Giskespelet

25/06/2026

Takk for flotte ord om årets spel, Øyblikk! ♥️⚔️♥️

Spelhelga på Giske sette punktum for fire fulle og stemningsrike framsyningar av Giskespelet 2026. ØyBlikk følgde laurdagens framsyning, der publikum fekk

23/06/2026

Strålande tilbakemelding frå IÅlesund, som også tok turen. Takk og takk♥️⚔️♥️

Årets oppsetning løftes fram som en av de sterkeste på Sunnmøre på mange år.

🔗 Les saken fra lenken i kommentarfeltet

22/06/2026

Vi har rodd i land ei fantastisk spelhelg! ⚔️

Fire framsyningar med fullsett amfi og minner for livet.

No er vikingskoa tekne av, skjolda lagde på hylla og sverda sette i slira – i alle fall fram til neste tokt.

Men før vi kviler heilt ut, vil vi saman med publikum sende ei helsing over havet:

HEIA NORGE! 🇳🇴⚽

Lukke til til landslaget i natt. Må de kjempe minst like hardt, stå like samla og halde kursen like stødig som vi har gjort gjennom desse vekene – då ligg alt til rette for siger!

Heile spelfamilien og publikummet vårt heiar på dykk! ❤️🤍💙

21/06/2026

På spelets siste dag er vi i vinden meir enn nokon gong😅
Men både bak og på scena er stemninga høg🔥
Kom og sjå oss for aller siste gong på forestillinga kl.17.00.
Svelene er klare frå 16.00 og tunfolket set stemninga allereie kl. 16.30.
Kle deg godt og kom, det er 2 år til neste gong♥️⚔️♥️

21/06/2026

Vær helsa, kjære publikum!

Eg elsker spel. Verkeleg. I ei tid der mykje trekkjer oss kvar vår veg, er det verdifullt å samlast rundt noko større enn oss sjølve. Rundt ei forteljing. Rundt ein stad. Rundt eit fellesskap.

Det er noko heilt fantastisk med samhaldet, frivilligheita, hjelpsamheita og korleis sjølv den minste brikka i maskineriet er av avgjerande betydning. Kvar einaste person tel. Kvar einaste innsats betyr noko.

Og tenk at vi, på berre tre små veker, kan tromme saman noko så stort og flott som dette. Det gjer inntrykk på meg, og eg er oppriktig stolt av det vi har fått til saman.

Noko av det finaste med å arbeide med spel er barna. Som ein som sjølv vaks opp på barneteateret, er det rørande å sjå den same spelgleda som eg kjende då eg var liten. Å sjå barn tre inn i teaterets magiske univers, der tresverd blir ekte sverd, der ein kappe kan gjere deg til konge, og der fantasien for ei stund gjer det heile ekte, er spelets verkelege kraft.

I år har vi også med oss to fantastiske profesjonelle skodespelarar i Morten Svartveit og Jonas Hoff Oftebro, og dei har bydd på seg sjølve langt utover det ein kan forvente. Og dei står side om side med amatørar som spelar så det gnistrar. Nettopp dette er noko av det som gjer spel så unikt. Her møtest erfaring og entusiasme, profesjonelle og frivillige, og unge og gamle, i eit felles løft.

Få stader eignar seg betre for dette enn Giske.

For Giske er ikkje berre ein vakker stad. Det er ein av dei mest historisk betydningsfulle stadene i landet vårt. Her finn vi spor etter menneske som var med på å forme Noreg slik vi kjenner det. Historiene vi fortel her ute er ikkje berre lokale forteljingar. Dei er ein del av vår felles historie.

I årets spel møter vi Arnungane på Giske i ei tid då landet står ved eit vegskilje. Torberg Arnesson drøymer om fred, men blir dregen mellom lojaliteten til kong Olav Haraldsson og bandet til svigerfaren Erling Skjalgsson, den mektigaste hersen i landet. Midt i dette står Ragnhild Erlingsdotter, Torbergs ektefelle, som må halde familien samla medan kreftene rundt dei trugar med å rive både landet og slekta frå kvarandre.

Difor handlar Giskespelet om meir enn underhaldning. Det handlar om å halde saman. Om å halde historia levande. Om å løfte fram menneska som kom før oss. Om å ta vare på den felles kulturarven vår og gi han vidare til nye generasjonar. Om tru og håp, og om at kjærleiken til alle tider har vore det største av alt.

Takk til alle som har bidrege. Til ildsjelar, sponsorar, skodespelarar, musikarar, frivillige, teknikarar, kostymefolk, til born, ungdom og vaksne, til foreldre og besteforeldre, og til alle andre som har vore med på å gjere dette mogleg.

Og takk til dykk som kjem for å oppleve det.

Velkomen til Giskespelet 2026.

Rolf Kristian Larsen
Regissør

20/06/2026

Giske kommune er ei av landets største fiskerikommuner - mykje grunna den sterke havfiskeflåten på Godøya. Her har ei av landets største linebåtflåter samla.
Både havet og historia vår er ein viktig del av vår identitet. Takk til rederia Loran, Veidar, K.Nyvoll og Nesbakk som alle støtter opp om Giskespelet og historia vår🙏 Tusen takk⚔️🔥⚔️
Søndag er siste dag med spel. Gå ikkje glipp av dette fantastiske eventyret, billettar finn du her: www.giskespelet.no

20/06/2026

Noko av det vakraste med Giskespelet er alle barna og den reisa dei får ta del i♥️
Nokre av dei er nærast «fødd inn i spelet» Både Astrid og Klara her er allereie veteranar med heile 3 spel, før dei sjølv har byrja på skulen.
Vi tillet oss eit lite biletetilbakeblikk før dagens forestilling. Både dei og dei andre barna som er med har no vore vikingar sidan slutten av mai - og er fortsatt ikkje lei. Det einaste dei gruer for er at etter imorgon er det
over. Hugs det - og kom og sjå🤩

19/06/2026

Vi har hatt en enorm respons på billettsalget etter premieren!😍😍 Det ser også ut som ruskeværet viker for lørdagens forstilling og det blir perfekt spelvær! Vi er veldig klar for ny forestilling lørdag kl. 16, er du?

19/06/2026

⚔️♥️⚔️

Se stor bildeserie fra premieren på Giskespelet 📸
Link i kommentarfelt

19/06/2026

I ei hektisk speltid blir god service ekstra satt pris på🙏
Og i Giske er vi så heldige at vi har en skikkelig kjøpmann, han «Trond bort på Spar»😍
Han og alle dei fantastiske kollegaene han har, heier på spelet, frivilligheten og historia vår. I tillegg bidreg dei også som sponsor. Tenk det🙏
Imorgon er det nytt spel og vi har varene klar, både i kiosk og på scene😉⚔️😉