02/09/2026
❤️ Neste år fyller Hareid kyrkje 150 år!
Hareid Ten Sing har vore ein vesentlig del av kyrkjelivet i mange av desse 150 åra. KFUK-KFUM Hareid har blitt utfordra til å lage eit stort kor med gamle og nyare tensingarar, bruke ei lita helg på å øve inn nokre songar og så ha ei form for konsert, midt i oktober 2027, siste helg i haustferien/første helga i Hareidstemna.
Vi kjem til å lage ein komité som kan arbeide med dette. Det kan bli ei utfordring å nå tak i gamle medlemmer, så vi håper på god hjelp til dette arbeidet. Førebels er planane noko vage. Men vi ser for oss å dele notar på førehand, øve ei helg og så køyre ein konsert der vi kan vise kor kjekt det er med skikkelig stort kor! Ei slik helg kan vere tidenes reunion! Har du lengta etter å spele i bandet igjen? Flott! Har du sakna å synge saman med 80 andre? No kan det skje!
Set eit merke i kalenderen, og start med å drage med nokre av dei du hugsar stod bak deg i koret:) Lik og del😉
