Eden Scouts Troop - Butwal

06/09/2026

🎉 जन्मदिनको हार्दिक शुभकामना 🎉
इडन इङ्गलिस बोर्डिङ्ग स्कुल, बुटवल–११, नहरपुरमा कक्षा के.जी. “बी” मा अध्ययनरत विद्यार्थी मनसुन भट्टराईले आफ्नो जन्मदिनको शुभ अवसरमा इडन स्काउट ट्रुपलाई रु. १५५/- सहयोग गर्नुभएकोमा हार्दिक धन्यवाद व्यक्त गर्दछौँ।
नानी मनसुन भट्टराईलाई जन्मदिनको हार्दिक मंगलमय शुभकामना व्यक्त गर्दै सुख, शान्ति, सुस्वास्थ्य तथा उत्तरोत्तर प्रगतिको हार्दिक शुभकामना व्यक्त गर्दछौँ। 🎂🎈🎁
इडन स्काउट ट्रुप
बुटवल–११, नहरपुर

28/08/2026

जनै पूर्णिमाको हार्दिक शुभकामना
जनै पूर्णिमा तथा रक्षा बन्धनको शुभ अवसरमा सम्पूर्ण अभिभावकज्यू, शिक्षक–कर्मचारी, विद्यार्थी भाइबहिनी तथा देश–विदेशमा रहनुभएका सम्पूर्ण नेपाली दाजुभाइ तथा दिदीबहिनीहरूमा सुख, शान्ति, समृद्धि, सुस्वास्थ्य एवं दीर्घायुको हार्दिक मंगलमय शुभकामना गर्दछौ।
शिवहरी भट्टराई
प्राचार्य
एवम्
इडन मा वि परिवार

27/08/2026

देशका लागि एकता

🇳🇵 आफ्नो देश दुःखमा परेको बेला हामी सबैको सानो सहयोगले ठूलो आशा जगाउन सक्छ।

देशमा परेको विपद्को यस कठिन घडीमा प्रधानमन्त्री दैवी प्रकोप उद्धार कोषमा आफूले सक्ने रकम जम्मा गरी सहयोग गरौँ।
रकम सानो होस् वा ठूलो—देश र देशवासीका लागि गरिएको हरेक सहयोग अमूल्य हुन्छ।

🙏 आउनुहोस्, दुःखमा परेका नेपालीको साथ बनौँ।
🇳🇵 सहयोग गरौँ, मानवता जोगाऔँ, नेपाललाई बलियो बनाऔँ। 🙏🙏🙏🇳🇵🇳🇵

26/08/2026

Stay Safe

🚨🚨‼️ 🦺🛟 सूचना सूचना‼️ 🚨 🚨🦺🛟

नेपाल स्काउटका सम्पुर्ण सदस्यहरुलाई तयारी अवस्थामा रहन अत्यन्त जरुरी सूचना !

भोटेकोसी नदी रसुवामा तिब्बत तर्फबाट ठूलो बाढी प्रवेश गरेकोले अर्को सूचना नआउँदासम्म भोटेकोशी र त्रिशुली नदीको तटिय क्षेत्रमा उच्च सतर्कतासहित उच्च जोखिममा रहेका रसुवा, धादिङ, गोरखा, चितवन र नुवाकोट जिल्लाका नदी तटीय क्षेत्रमा बसोबास गर्ने घरपरिवारलाई सुरक्षित स्थानमा रहनु हुन एवं खोज तथा उद्धार आवश्यक भएमा वा कुनै सहायता गर्नुपर्ने अवस्था देखिएमा टोल फ्रि नम्बर १२३४ मा तुरुन्त कल गर्नुहुन अनुरोध छ। साथै, पृथ्वी राजमार्ग, गल्छी-नुवाकोट-रसुवा-स्याफ्रुबेसी सडक, मुग्लिङ-नारायणगढ सडकमा यात्रा नगर्नु नगराउनु हुन एवं उक्त स्थानमा आवतजावतमा पूर्ण रोक लगाउनु हुन समेत अनुरोध छ।

​स्काउटहरूका लागि विशेष निर्देशन:
यस विपद्को घडीमा उक्त क्षेत्रका सम्पूर्ण स्काउट लिडर, रोभर/रेन्जर र स्काउट सदस्यहरूलाई आफ्नो व्यक्तिगत सुरक्षाको पूर्ण ख्याल राख्दै, स्थानीय प्रशासन र सुरक्षा निकायसँग समन्वय गरी सुरक्षित रूपमा सूचना प्रवाह गर्न र आवश्यक उद्धार कार्यमा सहयोग पुर्‍याउन विशेष आह्वान गरिन्छ।

23/08/2026

शन्त ज्योति स्काउट मित्रता क्याम्प–२०८३ सम्पन्न

शन्त ज्योति स्काउट ट्रुपद्वारा आयोजित शन्त ज्योति स्काउट मित्रता क्याम्प–२०८३ मा इडन इङ्लिस बोर्डिङ स्कुलबाट स्काउटहरूको उत्साहजनक सहभागिता रहेको छ।

उक्त क्याम्पमा इडन इङ्लिस बोर्डिङ स्कुलबाट ६ जना Boys Scout र ५ जना Girl Scout गरी जम्मा ११ जना स्काउटहरू सहभागी भएका थिए। क्याम्पले विभिन्न विद्यालय तथा स्काउट ट्रुपबीच आपसी मित्रता, सहकार्य, नेतृत्व विकास, अनुशासन तथा स्काउटिङ भावनालाई थप मजबुत बनाउन महत्वपूर्ण भूमिका खेलेको छ।

क्याम्पमा सहभागी स्काउटहरूले विभिन्न स्काउटिङ गतिविधि, मनोरञ्जनात्मक कार्यक्रम तथा सामूहिक क्रियाकलापमार्फत नयाँ अनुभव हासिल गर्नुका साथै एकअर्काबीच आत्मीयता र मित्रता आदानप्रदान गरेका थिए।

शन्त ज्योति स्काउट ट्रुपद्वारा आयोजित यस मित्रता क्याम्पले स्काउटहरूमा “Service, Friendship and Brotherhood” को भावना विकास गर्न महत्वपूर्ण योगदान पुर्‍याएको छ।

22/08/2026

20/08/2026

“Build your Swimming skills “

The right swimming foundation can shape how confidently our students feel
in and around water.
Students learn in a supportive, structured environment designed to build water confidence, independence and essential swimming skills from an early age.
EDEN-ENGLISH-BOARDING SCHOOL
SWIM FEST-2083
HAPPY MOMENT

10/08/2026

इडन स्काउट ट्रुपद्वारा बोलबम मन्दिरमा स्वयंसेवक परिचालन

सैनामैना, रुपन्देही । सैनामैना नगरपालिका–स्थित पर्रोहा बोलबम मन्दिरमा एडेन स्काउट ट्रुपका स्काउटहरू स्वयंसेवकका रूपमा परिचालन भएका छन्।

श्रावण महिनाको अवसरमा मन्दिरमा दर्शन तथा पूजाआजाका लागि आउने भक्तजनहरूको चापलाई मध्यनजर गर्दै स्काउटहरूले स्वयंसेवी सेवा प्रदान गरेका हुन्। स्काउट स्वयंसेवकहरूले भक्तजनलाई आवश्यक सहयोग गर्ने, भीड व्यवस्थापनमा सहजीकरण गर्ने तथा मन्दिर परिसरमा अनुशासन र सरसफाइ कायम गर्न सहयोग गरेका छन्।

नेपाल स्काउटको सेवा, अनुशासन र सहयोगको भावनालाई आत्मसात् गर्दै एडेन स्काउट ट्रुपले सामाजिक तथा धार्मिक स्थलमा स्वयंसेवी सेवा प्रदान गरेको हो। यस प्रकारका सेवामूलक गतिविधिले स्काउटहरूमा नेतृत्व क्षमता, जिम्मेवारीबोध र सामाजिक सेवाप्रतिको भावना थप विकास गर्न सहयोग पुग्ने विश्वास गरिएको छ।

मन्दिर व्यवस्थापन तथा भक्तजनहरूले समेत स्काउट स्वयंसेवकहरूको सेवाको प्रशंसा गर्दै धन्यवाद व्यक्त गरेका छन्।