Vishwa Hindu Parishad, Nepal, Matatirtha, Kathmandu (2026)

26/09/2026

🕉️ केन्द्रीय बैठक–२०८३ सम्पन्न

विविध सांगठनिक निर्णयसहित विश्व हिन्दू परिषद् नेपाल एवं जनकल्याण प्रतिष्ठानको केन्द्रीय बैठक सम्पन्न

काठमाडौं, असोज १० ।
विश्व हिन्दू परिषद् नेपाल एवं जनकल्याण प्रतिष्ठानको दुईदिने केन्द्रीय बैठक–२०८३ आज असोज १० गते पतञ्जली योगपीठ, मण्डिखाटार, काठमाडौंमा विविध महत्वपूर्ण सांगठनिक निर्णयहरू गर्दै सम्पन्न भएको छ।

बैठकमा संगठनको आगामी कार्यदिशा, सांगठनिक विस्तार, कार्यकर्ता विकास, सेवा कार्य तथा आगामी कार्यक्रमहरूका विषयमा व्यापक छलफल गरी आवश्यक निर्णयहरू गरिएको छ।

बैठकमा राष्ट्रिय तथा प्रदेश समितिका पदाधिकारीहरू, पूर्णकालीन कार्यकर्ताहरू तथा सम्बन्धित जिम्मेवार पदाधिकारीहरूको सहभागिता रहेको थियो।

बैठकले संगठनलाई थप व्यवस्थित, गतिशील र प्रभावकारी बनाउँदै समाज सेवा, संगठन विस्तार तथा हिन्दू समाजको एकता र जागरणका कार्यलाई थप गति दिने प्रतिबद्धता व्यक्त गरेको छ।

🕉️ मम दीक्षा हिन्दू रक्षा ।
मम मन्त्र समानता ।

विश्व हिन्दू परिषद् नेपाल
जनकल्याण प्रतिष्ठान

#विश्वहिन्दूपरिषदनेपाल #जनकल्याणप्रतिष्ठान #केन्द्रीयबैठक२०८३ #सांगठनिकबैठक #केन्द्रीयनिर्णय

25/09/2026

🕉️ केन्द्रीय बैठक–२०८३

विश्व हिन्दू परिषद् नेपाल एवं जनकल्याण प्रतिष्ठानको केन्द्रीय बैठक–२०८३ सुरु

काठमाडौं, असोज ९ ।
पतञ्जली योगपीठ, मण्डिखाटार, काठमाडौंमा विश्व हिन्दू परिषद् नेपाल एवं जनकल्याण प्रतिष्ठानको केन्द्रीय बैठक–२०८३ को उद्घाटन सत्र सञ्चालन भइरहेको छ।

उद्घाटन सत्रमा विश्व हिन्दू परिषद्का अन्तर्राष्ट्रिय संगठन महामन्त्री माननीय मिलिन्द पराण्डे जी सहित राष्ट्रिय अध्यक्ष श्री पुरुषोत्तम भण्डारी, महासचिव श्री राजेन्द्र प्रसाद चौधरी, सचिव श्री महेन्द्र पन्त, पूर्व अध्यक्ष श्री टिका पहारी, हिन्दू स्वयंसेवक संघ नेपालका राष्ट्रिय प्रचारक माननीय वेद प्रकाश जी, संघचालक माननीय कल्याण कुमार तिम्सिना जी, जनकल्याण प्रतिष्ठानका राष्ट्रिय अध्यक्ष श्री विनोद पोद्दार जी लगायत विशिष्ट व्यक्तित्वहरूको उपस्थिति रहेको छ।

बैठकमा राष्ट्रिय तथा प्रदेश समितिका पदाधिकारीहरू एवं पूर्णकालीन कार्यकर्ताहरू सहभागी छन्।

📍 पतञ्जली योगपीठ, मण्डिखाटार, काठमाडौं
📅 असोज ९–१०, २०८३

🕉️ मम दीक्षा हिन्दू रक्षा ।
मम मन्त्र समानता ।

#विश्वहिन्दूपरिषदनेपाल #जनकल्याणप्रतिष्ठान #केन्द्रीयबैठक२०८३ #उद्घाटनसत्र

20/09/2026

#साइबर_अपराध तथा सामाजिक दायित्वसम्बन्धी अभिमुखीकरण कार्यक्रम सम्पन्न

विराटनगर, २०८३ भदौ ४ गते। विश्व हिन्दू परिषद् नेपाल, कोशी प्रदेशको आयोजना तथा कोशी प्रदेश प्रहरी कार्यालयको सहकार्यमा साइबर अपराध तथा सामाजिक दायित्वसम्बन्धी अभिमुखीकरण कार्यक्रम विराटनगरस्थित कञ्चनजंघा पार्टी प्यालेसमा सम्पन्न भएको छ।

कार्यक्रममा कोशी प्रदेश प्रहरी कार्यालयका वरिष्ठ सहायक निरीक्षक श्री नारायण अधिकारीले साइबर अपराधका प्रकृति तथा जोखिम, सामाजिक सञ्जालको सुरक्षित र जिम्मेवार प्रयोग, साइबर अपराधबाट जोगिन अपनाउनुपर्ने सावधानी तथा साइबरजन्य जोखिम न्यूनीकरणका उपायहरूबारे सहभागीहरूलाई विस्तृत अभिमुखीकरण प्रदान गर्नुभयो।

सो अवसरमा उहाँले प्रविधिको बढ्दो प्रयोगसँगै साइबर अपराधका स्वरूप तथा जोखिमसमेत विस्तार हुँदै गएकाले सामाजिक सञ्जाल तथा डिजिटल माध्यमको प्रयोग गर्दा व्यक्तिगत सूचना, गोपनीयता तथा सुरक्षाप्रति विशेष सजग रहनुपर्नेमा जोड दिनुभयो। साथै, साइबर अपराधको रोकथाम तथा सुरक्षित डिजिटल वातावरण निर्माणमा नागरिकको सचेतना र जिम्मेवार व्यवहारको महत्वपूर्ण भूमिका रहने विषयमा जानकारी गराउनुभयो।

कार्यक्रममा सामाजिक दायित्व, नागरिक सचेतना, जिम्मेवार सामाजिक व्यवहार तथा प्रविधिको सदुपयोगका विषयमा समेत अन्तरक्रियात्मक छलफल गरिएको थियो। सहभागीहरूलाई साइबर अपराधबाट आफू सुरक्षित रहनुका साथै परिवार, समुदाय तथा समाजमा समेत साइबर सुरक्षासम्बन्धी सचेतना अभिवृद्धि गर्न प्रेरित गरिएको थियो।

विश्व हिन्दू परिषद् नेपालले सामाजिक जागरण, नागरिक सचेतना, सेवा तथा जिम्मेवार सामाजिक सहभागितालाई प्राथमिकतामा राख्दै विभिन्न जनचेतनामूलक तथा अभिमुखीकरण कार्यक्रमहरू सञ्चालन गर्दै आएको छ। यसै क्रममा आयोजित उक्त कार्यक्रमले डिजिटल युगमा सुरक्षित, सचेत तथा जिम्मेवार नागरिक निर्माणका लागि सकारात्मक योगदान पुर्‍याएको आयोजकले जनाएको छ।
Nepal Police Cyber Bureau PMO Nepal हेलो गृह मन्त्रालय - Ministry of Home Affairs - Nepal Sudan Gurung Supporters✅ B***n fans
#विश्वहिन्दूपरिषदनेपाल #कोशीप्रदेश #साइबरसुरक्षा #साइबरअपराध #सामाजिकदायित्व #नागरिकसचेतना #डिजिटलसुरक्षा #जनचेतना #विराटनगर

14/09/2026

🌺 हरितालिका तीज विशेष सेवा कार्य 🌺
हरितालिका तीजको पावन अवसरमा पशुपतिनाथ मन्दिर क्षेत्रमा विश्व हिन्दू परिषद् नेपालका स्वयंसेवकहरूद्वारा श्रद्धालु भक्तजनको सेवामा समर्पित सेवा कार्य। 🙏🚩
#हरितालिका_तीज #पशुपतिनाथ #सेवा_कार्य #स्वयंसेवक #हरहरमहादेव #जयश्रीराम

07/09/2026

🕯️ #भोटेकोशी बाढीमा दिवंगतहरूप्रति दीप प्रज्वलनसहित श्रद्धाञ्जली

काठमाडौं । मिति २०८३ साल भाद्र १० गते भोटेकोशी नदीमा आएको असामान्य बाढीका कारण देशका विभिन्न भागमा भएको ठूलो भौतिक तथा मानवीय क्षतिप्रति गहिरो दुःख व्यक्त गर्दै विश्व हिन्दू परिषद् नेपालको आयोजनामा दीप प्रज्वलन तथा हार्दिक श्रद्धाञ्जली अर्पण कार्यक्रम सम्पन्न भएको छ।

२०८३ भाद्र २२ गते सोमबार साँझ ६ बजे काठमाडौं, पोखरा, सप्तरी, सिरहा, धनुषा, महोत्तरी, बुटवल लगायत देशका विभिन्न स्थानमा आयोजित कार्यक्रममा सहभागीहरूले बाढी तथा प्राकृतिक विपत्तिका कारण ज्यान गुमाउनुभएका सम्पूर्ण दिवंगत आत्माहरूप्रति दीप प्रज्वलन गर्दै भावपूर्ण श्रद्धाञ्जली अर्पण गरे।

कार्यक्रममार्फत दिवंगत आत्माहरूको चिरशान्तिको कामना गर्दै शोकसन्तप्त परिवारजनप्रति हार्दिक समवेदना व्यक्त गरिएको थियो। साथै, घाइतेहरूको शीघ्र स्वास्थ्यलाभ तथा अझै बेपत्ता रहेकाहरूको सकुशल उद्धारको कामना गरिएको थियो।

विपत्तिको यस दुःखद् घडीमा पीडित परिवार तथा प्रभावित समुदायप्रति विश्व हिन्दू परिषद् नेपालले ऐक्यबद्धता, सहानुभूति र मानवीय संवेदना प्रकट गरेको छ।

🪔 दिवंगत आत्माहरूको चिरशान्तिको कामना।
🙏 शोकसन्तप्त परिवारजनमा हार्दिक समवेदना।

ॐ शान्तिः शान्तिः शान्तिः। 🕉️

विश्व हिन्दू परिषद्, नेपाल

#विश्वहिन्दूपरिषदनेपाल #भोटेकोशीबाढी #दीपप्रज्वलन #हार्दिकश्रद्धाञ्जली #श्रद्धाञ्जली #मानवीयसंवेदना #प्राकृतिकविपत्ति

06/09/2026

#विराटनगर

27/08/2026

#बाढी_प्रभावित_क्षेत्रमा विश्व हिन्दू परिषद् नेपालको #राहत_तथा_उद्धार सेवा प्रारम्भ

🌊 उद्धार, सेवा र सहयोगका लागि एकजुट बनौँ। 🙏

भोटेकोशी तथा त्रिशूली नदीमा आएको भीषण बाढीका कारण रसुवा, नुवाकोट, धादिङलगायतका विभिन्न क्षेत्रमा उत्पन्न विपद्को कठिन परिस्थितिमा विश्व हिन्दू परिषद् नेपालका स्वयंसेवकहरू राहत, उद्धार तथा मानवीय सेवाका लागि प्रभावित क्षेत्रमा परिचालित भएका छन्।

यसै क्रममा स्वयंसेवकहरूको टोली सोलार बत्ती, त्रिपाल तथा खाद्यान्नलगायत आवश्यक राहत सामग्रीसहित काठमाडौंबाट प्रभावित क्षेत्रतर्फ प्रस्थान गरेको छ। टोलीले स्थानीय तह, प्रशासन तथा सुरक्षा निकायसँग समन्वय गर्दै प्रभावित नागरिकको अवस्था बुझ्ने, आवश्यकताको पहिचान गर्ने तथा उद्धार, राहत र सेवा कार्यमा सक्रिय सहभागिता जनाइरहेको छ।

विपद्को यस कठिन घडीमा हिन्दू स्वयंसेवक संघ नेपाल, विश्व हिन्दू परिषद् नेपाल, जनकल्याण प्रतिष्ठान, जनजाति कल्याण आश्रम, सेवा इन्टरनेशनल लगायतका संस्थाका स्वयंसेवकहरू प्रभावित क्षेत्रमा सेवा कार्यमा खटिएका छन्।

विश्व हिन्दू परिषद् नेपालले देशभर रहेका आफ्ना स्वयंसेवक तथा कार्यकर्ताहरूलाई आवश्यकताअनुसार प्रभावित क्षेत्रमा परिचालित भई उद्धार, राहत तथा मानवीय सेवामा सक्रिय सहभागी हुन आह्वान गरेको छ।

यस विपद्मा ज्यान गुमाउनुहुने सम्पूर्णप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनप्रति हार्दिक समवेदना तथा घाइते एवं प्रभावित नागरिकहरूको शीघ्र स्वास्थ्यलाभको कामना गर्दछौँ।

🤝 विपद्को घडीमा मानवताको सेवा नै सर्वोच्च धर्म हो।

उद्धार • सेवा • सहयोग

📞 सम्पर्क:
भट्ट मिलन: ९८४–८४५००४९
कपिल भट्ट: ९८५–११६१४५५
प्रह्लाद रेग्मी: ९८५–११४१४२६

#विश्वहिन्दूपरिषद्ननेपाल #राहत #उद्धार #मानवीयसेवा #बाढीपीडित #विपद्मासेवा #सेवाकार्य #उद्धारसेवा #सहयोग fans PMO Nepal B***n हेलो गृह मन्त्रालय - Ministry of Home Affairs - Nepal Nepal Police Nepali Army

27/08/2026

नेपाल त्रासदी पर विश्व हिन्दू परिषद की संवेदना और सहायता की घोषणा:
26,अगस्त,2026। दिल्ली
विश्व हिन्दू परिषद तिब्बत- नेपाल सीमा पर आई प्राकृतिक आपदा के फलस्वरूप रसुआ की भोटेकोशी नदी में भीषण जलप्रवाह से हुई जन-धन की भारी हानि पर गहरी संवेदना व्यक्त करती है। परिषद और संपूर्ण हिंदू समाज इस विपदा की घड़ी में नेपाली समाज, पीड़ित परिवारों और प्रभावित जनसमुदाय के साथ खड़ा है। कैलाश मानसरोवर की तीर्थयात्रा पर गये यात्रियों के जीवन पर मंडराये संकट पर परिषद चिंता और गहरा दुख व्यक्त करती है।
परिषद ने निश्चय किया है कि भारत सरकार द्वारा दी जा रही विभिन्न प्रकार की सहायता के अतिरिक्त भारतीय समाज की ओर से भी राहत सामग्री और सहायता राशि संग्रह करेगी और प्रभावित क्षेत्रों में पीड़ितों को उपलब्ध करायेगी।
बजरंग बागड़ा
महामंत्री

Vishwa Hindu Parishad, Nepal

26/09/2026

25/09/2026

20/09/2026

14/09/2026

07/09/2026

06/09/2026

27/08/2026

27/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request