14/03/2026
बालिका इनिसा बि.क. माथि भएको अमानवीय बलात्कार तथा हत्या जस्तो जघन्य घटनाप्रति गहिरो दुःख तथा घोर निन्दा व्यक्त गर्दै, दिवंगत बालिकाप्रति श्रद्धाञ्जली अर्पण तथा दोषीमाथि कडा कानुनी कारबाहीको मागका साथ श्रद्धाञ्जली तथा दीप प्रज्वलन कार्यक्रम आयोजना गरिने जानकारी गराइन्छ।
नेपालको संविधान तथा प्रचलित कानुनले सुनिश्चित गरेको मानव अधिकार, बालअधिकार तथा न्यायको संरक्षणका लागि दोषी जो–कोही भए पनि निष्पक्ष छानबिन गरी कडा भन्दा कडा कानुनी कारबाही गरियोस् भन्ने हाम्रो दृढ माग रहेको छ। साथै यस प्रकारका जघन्य अपराध पुनः दोहोरिन नदिन राज्यका सम्बन्धित निकायहरूले प्रभावकारी कदम चालून् भन्ने पनि जोडदार माग गर्दछौं।
यस कार्यक्रममार्फत दिवंगत बालिकाको आत्माको चिरशान्तिको कामना गर्दै न्यायको पक्षमा सामूहिक आवाज उठाउने उद्देश्य राखिएको छ। त्यसैले यस कार्यक्रममा पूर्व अध्यक्षज्यू, सचेत नागरिक, समाजसेवी, युवा वर्ग तथा सम्पूर्ण सरोकारवाला महानुभावहरूलाई उपस्थित भई दिवंगत बालिकाप्रति श्रद्धाञ्जली अर्पण गर्न तथा न्यायको आवाज बुलन्द बनाउन हार्दिक अनुरोध गर्दछौं।
कार्यक्रम विवरण:
📅 मिति: २०८२ साल चैत १ गते
🕕 समय: बेलुका ६:०० बजे
📍 स्थान: गोलचोक, इनरुवा
अनुरोधकर्ता
जेसी मनाेज निराैला
अध्यक्ष २०२६
तथा इनरुवा जेसिज परिवार।
🙏🕯️
