28/08/2026
समकालीन साहित्य चौतारीका संस्थापक अध्यक्ष, कुशल कार्यक्रम प्रस्तोता, कवि/गजलकार Bimala Chand सानूज्यूलाई जन्मदिनको अवसरमा मङ्गलमय शुभकामना । आगामी दिनहरु अझै उर्जामय बनून् । हार्दिक शुभकामना ।
नारीका हक बोल्छ ती कलमले आगो बनी सिर्जना
अत्याचार विरुद्धमा सहजले गर्छन् ठुलो गर्जना
यस्तै ताप रहोस् कडा बनिरहोस यी काव्यका साथमा
लाखौं लाख म दिन्छु जन्मदिनको लाखौं मिठो कामना
बाटो रोज्न तयार हुन् विरसिला कर्मण्य होस् साधन
राखोस् कैरव माथमा भुवनले होस् नामको आर्जन
फैलुन् चार दिशा विचार सबमा राखून् सुखी कामना
लाखौं लाख म दिन्छु जन्मदिनको लाखौं मिठो कामना
जस्तै हुन् छलछाम ती अबुझका बढ्दै रहून् पाइला
सारा विश्व ब्रह्माण्ड जित्न सकिने हुन् तेज झन् हर्सिला
राख्दै छौ पद चाप ती सरसिला उम्दा बनोस् कामना
लाखौं लाख म दिन्छु जन्मदिनको लाखौं मिठो कामना
वाणी तेज छ तीव्रता कलममा आगो मसी लेख्दछ,
जे जे छन् विष फैलिने गजबले ठ्याक्कै तसै देख्दछ,
बोल्नैमा पछि हुन्न त्यो हरघडी बोल्नै हुने ठाउँमा,
लाखौं लाख म दिन्छु जन्मदिनमा लाखौं मिठो कामना
राखी देश र कालको उदरमा ब्रह्माण्डको सिर्जना,
औल्याई ठिक आज बेठिक भनी चैतन्यको अर्चना
यस्तै दुर्लभ शौर्य लौकिक हुने पूरा बनून् चाहना
लाखौं लाख म दिन्छु जन्मदिनमा लाखौं मिठो कामना
हुन् देवी हर काममा सहज भै हाँसून् सदा सर्वदा
आशीर्वाद यसै गरी रहि रहोस् ठूला बडाको सदा,
यस्तै आदर प्रेमको भुवनमा छर्दै नयाँ नामना
लाखौं लाख म दिन्छु जन्मदिनमा लाखौं मिठो कामना
नारीको बल कर्ममा सबलले गर्दै सधैँ उन्नति
नारीको हक जित्नमा हृदयका फाल्यौ सदा दुर्गति
सारै कोकिल कण्ठमा रस भरी मुस्कान छर्छौ घना
लाखौं लाख म दिन्छु जन्मदिनको लाखौं मिठो कामना
फैलोस् कीर्ति सधैँ अनन्त गतिमा त्यो सुर्य आभा सरी
इच्छा पूर्ण बनून् सदैव मनका पूरा गरून् ती हरि
भागून् सङ्कट कष्ट पीर सजिलै यै गर्छु है बन्दना
लाखौं लाख म दिन्छु जन्मदिनको लाखौं मिठो कामना
