराउँदैनौं, हामी रोकिँदैनौं,
— यही हाम्रो नारा हो !
