12/07/2024
आज जुलाई १२ । सन २०१९ जुलाई १२ का दिन नै लायन्स क्लब अफ विराटनगर हेल्थ प्राेफेसनल ले " द ईन्टरनेसनल एसाेसिएसन अफ लायन्स क्लबस्" मा विधिवत रुपमा दर्ता भएका थिए ।
संस्थापक अध्यक्ष डा.बालकृष्ण साह, उपाध्यक्षहरु क्रमश : हैदर अली, प्रमाेद कुमार चाैधरी, शम्भु साह, सचिव अजय कटुवाल र काेषाध्यक्ष रविन राय लगायत २० जना स्वास्थ्य सेवा क्षेत्रमा आवद्ध सदस्यहरुले लायन्स बर्ष २०१९/२० शुरु हुनु अगाडि नै संगठित भएर सेवामूलक काममा सक्रिय थिए । क्लवले संगठित भए देखि २०१९ नै निकै ससक्त भएर समाजमा काम गरेकै कारण विधिवत स्थापित हुनु अगाडि नै आफ्नो परिचय बनाई सकेका थिए ।
लायन बर्ष २०२१/२२ का अध्यक्ष प्रमाेद कुमार चाैधरीले आफ्नो कार्यकालमा जुलाई १२ का दिनलाई स्थापना दिवस (चार्टर्ड डे) का रुपमा भव्यताका साथ मनाए र साे उत्सवमा पुर्व अध्यक्षहरुलाई सम्मान गरे । उनी पछिका अध्यक्षहरु क्रमश: शम्भु साह, डा. शुनिल रेग्मी र यस बर्षका अध्यक्ष अनिल शर्मा चाैधरीले यसैकाे निरन्तरता दिएका छन् ।
विराटनगर ४ मा आज क्लवले आयाेजना गरेकाे कार्यक्रममा लायन्स अन्तर्राष्ट्रिय ३२५ सि का गभर्नर विकास अधिकारी प्रमुख अथिति रहेका थिए । कार्यक्रममा डिष्ट्रिक्ट सचिव उदय नारायण बराल, काेषाध्यक्ष रमेश खत्री, रिजन चियर पर्सन एकता थापा, क्लवका संस्थापक अध्यक्ष डा. बालकृष्ण साह, पुर्व अध्यक्षहरु हैदर अलि, डा. सुनिल रेग्मी र क्लवका पदाधिकारी तथा सदस्यहरु थिए । कामकाे शिलशिलामा विराटनगर बाहिर रहेका पुर्व अध्यक्ष द्वय प्रमाेद कुमार चाैधरी र शम्भु साह उपस्थिति हुन सकेका थिएनन् ।
कार्यक्रममा बाेल्दै अध्यक्ष अनिल शर्मा चाैधरीले कार्यकालकाे शुरुआत जुलाई १ देखि आज १२ सम्म कार्यक्रमहरु गरेर अहिलेलाई विट मारेकाे तर फेरि समाजमा सेवा मुलुक कार्यक्रम गर्ने प्रतिबद्धता व्यक्त गरे । उनले १ देखि १२ सम्म गरेका कार्यक्रमहरुकाे चर्चा समेत गरे । उनले जुलाई १ मा नाेवेल मेडिकल कलेजमा रक्तदान कार्यक्रम गरेका थिए, जसमा ४६ पिन्ट रगत संकलन भएकाे थियाे । जुलाई २ र ३ मा "फुड फर हंगर" थिममा मानव सेवा आश्रममा अन्य क्लवहरुसंग सहकार्य गरेर र शंकरपुर आधारभुत विद्यालयका विद्यार्थीहरुलाई खाना खुवाएका थिए । जुलाई ४ मा "मधुमेह" थिममा वरगाछीमा निःशुल्क उच्चरक्तचाप, मधुमेह तथा लिपिड प्राेफाईल परिक्षण गरेका थिए । जुलाई ५ मा गभर्नरले आवहान गरे अनुसार राष्ट्रिय ड्युज र संगै अन्तर्राष्ट्रिय ड्युज पनि बुझाएका थिए । जुलाई ६ मा विराटनगरमा भएकाे "डिष्ट्रिक्ट कन्भेन्सन" मा काेहाेष्ट भएका थिए । जुलाई ७ मा बृक्षाराेपण, जुलाई ८ मा आखाँकाे शल्यक्रिया गर्नका लागि गरिव विमारीलाई आर्थिक सहयाेग, जुलाई ९ मा रामलाल गाेल्छा आँखा अस्पतालकाे सहयाेगमा गढि ३ छिटहा सुनसरीमा निशुल्क आँखा शिविर, जुलाई १० मा क्यान्सर पिडितलाई सहयोग, जुलाई ११ मा गतबर्ष नेपालटेलिकमकाे प्रागङमा गरिएकाे बृक्षराेपणलाई गाेडमेल तथा संरक्षण र जुलाई १२ मा चार्टर्ड डे सेलेव्रेसन गरेकाे बताए ।
कार्यक्रममा गभर्नर विकास अधिकारीले क्लवका गतिविधिलाई उच्च मुल्यांकन गर्ने प्रतिबद्धता व्यक्त गर्दै अध्यक्ष चाैधरीलाई अन्तर्राष्ट्रिय निर्देशकका पिनले सम्मान गरेका थिए ।
